ᠲᠡᠷᠭᠡᠲᠦ ᠂ ᠴᠤᠶᠢᠨᠤᠮ   
       ᠮᠢᠨᠤ ᠨᠤᠲᠤᠭ     
ᠦᠪᠦᠭᠡᠷ ᠰᠦᠪᠤᠭᠡᠷ ᠴᠦ ᠮᠠᠭᠤ ᠤᠪᠤᠬᠠᠢ ᠭᠡᠷ ᠢᠶᠡᠨ   
ᠦᠷᠭᠦᠭᠡ ᠮᠢᠨᠤ ᠭᠡᠵᠦ ᠬᠦᠨᠳᠦᠳᠭᠡᠨ᠎ᠡ   
ᠦᠷᠪᠡᠶᠢᠵᠦ ᠰᠦᠷᠪᠡᠶᠢᠵᠦ ᠂ ᠦᠷᠴᠡᠶᠢᠵᠦ ᠠᠲᠤᠶᠢᠭᠰᠠᠨ ᠴᠦ   
ᠦᠲᠦᠯᠦᠭᠡ ᠬᠤᠶᠠᠷ ᠪᠤᠭᠤᠷᠤᠯ ᠢᠶᠠᠨ ᠪᠤᠷᠬᠠᠨ ᠭᠡᠵᠤ ᠰᠠᠨᠠᠨ᠎ᠠ   
ᠡᠳᠦᠷ ᠪᠤᠯᠠᠭᠠᠨ ᠮᠠᠨᠠᠨ ᠲᠠᠲᠠᠵᠤ ᠂ ᠰᠢᠷᠤᠢ  ᠬᠡᠶᠢᠰᠦᠭᠰᠡᠨ   
ᠦᠠᠭᠭᠡ ᠪᠡᠨ᠎ ᠠᠯᠳᠠᠭᠰᠠᠨ ᠨᠤᠲᠤᠭ ᠤᠰᠤ ᠪᠠᠨ ᠴᠦ   
ᠦᠯᠦᠭᠡᠢ ᠮᠢᠨᠤ ᠭᠡᠵᠤ ᠬᠠᠶᠢᠷᠠᠯᠠᠨ᠎ᠠ ᠃   
     ᠡᠨᠡ ᠪᠤᠯ ᠮᠢᠨᠤ ᠨᠤᠲᠤᠭ   
     ᠦᠪᠦᠷ ᠮᠤᠠᠭ᠍ᠭᠤᠯ ᠤᠷᠤᠨ  
ᠬᠠᠨ᠎ᠠ ᠶᠢᠨ ᠨᠢᠳᠦ ᠪᠠᠷ ᠤᠷᠤᠵᠤ ᠢᠷᠡᠴᠢᠭᠡᠳ  
ᠬᠠᠭᠠᠯᠭ᠎ᠠ ᠪᠠᠷ ᠪᠠᠭᠲᠠᠬᠤ ᠪᠠᠨ ᠪᠤᠯᠢᠭᠰᠠᠨ ᠨᠢ  
ᠬᠠᠮᠤᠭ ᠤᠨ ᠡᠵᠡᠨ ᠨᠢ ᠰᠠᠭᠤᠴᠢᠬᠠᠵᠠᠢ ᠃  
ᠬᠠᠨᠠᠭᠠᠷ ᠲᠠᠯ᠎ᠠ ᠂ ᠬᠠᠠᠭ᠍ᠭᠠᠢ ᠰᠢᠯᠢ  
ᠬᠠᠶᠢᠯᠤᠲᠤ ᠶᠢᠨ ᠭᠤᠤᠯ  ᠢᠶᠠᠷ ᠳᠦᠬᠦᠷᠡᠲᠡᠯ᠎ᠡ ᠪᠡᠯᠴᠡᠳᠡᠭ  
ᠬᠠᠯᠠᠭᠤᠨ ᠬᠤᠰᠢᠭᠤᠲᠤ ᠮᠠᠯ ᠰᠦᠷᠦᠭ ᠨᠢ  
ᠬᠠᠷᠰᠢ ᠲᠠᠢ ᠶᠠᠭᠤᠮ᠎ᠠ ᠪᠤᠯᠵᠠᠢ ᠃ 
ᠬᠠᠰᠢᠶ᠎ᠠ ᠬᠤᠷᠤᠭᠠᠨ ᠳ᠋ᠥ ᠬᠤᠷᠢᠭᠳᠠᠨ  
ᠬᠠᠮᠤᠷᠠᠵᠤ ᠬᠠᠯᠠᠭᠤᠲᠠᠵᠤ ᠪᠦᠭᠡᠰᠦᠳᠡᠵᠦ  
ᠬᠠᠠᠭ᠍ᠬᠢᠵᠤ ᠬᠤᠷᠪᠤᠶᠢᠵᠤ ᠲᠤᠷᠠᠵᠤ  
ᠬᠡᠲᠦᠬᠡᠨ ᠪᠤᠯᠵᠤ  ᠴᠦᠬᠡᠷᠡᠵᠠᠢ ᠃    
ᠬᠠᠮᠤᠤ ᠲᠠᠢ ᠳᠦᠯᠦᠭᠡ  
ᠬᠠᠲᠠᠠᠭ᠍ᠭᠢᠷ ᠮᠠᠯ ᠢᠶᠠᠨ ᠪᠠᠷᠠᠭᠰᠠᠨ  
ᠬᠠᠯᠠᠭᠤᠨ ᠬᠤᠰᠢᠭᠤᠲᠤ ᠶᠢᠨ ᠡᠵᠡᠨ ᠨᠢ  
ᠬᠠᠯᠠᠮᠵᠢ ᠶᠡᠬᠡᠬᠡᠨ ᠬᠦᠷᠲᠡᠵᠤ 
ᠬᠠᠷᠢᠨ ᠬᠤᠲᠠ ᠤᠷᠤᠵᠤ ᠵᠡᠭᠡᠯᠢ ᠱᠦᠭᠦᠷᠳᠡᠵᠡᠢ ᠃ 
      ᠡᠨᠡ ᠪᠤᠯ ᠮᠢᠨᠤ ᠨᠤᠲᠤᠭ 
      ᠦᠪᠦᠷ ᠮᠤᠠᠭ᠍ᠭᠤᠯ ᠤᠷᠤᠨ
ᠠᠭᠤᠷᠬᠠᠢ ᠶᠢᠨ ᠪᠠᠶᠠᠯᠢᠭ ᠢᠶᠠᠨ ᠡᠷᠭᠦᠭᠰᠡᠨ
ᠤᠷᠲᠤᠰ ᠶᠢᠨ ᠰᠡᠮᠡᠷᠡᠭᠰᠡᠨ ᠬᠡᠪᠡᠷᠡᠭ ᠬᠦᠷᠦᠰᠦ
ᠨᠡᠭᠦᠳᠡᠯ ᠮᠠᠯᠵᠢᠯ ᠢᠶᠠᠨ ᠨᠡᠭᠦᠷᠡᠰᠦ ᠪᠠᠷ ᠰᠤᠯᠢᠭᠰᠠᠨ
ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠲᠠᠯ᠎ᠠ ᠨᠤᠲᠤᠭ
ᠠᠯᠲᠠᠨ ᠲᠠᠷᠢᠶ᠎ᠠ ᠬᠠᠯᠢᠭᠤᠷᠠᠭᠰᠠᠨ
ᠠᠭᠤᠲᠠᠮ ᠲᠡᠨᠢᠭᠡᠷ ᠬᠤᠷᠴᠢᠨ ᠤ ᠲᠠᠯ᠎ᠠ
ᠠᠲ᠋ᠤᠮ ᠤᠨ ᠨᠢᠷᠭᠢᠯᠲᠡ ᠳ᠋ᠥ ᠪᠤᠵᠢᠭᠢᠨᠡᠭ᠌ᠰᠠᠨ
ᠠᠯᠱᠠ ᠶᠢᠨ ᠲᠤᠭᠤᠰᠤᠷᠠᠭᠰᠠᠨ ᠡᠯᠡᠰᠦ ᠮᠠᠠᠭ᠍ᠬ᠎ᠠ
ᠠᠢ ᠶᠤᠤ ᠬᠦᠭᠡᠷᠦᠬᠦᠢ ᠬᠦᠯᠦᠨ ᠪᠤᠶᠢᠷ
ᠦᠨᠴᠦᠭ ᠲᠤᠨᠢ ᠦᠯᠳᠡᠭᠰᠡᠨ
ᠦᠭᠡᠬᠦᠨ ᠪᠦᠮᠪᠦᠭᠡ ᠡ
      ᠡᠨᠡ ᠪᠤᠯ ᠮᠢᠨᠤ ᠨᠤᠲᠤᠭ
      ᠦᠪᠦᠷ ᠮᠤᠠᠭ᠍ᠭᠤᠯ ᠤᠷᠤᠨ

          2015.4.22