-
30924
ᠰᠢᠷᠠᠮᠤᠷᠠᠨ ᠤ ᠬᠦᠪᠡᠭᠡᠨ ᠲᠡᠭᠡᠷᠡ
2019-03-26 16:29
184
0
——ᠨᠢᠭᠡᠨ ᠵᠡᠭᠦᠳᠦᠨ ᠦᠯᠢᠭᠡᠷ ᠡᠴᠡ ᠲᠠᠲᠠᠯᠠᠨ ᠪᠢᠴᠢᠪᠡᠢ
ᠬᠠᠢᠷᠬᠠᠨ ᠠᠭᠤᠯᠠ ᠶᠢᠨ ᠬᠤᠷᠮᠤᠢ ᠳᠤ
ᠬᠠᠭᠠᠨ ᠤ ᠴᠡᠷᠢᠭ ᠢᠷᠡᠯᠡ ᠦᠦ ᠳ᠋ᠠ
ᠬᠠᠢᠷᠠᠬᠠᠨ ᠠᠬᠠ ᠴᠢᠨᠦ ᠶᠢᠨ ᠢᠶᠡᠨ ᠬᠠᠪᠢ ᠳᠤ
ᠬᠢᠳᠤᠭᠠ ᠰᠡᠯᠡᠮᠡ ᠬᠠᠩᠭᠢᠨᠠᠬᠤ ᠦᠦ ᠳ᠋ᠠ
ᠰᠢᠷᠠᠮᠤᠷᠠᠨ ᠭᠤᠤᠯ ᠤᠨ ᠤᠰᠤ
ᠡᠷᠭᠢ ᠪᠡᠨ ᠲᠠᠪᠠᠲᠠᠯᠠ ᠤᠷᠤᠰᠬᠤ ᠨᠢ ᠦᠦ ᠳ᠋ᠠ
ᠰᠡᠳᠭᠢᠯ ᠦᠨ ᠬᠡᠦᠬᠡᠨ ᠴᠢᠨᠦ ᠬᠠᠪᠢ ᠳᠤ
ᠨᠢᠯᠪᠤᠰᠦ ᠶᠢ ᠴᠢᠨᠢ ᠬᠠᠷᠠᠵᠦ ᠲᠦᠪᠳᠡᠨᠡ ᠦᠦ ᠳ᠋ᠠ
ᠮᠦᠩᠭᠦᠨ ᠲᠤᠪᠤᠷᠤᠤ ᠲᠠᠢ ᠲᠡᠪᠡᠯ ᠴᠢᠨᠢ
ᠰᠠᠷᠠᠨ ᠤ ᠭᠡᠷᠡᠯ ᠳᠦ ᠪᠡᠨ ᠭᠢᠯᠲᠠᠭᠠᠨᠠ ᠦᠦ ᠳ᠋ᠠ
ᠮᠡᠯᠮᠡᠢ ᠬᠠᠷᠠ ᠠᠨᠢᠰᠬᠠᠨ ᠳᠤ ᠴᠢᠨᠢ
ᠵᠡᠭᠦᠳᠦᠨ ᠤ ᠰᠤᠪᠢᠩ ᠢᠶᠠᠨ ᠬᠡᠯᠡᠨᠡ ᠦᠦ ᠳ᠋ᠠ
ᠬᠦᠢᠳᠡᠨ ᠰᠦᠨᠢ ᠶᠢᠨ ᠰᠢᠷᠠᠮᠤᠷᠠᠨ ᠴᠢᠨᠢ
ᠬᠤᠯᠠ ᠳᠤ ᠪᠠᠨ ᠱᠣᠣᠭᠢᠭᠠᠳ ᠤᠷᠤᠰᠤᠨᠠ ᠦᠦ ᠳ᠋ᠠ
ᠬᠠᠯᠠᠭᠤᠨ ᠨᠢᠯᠪᠤᠰᠤᠨ ᠤ ᠴᠢᠨᠢ ᠲᠤᠰᠤᠯᠭᠠᠨ ᠴᠢᠨᠢ
ᠵᠢᠷᠦᠬᠡ ᠶᠢ ᠬᠦᠨᠳᠡᠭᠡᠳ ᠤᠨᠠᠨᠠ ᠦᠦ ᠳ᠋ᠠ
ᠬᠠᠭᠠᠨ ᠤ ᠴᠡᠷᠢᠭ ᠦᠨ ᠲᠤᠭᠤᠰᠦ ᠴᠢᠨᠢ
ᠲᠡᠭᠷᠢ ᠳᠦ ᠪᠡᠨ ᠲᠤᠯᠤᠭᠠᠳ ᠬᠡᠢᠰᠦᠨᠡ ᠦᠦ
ᠬᠤᠢᠨᠠ ᠡᠮᠦᠨᠡ ᠰᠤᠮᠦ ᠵᠢᠳᠠ
ᠪᠤᠷᠤᠭᠠᠨ ᠳᠤ ᠪᠠᠨ ᠠᠳᠠᠯᠢ ᠱᠣᠣᠭᠢᠨᠠ ᠦᠦ
ᠪᠤᠳᠠᠩ ᠲᠠᠢ ᠡᠳᠦᠷ ᠦᠨ ᠨᠠᠷᠠ ᠴᠢᠨᠢ
ᠪᠤᠮᠪᠠᠭᠠᠷ ᠲᠡᠭᠡᠷᠡ ᠪᠡᠨ ᠶᠠᠢᠪᠠᠭᠠᠷ ᠡ
ᠪᠤᠳᠤᠯ ᠤᠨ ᠬᠡᠦᠬᠡᠨ ᠤ ᠲᠤᠰᠤᠯᠠᠭᠰᠠᠨ ᠴᠢᠰᠦ
ᠬᠤᠨᠳᠠᠨ ᠲᠡᠭᠡᠷᠡ ᠪᠡᠨ ᠱᠣᠷᠪᠤᠭ ᠲᠠᠢ ᠡ
ᠲᠤᠭᠤᠷᠢᠭᠠᠳ ᠢᠷᠡᠭᠰᠡᠨ ᠲᠠᠢᠰᠤᠨ ᠢ
ᠲᠤᠶᠠᠴᠢᠭᠠᠳ ᠲᠤᠶᠠᠴᠢᠭᠠᠳ ᠦᠭᠭᠦᠨᠡᠦ
ᠲᠤᠤᠯᠠ ᠭᠤᠤᠯ ᠤᠨ ᠴᠡᠷᠢᠭ ᠴᠢᠨᠢ
ᠲᠠᠦᠯᠠᠢ ᠠᠳᠠᠯᠢ ᠤᠯᠠᠨ ᠰᠢᠦ
ᠡᠭᠡᠮ ᠦᠨ ᠲᠡᠭᠡᠷᠡᠬᠢ ᠰᠢᠷᠬᠠ ᠴᠢᠨᠢ
ᠤᠷᠤᠰᠤᠭᠠᠳ ᠪᠠᠢᠬᠤ ᠶᠢ ᠶᠠᠭᠠᠬᠢᠬᠤ ᠪᠤᠢ ᠳ᠋ᠠ
ᠡᠵᠡᠨ ᠤ ᠴᠡᠷᠢᠭ ᠦᠨ ᠢᠷᠳᠦ ᠰᠤᠮᠤᠨ ᠤ
ᠬᠤᠤᠷᠲᠠᠢ ᠭᠡᠳᠡᠭ ᠨᠢ ᠶᠠᠭᠠᠬᠢᠬᠤ ᠪᠤᠢ ᠳ᠋ᠠ
ᠰᠢᠷᠠᠮᠤᠷᠠᠨ ᠤ ᠤᠰᠤ ᠴᠢᠨᠢ
ᠴᠠᠯᠭᠢᠭᠠᠳ ᠪᠢᠯᠬᠠᠭᠠᠳ ᠤᠷᠤᠰᠴᠤ ᠪᠠᠢᠨᠠ
ᠰᠡᠳᠭᠢᠯ ᠦᠨ ᠬᠤᠶᠠᠷ ᠰᠤᠷᠮᠤᠰᠤᠨ ᠠᠴᠠ ᠴᠢᠨᠢ
ᠠᠰᠬᠠᠷᠠᠭᠠᠳ ᠮᠡᠯᠮᠡᠷᠡᠭᠡᠳ ᠪᠠᠭᠤᠵᠤ ᠯᠠ ᠪᠠᠢᠨᠠ
ᠨᠢᠰᠦᠭᠡᠳ ᠢᠷᠡᠬᠦ ᠡᠭᠦᠯᠡ ᠨᠢ
ᠬᠠᠯᠬᠠᠪᠴᠢ ᠪᠤᠯᠬᠤ ᠴᠦ ᠪᠠᠢᠨᠠ ᠦᠦ
ᠨᠢᠯᠪᠤᠰᠦ ᠵᠠᠩᠭᠢᠷᠠᠬᠤ ᠬᠠᠳᠠ ᠨᠢ
ᠨᠦᠮᠦᠷᠢ ᠪᠤᠯᠬᠤ ᠴᠦ ᠪᠠᠢᠨᠠ ᠦᠦ
ᠤᠴᠠᠷᠠᠭᠰᠠᠨ ᠡᠳᠦᠷ ᠦᠨ ᠢᠨᠢᠶᠡᠳᠦ ᠴᠢᠨᠢ
ᠤᠳᠤᠭᠠᠨ ᠤ ᠴᠠᠭᠠᠨᠠ ᠠᠴᠠ ᠬᠠᠷᠠᠭᠳᠠᠭᠠᠳ ᠪᠠᠢᠨᠠ
ᠠᠶᠠᠷᠯᠠᠬᠤ ᠰᠦᠨᠢ ᠶᠢᠨ ᠨᠢᠯᠪᠤᠰᠤ ᠴᠢᠨᠢ
ᠵᠢᠷᠦᠬᠡᠨ ᠤ ᠴᠠᠭᠠᠨᠠ ᠠᠴᠠ ᠤᠷᠤᠰᠤᠭᠠᠳ ᠪᠠᠢᠨᠠ
