-
2408
ᠬᠤᠨᠢᠨ ᠤ ᠪᠤᠷᠤᠯᠠᠭ
2018-04-27 11:12
105
0
ᠬᠤᠨᠢᠨ ᠤ ᠪᠤᠷᠤᠯᠠᠭ
ᠨᠠᠭᠠᠳᠤᠮ ᠤᠨ ᠬᠦᠷᠢᠶᠡᠨ ᠳᠦ ᠬᠥᠯ ᠭᠢᠰᠭᠢᠭᠡ ᠦᠭᠡᠢ
ᠨᠠᠢᠷ ᠤᠨ ᠲᠤᠭᠤᠰᠤᠨ ᠳᠤ ᠠᠮᠢᠰᠬᠤᠭᠠ ᠲᠠᠲᠠᠭᠠ ᠦᠭᠡᠢ
ᠨᠠᠮᠤᠷ ᠬᠠᠪᠤᠷ ᠭᠡᠵᠦ ᠬᠠᠶᠠᠭᠠᠨ ᠠᠴᠠ ᠬᠤᠯᠠᠳᠠᠭᠠ ᠦᠭᠡᠢ
ᠨᠠᠷᠠ ᠰᠠᠯᠬᠢᠨ ᠳᠤ ᠭᠠᠵᠠᠷᠯᠠᠵᠦ ᠶᠠᠪᠤᠭᠠ ᠦᠭᠡᠢ
ᠬᠤᠷᠢᠮ ᠬᠦᠷ ᠲᠦ ᠤᠨᠤᠬᠤ ᠬᠦᠮᠦᠨ ᠦᠭᠡᠢ
ᠬᠤᠨᠢᠨ ᠳᠤ ᠭᠡᠪᠡᠯ ᠤᠨᠤᠬᠤ ᠬᠦᠮᠦᠨ ᠦᠭᠡᠢ
ᠬᠤᠲᠠ ᠪᠡᠯᠴᠢᠭᠡᠷ ᠲᠤ ᠪᠠᠨ ᠤᠨᠤᠬᠤ ᠦᠭᠡᠢ ᠬᠦᠮᠦᠨ ᠦᠭᠡᠢ
ᠬᠤᠨᠢᠨ ᠤ ᠪᠤᠷᠤᠯᠠᠭ ᠲᠤ ᠪᠠᠨ ᠪᠢ ᠬᠠᠢᠷᠠᠲᠠᠢ
ᠨᠢᠭᠡ ᠨᠠᠰᠤ ᠪᠡᠷ ᠢᠶᠡᠨ ᠶᠠᠪᠠᠭᠠᠨ ᠭᠦᠶᠦᠯᠡ ᠭᠡᠵᠦ
ᠨᠢᠭᠡᠳᠦᠯ ᠡᠴᠡ ᠵᠦᠪᠰᠢᠶᠡᠷᠡᠯ ᠲᠠᠢ ᠠᠪᠤ ᠶᠢᠨ ᠤᠨᠤᠭᠠᠷᠢ
ᠨᠢᠮᠭᠡᠨ ᠲᠠᠷᠭᠤ ᠲᠠᠢ ᠪᠤᠷᠤᠯᠠᠭ ᠰᠢᠳᠦᠯᠡᠩ ᠢ
ᠨᠡᠢᠲᠡ ᠶᠢᠨ ᠪᠤᠶᠠᠨ ᠢᠶᠠᠷ ᠮᠠᠨ ᠤ ᠬᠢ ᠡᠳ᠋ᠯᠡᠭᠰᠡᠨ ᠶᠤᠮ
ᠡᠮᠡᠭᠡᠯ ᠳᠠᠭᠠᠭᠠᠮᠠᠷ ᠦᠭᠡᠢ ᠬᠦᠭᠡᠷᠦᠬᠦᠢ ᠶᠤᠮ ᠳ᠋ᠠ ᠭᠡᠵᠦ
ᠡᠴᠢᠭᠡ ᠮᠢᠨᠢ ᠲᠡᠭᠦᠨ ᠢ ᠤᠨᠤᠯ ᠦᠭᠡᠢ ᠦᠯᠡᠳᠡᠭᠡᠵᠦ
ᠡᠷᠭᠢᠬᠦ ᠶᠢᠨ ᠬᠠᠪᠤᠷ ᠲᠤ ᠨᠢ ᠰᠤᠶᠤᠭᠠᠯᠠᠨᠩ ᠪᠤᠯᠠᠬᠤ ᠪᠠᠷ
ᠡᠷᠡ ᠶᠢ ᠨᠢ ᠬᠠᠭᠰᠠᠭᠠᠵᠤ ᠰᠤᠷᠭᠠᠭᠰᠠᠨ ᠯᠡ ᠶᠤᠮᠰᠠᠨ
ᠠᠷᠪᠢᠨ ᠬᠡᠤᠬᠡᠳ ᠲᠠᠢ ᠮᠠᠨ ᠤ ᠬᠢᠨᠬᠡᠯᠡᠪᠡᠯ
ᠠᠯᠢ ᠨᠢ ᠴᠦ ᠭᠡᠰᠡᠨ ᠤᠨᠤᠬᠤ ᠶᠢ ᠳᠤᠷᠠᠯᠠᠨᠠ
ᠠᠪᠤ ᠠᠴᠠ ᠳᠠᠯᠳᠠᠭᠤᠷ ᠬᠤᠨᠢᠨ ᠤ ᠪᠤᠷᠤᠯᠠᠭ ᠢ
ᠠᠬᠠ ᠠᠴᠠ ᠲᠦᠷᠦᠭᠦᠲᠠᠢ ᠲᠦᠷᠦᠭᠡᠯᠡᠵᠦ ᠭᠤᠷᠢᠯᠠᠨᠠ
ᠬᠤᠨᠢᠨ ᠤ ᠲᠦᠷᠦᠭᠦᠴᠢ ᠨᠢ ᠦᠵᠡᠭᠳᠡᠬᠦ ᠪᠡᠨ ᠪᠠᠢᠯᠠ
ᠬᠤᠢᠨᠠ ᠠᠴᠠ ᠨᠢ ᠮᠤᠷᠳᠠᠬᠤ ᠤᠤ ᠠᠪᠤ ᠡ ᠭᠡᠵᠦ
ᠬᠤᠷᠤᠬᠠᠢᠲᠠᠢ ᠨᠢ ᠠᠷᠭᠠ ᠦᠭᠡᠢ ᠠᠬᠠ ᠳᠡᠭᠦᠦ ᠬᠡᠳᠦ
ᠬᠤᠷᠢᠶᠠᠨ ᠰᠢᠪᠡᠭᠡ ᠵᠦᠭ ᠨᠢᠳᠦ ᠭᠦᠶᠦᠯᠭᠡᠨᠡ
ᠠᠯᠬᠤᠬᠤ ᠬᠥᠯ ᠨᠢ ᠲᠠᠮᠪᠠᠷᠠᠭᠰᠠᠨ ᠲᠠᠮᠰᠢᠭ ᠤᠤᠳ
ᠠᠮᠢᠲᠠᠨ ᠤ ᠦᠢᠯᠡ ᠶᠢ ᠪᠠᠷᠠᠬᠤ ᠨᠢ ᠤᠤ ᠭᠡᠵᠦ
ᠠᠪᠤ ᠵᠦᠩᠳᠡᠭᠡᠨ ᠠᠭᠤᠷᠯᠠᠳᠠᠭ ᠪᠠᠢᠯᠠ ᠴᠦ
ᠠᠯᠢ ᠬᠡᠳᠦᠢᠨ ᠯᠡ ᠴᠤᠭᠬᠢᠭᠤᠯᠴᠢᠬᠠᠭᠰᠠᠨ ᠪᠠᠢᠳᠠᠭ
ᠪᠤᠳᠤᠪᠠᠯ ᠪᠠᠰᠠ ᠬᠦᠭᠡᠷᠦᠬᠦᠢ ᠴᠦ ᠶᠤᠮ ᠰᠢᠤ
ᠪᠤᠷᠤᠯᠠᠭ ᠮᠣᠷᠢ ᠪᠢᠳᠡᠨ ᠳᠤ ᠭᠤᠮᠤᠳᠠᠭᠠ ᠦᠭᠡᠢ
ᠪᠤᠯᠵᠠᠢ ᠳ᠋ᠠ ᠬᠦᠭᠡᠷᠦᠬᠦᠢ ᠬᠡᠤᠬᠡᠳ ᠶᠤᠮ ᠴᠢᠨᠢ ᠳ᠋ᠠ ᠭᠡᠬᠦ ᠰᠢᠭ
ᠪᠤᠰᠬᠣᠭᠠ ᠳᠠᠪᠠᠮᠠᠭᠴᠠ ᠬᠦᠬᠥᠲᠥᠨᠡᠨ ᠳᠠᠭᠤᠳᠠᠳᠠᠭ ᠰᠠᠨ
ᠠᠯᠤᠰ ᠲᠤ ᠶᠠᠪᠤᠭᠠ ᠦᠭᠡᠢ᠂ ᠠᠳᠤᠭᠤᠨ ᠳᠤ ᠨᠡᠢᠯᠡᠭᠡ ᠦᠭᠡᠢ
ᠠᠪᠤ ᠶᠢᠨ ᠪᠤᠷᠤᠯᠠᠭ ᠲᠤ ᠪᠠᠨ ᠪᠢ ᠬᠠᠢᠷᠠᠲᠠᠢ
ᠠᠷᠠᠳ ᠤᠨ ᠬᠤᠨᠢᠴᠢᠨ ᠤ ᠬᠥᠯ ᠢ ᠠᠮᠠᠷᠠᠭᠠᠭᠰᠠᠨ
ᠠᠩᠬᠠᠨ ᠤ ᠬᠢᠨᠢ ᠤᠨᠤᠭᠠᠷᠢ ᠲᠡᠷᠡ ᠯᠡ ᠪᠠᠢᠭᠰᠠᠨ ᠶᠤᠮ᠂
