-
68039
ᠡᠬᠡ ᠬᠡᠯᠡᠨ ᠣ ᠴᠢᠯᠦᠭᠡᠳᠦ ᠰᠠᠯᠬᠢᠨ
2019-05-28 09:05
216
0
ᠡᠬᠡ ᠬᠡᠯᠡᠨ ᠣ ᠴᠢᠯᠦᠭᠡᠳᠦ ᠰᠠᠯᠬᠢᠨ
ᠦᠩᠭᠡ ᠶᠢᠨ ᠰᠢᠪᠠᠭᠤᠳ ᠴᠢᠯᠦᠭᠡᠳᠦ ᠰᠠᠯᠬᠢᠨᠠ ᠲᠤᠩᠭᠤᠳᠬᠤ ᠴᠢᠮᠡᠬᠡᠨ ᠡᠬᠡ ᠬᠡᠯᠡ ᠶᠤᠮ
ᠡᠬᠦᠷᠢᠳᠡ ᠶᠢᠨ ᠨᠤᠳᠤᠭ ᠴᠡᠩᠭᠡᠷ ᠪᠤᠷᠤᠭᠠᠨᠠ ᠮᠠᠨᠠᠨᠳᠤᠬᠤ ᠪᠡᠷᠡ ᠡᠬᠡ ᠬᠡᠯᠡ ᠶᠤᠮ
ᠦᠷᠯᠦᠬᠡ ᠶᠢᠨ ᠰᠡᠬᠦᠳᠡᠷ ᠨᠡᠷᠡᠨ ᠣ ᠢᠯᠴᠢᠨ ᠳᠦ ᠰᠤᠪᠤᠳᠷᠠᠬᠤ ᠬᠡᠷᠡᠯ ᠡᠬᠡ ᠬᠡᠯᠡ ᠶᠤᠮ
ᠦᠷᠦᠬᠡᠯ ᠳᠦ ᠪᠢ ᠦᠪᠡᠷ ᠢ ᠪᠠᠨ ᠲᠠᠨᠢᠭᠤᠯᠬᠤ ᠠᠮᠠᠨ ᠬᠡᠷᠡᠴᠢ ᠡᠬᠡ ᠬᠡᠯᠡ ᠶᠤᠮ
ᠬᠠᠳᠠᠨ ᠵᠢᠷᠤᠭ ᠤᠨ ᠬᠡ ᠵᠢᠷᠤᠭᠠᠰᠤᠨ ᠳᠤ ᠡᠬᠡ ᠬᠡᠯᠡ ᠮᠢᠨᠢ ᠪᠢᠴᠢᠭᠳᠡᠳᠡᠭ
ᠬᠠᠨᠠᠭᠠᠷ ᠬᠡᠬᠡᠷᠡ ᠶᠢᠨ ᠬᠦᠮᠦᠨ ᠴᠢᠯᠠᠭᠤ ᠡᠬᠡ ᠬᠡᠯᠡ ᠵᠢ ᠮᠢᠨᠢ ᠮᠡᠳᠡᠳᠡᠭ
ᠪᠤᠭᠤᠨ ᠴᠢᠯᠠᠭᠤ ᠬᠡᠷᠡᠯᠳᠦ ᠬᠦᠰᠢᠶᠡ ᠡᠬᠡ ᠬᠡᠯᠡ ᠵᠢ ᠮᠢᠨᠢ ᠲᠡᠮᠳᠡᠭᠯᠡᠳᠡᠭ
ᠪᠤᠰᠤᠭᠠ ᠬᠡᠢᠮᠤᠷᠢ ᠶᠢᠨ ᠬᠡᠬᠡᠨ ᠰᠤᠳᠤᠷ ᠢᠶᠠᠨ ᠡᠬᠡ ᠬᠡᠯᠡ ᠪᠡᠷ ᠢᠶᠡᠨ ᠲᠤᠭᠤᠷᠪᠢᠳᠠᠭ
ᠨᠤᠳᠤᠭ ᠤᠨ ᠪᠠᠭᠤᠴᠠᠨ ᠣ ᠬᠠᠭᠤᠴᠢᠨ ᠲᠤᠭᠤᠷᠢ ᠡᠬᠡ ᠬᠡᠯᠡ ᠮᠢᠨᠢ ᠪᠠᠢᠪᠠ
ᠨᠤᠭᠤᠯᠤᠷ ᠢᠳᠡᠭᠰᠡᠨ ᠬᠢᠳᠤᠭᠠᠨ ᠢᠷ ᠡᠬᠡ ᠬᠡᠯᠡ ᠮᠢᠨᠢ ᠪᠠᠢᠪᠠ
ᠨᠤᠭᠤᠭᠠᠨ ᠣ ᠰᠢᠨᠡᠭᠡᠨ ᠨᠠᠬᠢᠶᠠ ᠡᠬᠡ ᠬᠡᠯᠡ ᠪᠡᠷ ᠰᠡᠩᠬᠢᠨᠡᠳᠡᠭ
ᠨᠢᠭᠤᠴᠠᠬᠠᠨ ᠬᠠᠢᠷᠠ ᠶᠢᠨ ᠰᠢᠪᠡᠨᠡᠭᠡ ᠡᠬᠡ ᠬᠡᠯᠡ ᠪᠡᠷ ᠤᠶᠠᠩᠭᠠᠷᠠᠳᠠᠭ
ᠪᠤᠷᠠᠨᠳᠠᠭ ᠰᠤᠯᠢᠵᠥ ᠬᠡᠰᠢᠭ ᠢ ᠨᠢ ᠲᠠᠯᠠᠯᠤᠭᠰᠠᠨ ᠲᠡᠮᠡᠭᠡᠳ ᠪᠤᠯ ᠡᠬᠡ ᠬᠡᠯᠡ
ᠪᠤᠭᠤᠯᠠᠭᠠ ᠰᠤᠯᠠᠯᠠᠵᠥ ᠪᠡᠯᠴᠢᠭᠡᠷ ᠲᠤ ᠨᠢ ᠲᠡᠯᠪᠢᠭ᠌ᠰᠠᠨ ᠱᠠᠷ ᠪᠤᠯ ᠡᠬᠡ ᠬᠡᠯᠡ
ᠵᠦᠪ ᠪᠤᠰᠤᠭᠰᠠᠨ ᠲᠠᠤᠯᠠᠢ ᠶᠢᠨ ᠮᠦᠷ ᠡᠬᠡ ᠬᠡᠯᠡ ᠵᠢ ᠲᠠᠮᠠᠭᠠᠯᠠᠨᠠ
ᠵᠦᠩ ᠪᠢᠯᠢᠭ ᠦᠨ ᠠᠯᠳᠠᠨ ᠬᠤᠷᠤᠮ ᠡᠬᠡ ᠬᠡᠯᠡ ᠵᠢ ᠬᠠᠢᠯᠳᠠᠭ
ᠨᠠᠢ᠌ᠮᠠᠨ ᠰᠢᠷᠭᠠ ᠠᠳᠤᠭᠤᠨ ᠣ ᠲᠤᠷᠠᠭᠠᠨ ᠪᠡᠯᠴᠢᠭᠡᠷ ᠡᠬᠡ ᠬᠡᠯᠡ ᠪᠠᠢᠭᠰᠠᠨ ᠶᠤᠮ
ᠨᠠᠢ᠌ᠮᠠᠨ ᠵᠠᠭᠤᠨ ᠣ ᠨᠠᠮᠢᠷᠠᠭᠰᠠᠨ ᠪᠤᠷᠤᠭᠠ ᠡᠬᠡ ᠬᠡᠯᠡ ᠪᠠᠢᠭᠰᠠᠨ ᠶᠤᠮ
ᠪᠤᠷᠬᠠᠨ ᠲᠡᠭᠷᠢ ᠮᠤᠩᠭᠤᠯ ᠢ ᠰᠤᠩᠭᠤᠬᠤ ᠳᠤ ᠲᠡᠭᠷᠢ ᠬᠡᠯᠡ ᠲᠡᠢ ᠨᠢ ᠲᠤᠮᠢᠯᠠᠭᠰᠠᠠ ᠶᠤᠮ
ᠪᠤᠭᠤᠷᠤᠯ ᠲᠡᠦᠬᠡ ᠶᠢᠨ ᠬᠠᠭᠤᠳᠠᠰᠤᠨ ᠳᠤ ᠪᠢᠳᠠ ᠪᠤᠰᠤᠭᠠ ᠪᠢᠴᠢᠭ ᠲᠡᠢ ᠦᠯᠡᠳᠡᠭᠰᠡᠨ ᠶᠤᠮ
