ᠲᠡᠷᠭᠡᠲᠦ ᠂ ᠴᠤᠶᠢᠨᠤᠮ
ᠴᠤᠯᠤ ᠮᠠᠯᠵᠢᠬᠤ ᠤᠷᠤᠨ ᠳ᠋ᠥ ᠮᠠᠯ ᠬᠠᠰᠢᠶᠠᠯᠠᠬᠤ ᠳᠦᠷᠦ ᠶᠢᠨ
ᠪᠤᠳᠤᠯᠢᠭᠠ ᠶᠢ ᠦᠭᠡᠶᠢᠰᠭᠡᠪᠡᠯ ᠵᠤᠬᠢᠮᠤᠢ
ᠪᠢ ᠪᠤᠯ ᠮᠠᠯᠴᠢᠨ ᠤ ᠬᠡᠦᠬᠡᠳ ᠃ ᠬᠡᠷᠡᠪᠡ ᠲᠠᠨᠠᠷ ᠮᠠᠯᠴᠢᠨ ᠤ ᠬᠡᠦᠬᠡᠳ ᠪᠤᠯᠤᠭᠰᠠᠨ ᠪᠤᠯ ᠡᠨᠡ ᠰᠡᠳᠦᠪ ᠢ ᠶᠠᠷᠢᠵᠤ ᠂ ᠪᠠᠰᠠ ᠳᠡᠭᠡᠭᠡᠰᠢ ᠪᠡᠨ ᠰᠠᠨᠠᠯ ᠳᠡᠪᠰᠢᠭᠦᠯᠵᠦ ᠪᠤᠯᠤᠨᠡ ᠰᠢᠪᠲᠠ ᠂
ᠤᠨᠴᠤᠭᠤᠶᠢᠯᠡᠨ ᠮᠠᠯᠴᠢᠨ ᠠᠷᠠᠳ ᠤᠨ ᠳᠦᠯᠦᠭᠡᠯᠡᠭᠴᠢ ᠪᠤᠯ ᠳᠠᠷᠬᠠᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠬᠦᠮᠦᠰ ᠂ ᠬᠡᠯᠡᠳᠡᠭ ᠬᠦᠮᠦᠰ ᠃ ᠠᠷᠠᠳ ᠤᠨ ᠰᠠᠨᠠᠯ ᠢ ᠨᠢ ᠳᠡᠪᠰᠢᠭᠦᠯᠵᠦ ᠦᠭᠳᠡᠭ ᠬᠦᠮᠦᠰ᠃
ᠮᠠᠯ ᠪᠤᠯ ᠮᠠᠯᠴᠢᠨ ᠠᠷᠠᠳ ᠤᠨ ᠠᠮᠢᠳᠤᠷᠠᠯ ᠤᠨ ᠬᠢᠨᠢ ᠭᠤᠤᠯ ᠲᠤᠯᠭᠠᠭᠤᠷᠢ ᠃ ᠮᠠᠯ ᠠᠵᠤ ᠠᠬᠤᠢ ᠨᠡᠶᠢᠭᠡᠮ ᠳ᠋ᠥ ᠲᠠᠷᠢᠶᠠᠯᠠᠠᠭ᠌ ᠠᠵᠤ ᠦᠢᠯᠡᠳᠪᠦᠷᠢᠯᠡᠯ ᠂ ᠵᠢᠭᠠᠰᠤᠨ ᠠᠵᠤ ᠠᠬᠤᠢ ᠯᠤᠭᠠ
ᠨᠢᠭᠡ ᠯᠡ ᠠᠳᠠᠯᠢ ᠨᠢᠭᠡᠨ ᠬᠡᠯᠪᠡᠷᠢ ᠶᠢᠨ ᠠᠵᠤ ᠠᠬᠤᠢ ᠮᠦᠨ ᠃ ᠮᠠᠯᠴᠢᠨ ᠬᠦᠮᠦᠨ ᠦ ᠮᠠᠯ ᠢ ᠨᠢ ᠬᠠᠰᠢᠶᠠᠯᠠᠵᠤ ᠂ ᠮᠠᠯ ᠤᠨ ᠲᠣᠭᠠ ᠲᠤᠯᠤᠭᠠᠢ ᠶᠢ ᠨᠢ ᠬᠢᠵᠠᠭᠠᠷᠯᠠᠵᠤ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠤᠯ
ᠲᠠᠷᠢᠶᠠᠴᠢᠨ ᠠᠷᠠᠳ ᠤᠨ ᠲᠠᠷᠢᠶᠠᠨ ᠭᠠᠵᠠᠷ ᠂ ᠠᠨᠵᠢᠰᠤ ᠬᠠᠳᠤᠭᠤᠷ ᠢ ᠬᠠᠰᠤᠵᠤ ᠂ ᠵᠢᠭᠠᠰᠤᠴᠢᠨ ᠢᠷᠭᠡᠨ ᠦ ᠤᠠᠭ᠍ᠭᠤᠴᠠ ᠰᠠᠯ ᠂ ᠳᠠᠯᠠᠢ ᠶᠢᠨ ᠤᠷᠤᠨ ᠡᠴᠡ ᠨᠢ ᠬᠡᠰᠡᠭᠡᠯᠡᠵᠦ ᠠᠪᠤᠭᠰᠠᠨ ᠲᠠᠢ ᠶᠠᠮᠠᠷ
ᠢᠯᠭᠠᠭᠠ ᠪᠠᠶᠢᠨᠠ ᠪᠤᠢ ︖
ᠮᠠᠯᠴᠢᠨ ᠮᠤᠠᠭ᠍ᠭᠤᠯ ᠮᠠᠯ ᠠᠴᠠ ᠪᠡᠨ ᠰᠠᠯᠪᠠᠯ ᠴᠢᠮᠦᠭᠡ ᠪᠤᠯᠵᠤ ᠪᠠᠶᠢᠭᠠ ᠰᠤᠶᠤᠯ ᠢᠶᠠᠨ ᠠᠯᠳᠠᠨᠠ ᠃ ᠮᠠᠯ ᠠᠴᠠ ᠪᠡᠨᠰᠠᠯᠪᠠᠯ ᠨᠤᠲᠤᠭ ᠢᠶᠠᠨ ᠠᠯᠳᠠᠨᠠ ᠂ ᠨᠤᠲᠤᠭ ᠤᠰᠤᠨ ᠠᠴᠠ ᠪᠡᠨ ᠰᠠᠯᠪᠠᠯ ᠬᠤᠲᠠ ᠤᠷᠤᠵᠤ ᠭᠢᠯᠡᠶᠢᠨᠡ ᠂ ᠬᠤᠲᠡ ᠤᠷᠤᠵᠤ ᠭᠢᠯᠡᠶᠢᠭ᠌ᠰᠠᠭᠠᠷ ᠬᠤᠶᠢᠴᠢ ᠦᠶᠡ ᠨᠢ ᠤᠷᠤᠬᠤ ᠭᠡᠷ ᠤᠭᠤᠴᠢᠬᠤ ᠠᠶᠠᠭᠠ ᠂ᠦᠭᠡᠢ ᠪᠤᠯᠤᠨᠠ ᠃
ᠬᠤᠶᠢᠴᠢ ᠦᠶᠡ ᠴᠢᠨᠢ ᠪᠡᠷᠬᠡᠲᠡᠭᠡᠳ ᠢᠷᠡᠬᠦ ᠴᠠᠭ ᠲᠣ ᠰᠠᠶ᠋ᠢ ᠳᠡᠭᠡᠳᠦᠰ ᠦᠨ ᠢᠶᠡᠨ ︽ ᠨᠤᠲᠤᠭ ᠠᠯᠳᠠᠪᠠᠯ ᠬᠤᠲᠤᠭ ᠠᠯᠳᠠᠨᠠ ︾ ᠭᠡᠰᠡᠨ ᠮᠡᠷᠭᠡᠨ ᠰᠤᠷᠭᠠᠯ ᠢ ᠤᠶᠢᠯᠭᠠᠬᠤ
ᠪᠤᠯᠤᠮᠤᠢ ︕
ᠮᠠᠯ ᠬᠠᠰᠢᠶᠠᠯᠠᠬᠤ ᠳᠦᠷᠦ ᠶᠢᠨ ᠪᠤᠳᠤᠯᠢᠭᠠ ᠪᠤᠯ ᠮᠠᠰᠢ ᠬᠠᠷᠭᠢᠰ ᠪᠤᠳᠤᠯᠢᠭᠠ ᠮᠦᠨ ᠃ ᠮᠠᠯ ᠠᠴᠠ ᠴᠢᠨᠢ ᠂ ᠰᠤᠶᠤᠯ ᠠᠴᠠ ᠴᠢᠨᠢ ᠂ ᠨᠤᠲᠤᠭ ᠠᠴᠠ ᠴᠢᠨᠢ ᠰᠠᠯᠭᠠᠬᠤ ᠨᠢᠭᠡᠨ ᠶᠤᠰᠤᠨ ᠤ
ᠮᠡᠷᠭᠡᠨ ᠳᠦᠷᠦ ᠶᠢᠨ ᠪᠤᠳᠤᠯᠢᠭᠠ ᠮᠦᠨ ᠃
ᠶᠠᠫᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠲᠡᠨ ᠤᠷᠤᠵᠤ ᠢᠷᠡᠭᠡᠳ ᠮᠠᠯᠴᠢᠳ ᠲᠤ ᠪᠠᠰᠠ ᠡᠶᠢᠮᠦ ᠬᠠᠷᠭᠢᠰ ᠪᠤᠳᠤᠯᠢᠭᠠ ᠬᠡᠷᠡᠭᠯᠡᠭᠰᠡᠨ ᠦᠭᠡᠢ ᠰᠢᠤ ︕
ᠲᠡᠦᠬᠡ ᠪᠡᠨ ᠡᠷᠭᠢᠴᠡᠭᠦᠯᠵᠦ ᠦᠵᠡ ︕
2015.5.4
