ᠨᠠᠶᠢᠵᠠ ᠶᠢᠨ
9
ᠮᠥᠨ ᠢᠩᠭᠢᠭᠡᠳ ᠪᠠᠰᠠ ᠯᠠ ᠤᠯᠠᠨ ᠡᠳᠦᠷ ᠪᠤᠯᠤᠯᠠ ᠂ ᠨᠠᠶᠢᠵᠠ ᠮᠢᠨᠢ ᠴᠦ ᠠᠭᠠᠵᠢᠮ ᠢᠶᠠᠷ ᠡᠨᠡ ᠤᠴᠢᠷ ᠢ ᠬᠦᠯᠢᠶᠡᠨ ᠠᠪᠤᠨ ᠂ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠤ ᠪᠠᠨ ᠴᠦ ᠰᠢᠮᠳᠠᠵᠤ ᠡᠬᠢᠯᠡᠯᠡ ᠃ ᠭᠠᠷᠠᠭ ᠤᠨ ᠵᠢᠷᠭᠤᠭᠠᠨ ᠤ ᠠᠮᠠᠷᠠᠯᠲᠠ ᠪᠠᠷ ᠪᠢᠳᠡ ᠬᠡᠳᠦᠭᠦᠯᠡ ᠬᠠᠨᠢᠯᠠᠵᠤ ᠬᠣᠭᠣᠯᠠ ᠢᠳᠡᠬᠦ ᠵᠠᠭᠤᠷᠠ ᠨᠠᠶᠢᠵᠠ ᠮᠢᠨᠢ ᠪᠢᠳᠡᠨ ᠳᠦ ᠡᠵᠢ ᠶᠢᠨ ᠢᠶᠡᠨ ᠲᠤᠬᠠᠢ ᠶᠠᠷᠢᠯᠠ ᠲᠡᠷᠡ ᠣᠷᠣᠢ ᠨᠠᠶᠢᠵᠠ ᠶᠢ ᠮᠢᠨᠢ ᠡᠮᠴᠢ ᠶᠢᠨ ᠬᠣᠷᠢᠶᠠᠨ ᠳᠤ ᠣᠴᠢᠬᠤ ᠳᠤ ᠡᠵᠢ ᠨᠢ ᠨᠢᠭᠡᠨᠲᠡ ᠶᠠᠪᠤᠴᠢᠬᠠᠭᠰᠠᠨ ᠪᠠᠶᠢᠵᠠᠢ ᠂ ᠠᠪᠤ ᠨᠢ ᠲᠡᠭᠦᠨ ᠢ ᠲᠡᠪᠡᠷᠢᠵᠦ ᠠᠪᠤᠭᠠᠳ ᠂ ︽ ᠮᠢᠨᠤ ᠬᠡᠥᠬᠡᠨ ᠬᠠᠲᠠᠭᠤᠵᠢ ᠃ ︾ ᠭᠡᠵᠤ ᠭᠠᠭᠴᠠ ᠦᠭᠡ ᠬᠡᠯᠡᠭᠰᠡᠨ ᠭᠡᠨᠡ ᠂ ᠡᠵᠢ ᠪᠡᠨ ᠬᠠᠷᠠᠬᠤ ᠠᠴᠠ ᠠᠶᠤᠨ ᠂ ᠨᠡᠨ ᠤᠴᠢᠷ ᠢ ᠢᠲᠡᠭᠡᠵᠤ ᠶᠠᠳᠠᠨ ᠭᠠᠭᠴᠠᠭᠠᠷ ᠡᠯᠢᠭᠡ ᠪᠡᠨ ᠡᠮᠲᠡᠷᠡᠲᠡᠯᠡ ᠤᠭᠢᠯᠠᠵᠤ ᠪᠠᠶᠢᠬᠤ ᠶᠢ ᠨᠢ ᠦᠵᠡᠭᠡᠳ ᠳᠦᠷᠪᠡᠬᠡᠨ ᠨᠠᠰᠤᠲᠠᠢ ᠳᠡᠭᠦᠦ ᠨᠢ ᠬᠠᠵᠠᠭᠤ ᠳᠤ ᠨᠢ ᠢᠷᠡᠭᠡᠳ ︽ ᠡᠭᠡᠴᠢ ᠡ ᠂ ᠪᠦᠦ ᠤᠭᠢᠯᠠ ᠂ ᠮᠢᠨᠤ ᠮᠦᠮᠦ ᠬᠤᠯᠠ ᠭᠠᠵᠠᠷ ᠠᠴᠠ ᠴᠢᠮᠠ ᠶᠢ ᠦᠵᠡᠵᠦ ᠪᠠᠶᠢᠨᠠ ᠰᠢᠤ ᠃ ︾ ᠭᠡᠳ ᠭᠦᠭᠡᠷᠦᠭᠦᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠤᠷᠤᠰᠴᠤ ᠪᠠᠶᠢᠭᠠ ᠨᠢᠯᠪᠤᠰᠤ ᠶᠢ ᠨᠢ ᠠᠷᠴᠢᠵᠤ ᠦᠭᠭᠦᠯᠡ ᠭᠡᠵᠦ ᠨᠠᠶᠢᠵᠠ ᠮᠢᠨᠢ ᠶᠠᠷᠢᠬᠤ ᠳᠦ ᠪᠢᠳᠡ ᠬᠡᠳᠦᠭᠦᠯᠡ ᠦᠪᠡᠷ ᠦᠨ ᠡᠷᠬᠡ ᠦᠭᠡᠢ ᠨᠢᠯᠪᠦᠰᠦ ᠪᠡᠨ ᠠᠷᠴᠢᠵᠤ ᠲᠡᠭᠦᠨ ᠳᠦ ᠬᠠᠷᠠᠭᠳᠠᠬᠤ ᠶᠢ ᠬᠢᠴᠢᠶᠡᠯᠡ ᠃ ᠨᠠᠶᠢᠵᠠ ᠮᠢᠨᠢ ᠴᠦ ᠨᠢᠯᠪᠤᠰᠤ ᠪᠡᠨ ᠳᠤᠳᠣᠭᠰᠢ ᠵᠠᠯᠭᠠᠵᠤ ᠪᠠᠶᠢᠯᠠ ᠃ ᠭᠡᠷ ᠲᠦ ᠪᠡᠨ ᠬᠠᠷᠢᠵᠤ ᠡᠵᠢ ᠶᠢ ᠨᠢ ᠭᠠᠷᠭᠠᠬᠤ ᠦᠷᠯᠦᠭᠡ ᠨᠠᠶᠢᠵᠠ ᠶᠢᠨ ᠮᠢᠨᠢ ᠳᠡᠭᠦᠦ ᠦᠷᠯᠦᠭᠡ ᠡᠷᠲᠡ ᠪᠤᠰᠴᠤ ᠡᠵᠢ ᠳᠦ ᠪᠡᠨ ᠬᠦᠵᠢ ᠠᠰᠠᠭᠠᠵᠤ ᠂ ᠡᠮᠦᠨᠡ ᠨᠢ ᠨᠡᠯᠢᠶᠡᠳ ᠤᠳᠠᠭᠠᠨ ᠮᠦᠷᠭᠦᠭᠡᠳ ᠭᠠᠷᠴᠦ ᠢᠷᠡᠨ ᠡᠭᠡᠴᠢ ᠳᠦ ᠪᠡᠨ ᠄ ︽ ᠣᠳᠣ ᠮᠦᠮᠦ ᠪᠠᠶᠢᠬᠤ ᠦᠭᠡᠢ ᠂ ᠠᠪᠤ ᠮᠠᠨ ᠤ ᠭᠤᠷᠪᠠᠭᠤᠯᠠ ᠰᠠᠶᠢᠬᠠᠨ ᠠᠮᠢᠳᠤᠷᠠᠶᠠ ᠃ ᠡᠭᠡᠴᠢ ᠪᠢᠴᠢᠭ ᠢᠶᠡᠨ ᠰᠠᠶᠢᠨ ᠦᠵᠡ ᠂ ᠪᠢᠪᠢ ᠠᠪᠤ ᠲᠠᠢ ᠤᠬᠠᠭᠠᠨ ᠲᠠᠢ ᠰᠠᠭᠤᠶᠠ ᠂ ᠠᠪᠤ ᠮᠣᠷᠢ ᠬᠦᠲᠦᠯᠡᠬᠦ ᠪᠡᠷ ᠶᠠᠪᠤᠪᠠᠯ ᠪᠢ ᠭᠠᠭᠴᠠᠭᠠᠷ ᠢᠶᠠᠨ ᠨᠠᠭᠠᠳᠤᠶᠠ ᠃ ︾ ᠭᠡᠵᠦ ᠤᠭᠢᠯᠠᠵᠤ ᠪᠠᠶᠢᠭᠰᠠᠨ ᠡᠭᠡᠴᠢ ᠳᠦ ᠪᠡᠨ ᠲᠤᠩ ᠣᠯᠠᠨ ᠢ ᠶᠠᠷᠢᠭᠰᠠᠨ ᠭᠡᠨᠡ ᠃ ᠨᠠᠶᠢᠵᠠ ᠮᠢᠨᠢ ᠳᠠᠩᠳᠠ ︽ ᠡᠵᠢ ᠯᠠᠪ ᠢᠷᠡᠵᠦ ᠳᠡᠭᠦᠦ ᠳᠦ ᠣᠯᠠᠨ ᠶᠠᠭᠤᠮᠠ ᠶᠠᠷᠢᠳᠠᠭ ᠪᠠᠶᠢᠬᠤ ᠠ᠋ ᠂ ᠡᠵᠢ ᠶᠠᠪᠤᠭᠰᠠᠨ ᠠᠴᠠ ᠬᠣᠶᠢᠰᠢ ᠳᠡᠭᠦᠦ ᠨᠢᠭᠡ ᠲᠤᠰᠤᠯ ᠨᠢᠯᠪᠤᠰᠤ ᠤᠨᠠᠭᠠᠬᠤ ᠦᠭᠡᠢ ᠮᠦᠷᠳᠡᠭᠡᠨ ᠂ ᠮᠠᠨᠤᠰ ᠢ ᠬᠡᠵᠢᠶᠡᠲᠡ ᠲᠠᠶᠢᠳᠬᠠᠷᠠᠭᠤᠯᠳᠠᠭ ᠨᠢ ᠦᠨᠡᠭᠡᠷ ᠢᠲᠡᠭᠡᠵᠦ ᠶᠠᠳᠠᠮᠠᠷ ︾ ᠭᠡᠳᠡᠭ ᠃ ᠪᠢ ᠴᠦ ᠡᠨᠡ ᠬᠦ ᠳᠠᠭᠴᠤ ᠡᠷᠲᠡ ᠤᠬᠠᠭᠠᠵᠢᠭᠰᠠᠨ ᠪᠢᠴᠢᠬᠠᠨ ᠬᠦᠦ ᠶᠠᠭᠤ ᠪᠤᠳᠤᠳᠠᠭ ᠪᠣᠢ ᠭᠡᠵᠤ ᠭᠠᠶᠢᠬᠠᠳᠠᠭ ᠪᠢᠯᠡ ᠃ ᠡᠬᠢᠨ ᠦ ᠦᠶᠡ ᠳᠦ ᠨᠠᠶᠢᠵᠠ ᠮᠢᠨᠢ ᠴᠦ ᠰᠤᠷᠤᠯᠭᠠ ᠪᠠᠨ ᠵᠤᠭᠰᠤᠵᠤ ᠭᠡᠷ ᠲᠦ ᠪᠡᠨ ᠬᠠᠷᠢᠵᠤ ᠳᠡᠭᠦᠦ ᠪᠡᠨ ᠬᠠᠷᠠᠭᠠᠯᠵᠠᠶᠠ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠭᠰᠠᠨ ᠭᠡᠨᠡ ᠂ ᠳᠡᠭᠦᠦ ᠨᠢ ᠤᠤᠯ ᠨᠢ ᠬᠡᠵᠢᠶᠡᠲᠡ ᠡᠵᠢ ᠲᠠᠢ ᠪᠠᠨ ᠴᠤᠭ ᠪᠠᠶᠢᠵᠤ ᠠᠪᠤ ᠲᠠᠢ ᠪᠠᠨ ᠳᠡᠮᠡᠢ ᠳᠠᠰᠬᠤ ᠦᠭᠡᠢ ᠂ ᠡᠵᠢ ᠪᠡᠨ ᠰᠠᠨᠠᠨᠠ ᠭᠡᠵᠤ ᠲᠡᠷᠡ ᠵᠤᠪᠠᠵᠤ ᠪᠠᠶᠢᠭᠰᠠᠨ ᠢ ᠨᠢ ᠳᠡᠭᠦᠦ ᠨᠢ ᠵᠠᠪᠠᠯ ᠪᠢᠴᠢᠭ ᠦᠵᠡ ᠂ ᠪᠢ ᠠᠪᠤ ᠲᠠᠢ ᠪᠠᠨ ᠰᠠᠶᠢᠬᠠᠨ ᠰᠠᠭᠤᠶᠠ ᠭᠡᠳ ᠪᠠᠶᠢᠬᠤᠯᠠᠷ ᠨᠠᠶᠢᠵᠠ ᠮᠢᠨᠢ ᠪᠤᠴᠠᠵᠤ ᠢᠷᠡᠭᠰᠡᠨ ᠭᠡᠵᠦ ᠪᠢᠳᠡᠨ ᠳᠦ ᠶᠠᠷᠢᠯᠠ ᠃
ᠨᠠᠶᠢᠵᠠ ᠶᠢᠨ ᠢᠶᠡᠨ ᠵᠣᠷᠢᠭ ᠢ ᠂ ᠳᠡᠭᠦᠦ ᠶᠢᠨ ᠬᠢᠨᠢ ᠤᠬᠠᠭᠠᠨ ᠢ ᠨᠢ ᠪᠢ ᠵᠢᠭᠬᠢᠨᠢ ᠰᠡᠳᠬᠢᠯ ᠡᠴᠡ ᠪᠡᠨ ᠪᠢᠰᠢᠷᠡᠯᠡ ᠃ ᠨᠠᠶᠢᠵᠠ ᠶᠢᠨ ᠮᠢᠨᠢ ᠡᠵᠢ ᠪᠠᠰᠠ ᠨᠢᠭᠡ ᠶᠢᠷᠲᠢᠨᠴᠦ ᠳᠦ ᠰᠠᠶᠢᠬᠠᠨ ᠨᠤᠶᠢᠷᠠᠰᠬᠤ ᠶᠢ ᠳᠠᠭᠠᠳᠬᠠᠶᠠ ᠃ ᠨᠠᠶᠢᠵᠠ ᠶᠢᠨ ᠮᠢᠨᠢ ᠬᠤᠶᠢᠰᠢᠲᠠ ᠶᠢᠨ ᠠᠮᠢᠳᠤᠷᠠᠯ ᠦᠭᠡᠳᠡ ᠡᠰᠡᠷᠭᠦ ᠪᠠᠶᠢᠬᠤ ᠶᠢ ᠵᠦᠭᠨᠡᠶᠡ ᠃