-
97527
ᠬᠠᠢᠯᠭᠠᠨ ᠦᠷᠦᠪᠴᠢ ᠰᠢᠪᠠᠭᠤ
2026-05-13 10:43
4
0
ᠬᠠᠢᠯᠭᠠᠨ ᠦᠷᠦᠪᠴᠢ ᠰᠢᠪᠠᠭᠤ
ᠬᠠᠨᠢ ᠪᠡᠨ ᠲᠤᠷᠠᠰᠤᠮᠠᠷ ᠠᠶᠠᠯᠭᠤ
︱ ᠪᠠᠶᠠᠭᠣᠳ ᠨᠠᠰᠣᠨ
ᠠᠷᠠᠯᠲᠤ ᠬᠤᠭᠤᠷ ᠤᠨ ᠡᠭᠡᠰᠢᠭ
ᠠᠬᠠᠮᠠᠳ ᠬᠤᠶᠠᠷ ᠤᠨ ᠪᠤᠯᠵᠤᠭᠠ
ᠠᠩᠬᠠ ᠤᠵᠤᠭᠤᠷ ᠤᠨ ᠠᠶᠠᠯᠭᠤ
ᠠᠶᠤᠤᠯᠢᠬᠠᠢ ᠵᠢᠷᠦᠬᠡᠨ ᠦ ᠲᠤᠭᠳᠤᠯᠤᠯ ᠡ
ᠬᠦᠩᠭᠢᠨᠡᠮᠡ ᠬᠠᠩᠭᠢᠨᠠᠮᠠ ᠡᠭᠡᠰᠢᠭ
ᠬᠦᠭ ᠨᠡᠢᠯᠡᠨ ᠤᠶᠠᠩᠭᠠᠷᠠᠨᠠ
ᠬᠦᠷᠢᠶᠡ ᠬᠤᠩᠭᠢᠯ ᠢᠶᠠᠷ ᠲᠠᠭᠤᠷᠢᠰᠤᠭᠠᠳ
ᠬᠦᠬᠡ ᠲᠡᠭᠷᠢ ᠪᠡᠷ ᠴᠤᠤᠷᠢᠶᠠᠳᠤᠨᠠ
ᠰᠤᠮᠤᠳᠠᠨ ᠨᠢᠰᠦᠭᠡᠳ ᠦᠩᠭᠡᠷᠡᠬᠦ
ᠰᠤᠨᠢᠭᠤᠴᠢ ᠬᠦᠭᠡᠷᠦᠬᠦᠨ ᠰᠢᠪᠠᠭᠤ
ᠰᠤᠳᠤᠨ ᠡᠭᠡᠰᠢᠭ ᠲᠦ ᠨᠢ ᠬᠣᠷᠭᠤᠳᠠᠭᠠᠳ
ᠰᠡᠯᠡᠭᠦᠨ ᠬᠡᠷᠡᠰᠭᠡᠨ ᠳᠦ ᠰᠠᠭᠠᠳᠠᠪᠠ
ᠲᠡᠩᠳᠡᠭᠦᠦ ᠰᠠᠢᠬᠠᠨ ᠠᠶᠠᠯᠭᠤᠨ ᠳᠤ ᠨᠢ
ᠲᠡᠷᠳᠡᠭᠡ ᠨᠠᠭᠤᠷ ᠢᠶᠠᠨ ᠰᠠᠨᠠᠪᠠ ᠤᠤ ᠳ᠋ᠠ
ᠲᠡᠷᠭᠡᠳᠡᠭᠦᠷ ᠦᠩᠭᠡᠷᠡᠬᠦ ᠬᠦᠮᠦᠨ ᠡᠴᠡ
ᠲᠡᠷᠪᠡᠵᠦ ᠬᠣᠯᠠᠳᠠᠬᠤ ᠰᠢᠨᠵᠢ ᠠᠯᠠᠭᠠ ᠡ
ᠤᠶᠠᠷᠠᠭᠤᠨ ᠰᠠᠢᠬᠠᠨ ᠡᠭᠡᠰᠢᠭ ᠲᠦ ᠨᠢ
ᠤᠬᠠᠭᠠᠨᠳᠦ ᠡᠵᠢ ᠪᠡᠨ ᠰᠠᠨᠠᠪᠠ ᠤᠤ ᠳ᠋ᠠ
ᠤᠷᠠᠨ ᠲᠤᠯᠤᠭᠠᠢ ᠨᠢ ᠬᠡᠭᠡᠯᠵᠡᠵᠦ
ᠤᠰᠬᠠᠯ ᠨᠢᠳᠦ ᠨᠢ ᠵᠠᠢᠷᠯᠠᠬᠤ ᠰᠢᠭ᠋ ᠡ
ᠬᠠᠷᠢ ᠳᠤ ᠮᠣᠷᠲᠠᠭᠰᠠᠨ ᠬᠡᠦᠬᠡᠨ
ᠲᠦᠷᠬᠦᠮ ᠢᠶᠡᠨ ᠰᠠᠨᠠᠮᠠᠷ ᠡᠳᠦᠷ ᠡ
ᠬᠠᠢᠯᠭᠠᠨ ᠦᠷᠦᠪᠴᠢ ᠰᠢᠪᠠᠭᠤ
ᠬᠠᠨᠢ ᠪᠡᠨ ᠲᠤᠷᠠᠰᠤᠮᠠᠷ ᠠᠶᠠᠯᠭᠤ ᠡ ︕
