-
77433
ᠰᠢᠨᠡ ᠪᠡᠷ ᠡᠬᠢᠯᠡᠶᠡ
2016-03-09 14:58
262
1
ᠰᠢᠨᠡ ᠪᠡᠷ ᠡᠬᠢᠯᠡᠶᠡ
ᠰᠢᠨᠡ ᠤᠨ ᠤ ᠨᠠᠷᠠ ᠶᠢ ᠤᠭᠲᠤᠵᠤ
ᠰᠢᠢᠳᠦᠭᠰᠡᠨ ᠠᠵᠢᠯ ᠢᠶᠠᠨ ᠰᠢᠨᠡ ᠪᠡᠷ ᠡᠬᠢᠯᠡᠶᠡ
ᠰᠢᠵᠢᠷᠬᠡᠨ ᠲᠤᠶᠠᠭᠠᠨ ᠳᠤ ᠨᠢ ᠪᠤᠳᠤᠯ ᠢᠶᠠᠨ ᠤᠭᠠᠵᠤ
ᠰᠢᠯᠢᠭᠰᠡᠨ ᠦᠢᠯᠡᠰ ᠢᠶᠡᠨ ᠰᠢᠨᠡ ᠪᠡᠷ ᠬᠦᠲᠦᠯᠦᠶᠡ
ᠬᠡᠨ ᠨᠢᠭᠡᠨ ᠳᠦ ᠪᠡᠨ ᠤᠰᠤᠯᠳᠠᠭᠰᠠᠨ ᠪᠠᠶᠢᠪᠠᠯ
ᠬᠡᠯᠡᠯᠴᠡᠵᠦ ᠪᠠᠶᠢᠭᠠᠳ ᠰᠢᠨᠡ ᠪᠡᠷ ᠬᠠᠷᠢᠯᠴᠠᠶᠠ
ᠬᠡᠲᠦ ᠶᠢᠨ ᠦᠢᠯᠡᠰ ᠲᠦ ᠪᠡᠨ ᠴᠠᠯᠠᠭᠠᠶᠢᠳᠠᠭᠰᠠᠨ ᠪᠠᠶᠢᠪᠠᠯ
ᠬᠢᠴᠢᠶᠡᠵᠦ ᠪᠠᠶᠢᠭᠠᠳ ᠳᠠᠬᠢᠨ ᠵᠢᠳᠭᠦᠶᠡ
ᠪᠠᠭᠠ ᠰᠠᠭᠠ ᠠᠮᠵᠢᠯᠲᠠ ᠪᠠᠶᠢᠯᠠ ᠴᠤ
ᠪᠠᠷᠳᠠᠮᠨᠠᠯ ᠦᠭᠡᠢ ᠰᠢᠨᠡ ᠪᠡᠷ ᠮᠡᠷᠡᠶᠢᠶᠡ
ᠠᠯᠳᠠᠵᠤ ᠤᠨᠤᠭᠰᠠᠨ ᠢᠶᠠᠨ ᠲᠤᠩᠭᠠᠨ ᠪᠠᠶᠢᠵᠤ
ᠠᠬᠢᠭᠠᠳ ᠪᠢᠳᠡ ᠰᠢᠨᠡ ᠪᠡᠷ ᠴᠢᠷᠮᠠᠶᠢᠶᠠ
ᠦᠩᠭᠡᠷᠡᠭᠰᠡᠨ ᠳᠦ ᠶᠠᠮᠠᠷᠬᠠᠨ ᠪᠠᠶᠢᠯᠠ ᠴᠤ
ᠦᠨᠦᠳᠦᠷ ᠳᠠᠬᠢᠭᠠᠳ ᠰᠢᠨᠡ ᠪᠡᠷ ᠡᠬᠢᠯᠡᠶᠡ
ᠳᠤᠲᠠᠭᠳᠠᠯ ᠪᠦᠬᠦᠨ ᠢᠶᠡᠨ ᠰᠤᠷᠭᠠᠮᠵᠢ ᠪᠤᠯᠭᠠᠵᠤ
ᠲᠤᠷᠰᠢᠯᠭᠠ ᠳ᠋ᠦᠩᠨᠡᠵᠦ ᠰᠢᠨᠡ ᠪᠡᠷ ᠡᠬᠢᠯᠡᠶᠡ
ᠬᠦᠰᠡᠭᠰᠡᠨ ᠵᠦᠢᠯ ᠪᠦᠲᠦᠮᠵᠢ ᠠᠨᠠᠢ ᠪᠤᠯ
ᠬᠡᠯᠪᠡᠷᠢ ᠶᠢ ᠨᠢ ᠬᠤᠪᠢᠷᠠᠭᠠᠵᠤ ᠰᠢᠨᠡ ᠪᠡᠷ ᠡᠬᠢᠯᠡᠶᠡ
ᠰᠡᠲᠦᠭᠰᠡᠨ ᠶᠠᠪᠤᠳᠠᠯ ᠠᠮᠵᠢᠯᠲᠠ ᠳᠤᠲᠠᠭᠤ ᠪᠤᠯ
ᠰᠡᠳᠬᠢᠮᠵᠢ ᠪᠡᠨ ᠦᠭᠡᠷᠡᠴᠢᠯᠡᠵᠦ ᠰᠢᠨᠡ ᠪᠡᠷ ᠡᠬᠢᠯᠡᠶᠡ
