-
14865
ᠪᠢ ᠮᠠᠭᠤ ᠡᠷᠡ ᠡ
2018-12-16 16:37
59
0
︿ ︿ ᠨᠢᠭᠡᠨ ᠦᠶᠡ ᠶᠢᠨ ᠲᠡᠭᠷᠢᠯᠢᠭ ᠬᠦᠪᠡᠭᠦᠨ ﹀ ﹀ ᠭᠡᠬᠦ ᠨᠡᠷᠡ ᠶᠢ
ᠨᠢᠵᠢᠭᠢᠨᠡᠲᠡᠯᠡ ᠲᠠᠶᠢᠳᠤᠵᠦ ᠳᠡᠯᠡᠬᠡᠢ ᠳᠣᠩᠰᠤᠯᠭᠠᠭᠰᠠᠨ
ᠲᠡᠮᠦᠵᠢᠨ ᠳᠦ ᠪᠡᠨ ᠡᠭᠦᠷᠦᠭᠦᠯᠴᠢᠭᠡᠭᠡᠳ
︿ ︿ᠨᠢᠭᠡᠴᠦ ᠲᠡᠶᠢᠮᠦ ᠪᠢᠰᠢ ︕
ᠲᠡᠮᠦᠵᠢᠨ ᠭᠡᠳᠡᠭ ᠴᠢᠨᠢ
ᠲᠡᠷᠡ ᠴᠠᠭ ᠲᠤ ᠪᠠᠨ
ᠪᠡᠶᠡ ᠪᠡᠷ ᠯᠠ ᠪᠢᠰᠢ ᠂
ᠪᠢᠯᠢᠭ ᠢᠶᠡᠷ ᠢᠶᠡᠨ ᠴᠦ ᠭᠡᠰᠡᠨ ᠪᠠᠭᠠᠳᠤᠷ ᠶᠠᠪᠤᠭᠰᠠᠨ ﹀ ﹀ ᠭᠡᠵᠦ
ᠡᠰᠡᠷᠭᠦᠴᠡᠵᠦ ᠨᠢᠴᠤᠭᠠᠵᠦ ᠴᠢᠳᠠᠯ ᠦᠭᠡᠢ ᠂
ᠠᠽᠢᠶᠡ ᠡᠧᠦ᠋ᠷᠦᠫᠡ ᠶᠢᠨ ᠲᠡᠦᠬᠡ ᠲᠡᠭᠦᠨ ᠢ ᠭᠡᠷᠡᠴᠢᠯᠡᠨᠡ ᠭᠡᠵᠦ
ᠪᠤᠰᠤᠳ ᠲᠤ ᠨᠠᠶᠢᠳᠠᠵᠦ ᠂
ᠪᠣᠳᠤᠯ ᠢᠶᠠᠨ ᠬᠠᠭᠤᠷᠴᠦ ᠰᠠᠭᠤᠭᠰᠠᠨ
ᠪᠢ ᠮᠠᠭᠤ ᠡᠷᠡ ᠡ ︕
ᠥᠨᠳᠦᠷ ᠲᠦ ᠰᠠᠭᠤᠵᠦ ᠂ ᠡᠮᠦᠰᠬᠦ ᠲᠡᠷᠯᠢᠭ ᠢᠶᠡᠷ ᠯᠠ
ᠮᠣᠩᠭᠤᠯ ᠢᠶᠠᠨ ᠭᠤᠶᠤᠭᠤᠯᠵᠦ ᠂
ᠥᠮᠨᠦᠭᠡ ᠦᠭᠡ ᠪᠡᠷ ᠦᠷᠡ ᠬᠤᠶᠢᠴᠢᠰ ᠢ ᠮᠢᠨᠢ
ᠴᠤᠯᠴᠠᠷᠢᠭᠤᠯᠵᠦ ᠪᠠᠶᠢᠬᠤ ᠳᠤ
︿ ︿ ᠦᠭᠡᠢ ᠂ ᠡᠨᠡ ᠴᠢᠨᠢ ᠶᠠᠭᠤ ᠪᠤᠯᠵᠦ ᠪᠠᠶᠢᠨᠠ ︖
ᠦᠭᠡ ᠬᠡᠯᠡ ᠴᠢᠨᠢ ᠯᠡ ᠥᠪ ᠦᠨᠡᠨ ᠬᠦ ᠰᠣᠶᠣᠯ ᠶᠤᠮ ᠰᠢᠦ﹀ ﹀ ᠭᠡᠵᠦ
ᠦᠷᠦᠭᠡᠯ ᠳᠦ ᠰᠠᠶᠢᠮᠰᠤᠷᠠᠨ ᠦᠨᠡᠨᠴᠢᠷᠭᠡᠵᠦ ᠶᠠᠪᠤᠭᠠ
ᠲᠠᠷᠤᠭᠠ ᠶᠢᠨ ᠡᠰᠡᠷᠭᠦ ᠠᠴᠠ
ᠢᠳᠬᠠᠵᠦ ᠬᠣᠷᠢᠭᠯᠠᠨ ᠲᠡᠶᠢᠯᠦᠯ ᠦᠭᠡᠢ ᠂
ᠠᠭᠤᠷᠯᠠᠵᠦ ᠤᠴᠠᠭᠠᠷᠯᠠᠨ ᠰᠠᠭᠤᠭᠰᠠᠨ
ᠪᠢ ᠮᠠᠭᠤ ᠡᠷᠡ ᠡ ︕
ᠤᠯᠠᠷᠢᠯ ᠢᠯᠭᠠᠬᠤ ᠦᠭᠡᠢ
ᠤᠷᠠᠨ ᠪᠠᠷᠢᠯᠳᠤᠭᠠᠨ ᠭᠠᠶᠢᠬᠠᠨ ᠂
ᠦᠨᠵᠢᠭᠦᠳᠡ ᠬᠣᠨᠤᠭᠤᠳᠠ
ᠨᠠᠶᠢᠷ ᠭᠡᠰᠦᠭᠰᠡᠨ ᠮᠠᠯᠴᠢᠳ ᠢᠶᠠᠨ
︿ ︿ ᠨᠠᠭᠠᠳᠤᠮ ᠠᠬᠠᠳᠠᠪᠠᠯ ᠨᠠᠮᠤᠰᠤ ᠪᠣᠯᠳᠠᠭ ᠭᠡᠨᠡ ᠯᠠᠢ
ᠨᠠᠶᠢᠷ ᠬᠦᠷ ᠬᠥᠭ ᠡᠴᠡ ᠬᠡᠳᠦᠷᠡᠵᠦ ᠪᠠᠶᠢᠬᠤ ᠨᠢ ﹀ ﹀ ᠭᠡᠵᠦ
ᠬᠡᠷᠡᠭ ᠲᠠᠢ ᠦᠭᠡ ᠪᠡᠷ ᠬᠠᠰᠢᠵᠦ ᠬᠤᠷᠢᠭᠯᠠᠵᠤ ᠳᠡᠶᠢᠯᠦᠯ ᠦᠭᠡᠢ ᠂
ᠥᠩᠬᠡ ᠲᠠᠷᠠᠰᠤ ᠨᠠᠶᠢᠷ ᠬᠦᠷ ᠲᠦ ᠰᠢᠨᠤᠨ
ᠥᠪᠡᠷ ᠦᠨ ᠲᠥᠷᠦ ᠪᠡᠨ ᠪᠠᠯᠡᠷᠠᠭᠤᠯᠵᠦ ᠪᠠᠶᠢᠭᠰᠠᠨ ᠬᠠᠭᠠᠳ ᠤᠨ
ᠦᠯᠢᠭᠡᠷ ᠲᠡᠦᠭᠡ ᠶᠢ ᠦᠵᠡᠨ ᠦᠵᠡᠨ ᠭᠠᠴᠢᠭᠳᠠᠵᠤ ᠂
ᠥᠷᠦᠴᠡ ᠪᠡᠨ ᠲᠡᠪᠡᠷᠢᠨ ᠭᠤᠨᠢᠭᠯᠠᠨ ᠰᠠᠭᠤᠭᠰᠠᠨ
ᠪᠢ ᠮᠠᠭᠤ ᠡᠷᠡ ᠡ ︕
ᠨᠠᠯᠠᠭᠠᠷ ᠰᠠᠶᠢᠬᠠᠨ ᠲᠠᠯᠠ ᠪᠠᠨ
ᠨᠢᠮᠭᠡᠨ ᠵᠣᠭᠤᠰ ᠢᠶᠠᠷ ᠠᠷᠠᠯᠵᠢᠵᠦ ᠂
ᠨᠠᠢᠮᠠᠨ ᠵᠠᠭᠤᠨ ᠮᠦ ᠭᠠᠵᠠᠷ ᠢᠶᠠᠨ
ᠨᠢᠭᠡᠨ ᠠᠰᠠᠷ ᠢᠶᠠᠷ ᠰᠣᠯᠢᠵᠦ ᠂
ᠬᠦᠷᠡᠩ ᠠᠵᠢᠷᠭᠠ ᠬᠠᠯᠢᠭᠤᠭᠴᠢ ᠭᠡᠬᠦᠦ ᠪᠡᠨ ᠵᠠᠷᠤᠵᠦ ᠂
ᠬᠦᠯᠦᠰᠦᠨ ᠠᠵᠢᠯ ᠢᠶᠠᠷ ᠬᠤᠳᠠ ᠣᠷᠤᠬᠤ ᠪᠠᠷ ᠶᠠᠪᠤᠭᠠ ᠨᠠᠶᠢᠵᠠ ᠶᠢ ᠢᠶᠡᠨ
︿ ︿ᠥᠨᠦᠳᠦᠷ ᠴᠢ ᠥᠪᠡᠷ ᠦᠨ ᠨᠤᠲᠤᠭ ᠢᠶᠠᠨ ᠬᠤᠳᠠᠯᠳᠤᠪᠠᠯ
ᠡᠷᠬᠢᠬᠦ ᠡᠳᠦᠷ ᠭᠡᠶᠢᠴᠢᠨ ᠪᠣᠯᠤᠭᠠᠳ ᠡᠷᠡᠭᠡᠯᠡᠨᠠ ᠳ᠋ᠠ ﹀ ﹀ ᠭᠡᠵᠦ
ᠦᠨᠡᠨᠴᠢᠬᠡᠨ ᠦᠭᠡ ᠪᠡᠷ ᠥᠷᠦᠴᠡ ᠶᠢ ᠨᠢ ᠳᠡᠪᠳᠦᠭᠡᠵᠦ ᠲᠡᠶᠢᠯᠦᠭᠰᠡᠨ ᠦᠭᠡᠢ
ᠥᠩᠭᠡᠰᠢᠭ ᠨᠤᠲᠤᠭ ᠢ ᠨᠢ ᠡᠷᠭᠢᠬᠦᠯᠬᠦ ᠲᠡᠩᠭᠡᠭᠡ ᠬᠦᠷᠦᠭᠰᠡᠨ ᠦᠭᠡᠢ
ᠪᠢ ᠮᠠᠭᠤ ᠡᠷᠡ ᠡ ︕
ᠦᠰᠦᠭ ᠪᠢᠴᠢᠭ ᠦᠨ ᠮᠢᠨᠢ ᠵᠦᠭ ᠲᠦ
ᠦᠮᠡᠬᠡᠢ ᠬᠠᠷᠠ ᠰᠠᠪᠠᠷ ᠰᠤᠨᠵᠦ ᠂
ᠥᠭᠡᠷᠡᠴᠢᠯᠡᠵᠦ ᠵᠠᠰᠠᠬᠤ ᠨᠡᠷᠡ ᠪᠡᠷ
ᠡᠪᠦᠭᠡᠳ ᠦᠨ ᠥᠪ ᠢ ᠰᠠᠴᠤᠯᠠᠬᠤ ᠳᠤ
︿ ︿ᠰᠠᠶᠢᠨ ᠢ ᠰᠠᠭᠠᠷ ᠪᠤᠯᠭᠠᠵᠤ ᠂
ᠰᠠᠶᠢᠬᠠᠨ ᠢ ᠰᠠᠭᠠᠷᠮᠠᠭ ᠪᠤᠯᠭᠠᠨ ᠂
ᠴᠢᠳᠠᠬᠤ ᠴᠢᠳᠠᠬᠤ ᠦᠭᠡᠢ ᠂ ᠮᠡᠳᠡᠬᠦ ᠮᠡᠳᠡᠬᠦ ᠦᠭᠡᠢ ᠶᠢᠨ ᠳᠤᠮᠳᠠ
ᠴᠠᠭ ᠬᠤᠭᠤᠴᠠᠭᠠᠨ ᠤ ᠡᠯᠡᠭᠡᠯᠳᠡ ᠶᠢ ᠳᠠᠭᠠᠭᠠᠬᠤ ᠦᠭᠡᠢ ᠠᠷᠢᠯᠬᠤ ᠨᠢ ﹀ ﹀ ᠭᠡᠵᠦ
ᠴᠡᠭᠡᠵᠢᠨ ᠳᠦ ᠪᠡᠨ ᠬᠣᠨᠤᠭᠰᠢᠭᠰᠠᠨ
ᠴᠢᠰᠦᠨ ᠦ ᠦᠨᠦᠷ ᠲᠠᠢ ᠭᠠᠩᠰᠠᠷᠠᠯ ᠢᠶᠠᠨ
ᠴᠢᠮᠬᠢᠭᠦᠨ ᠵᠢᠪᠠᠷ ᠲᠤ ᠥᠨᠦᠴᠢᠨ ᠰᠢᠯᠦᠭ ᠲᠦ ᠪᠡᠨ ᠯᠠ ᠰᠢᠩᠭᠡᠭᠡᠭᠰᠡᠨ
ᠪᠢ ᠮᠠᠭᠤ ᠡᠷᠡ ᠡ ︕
