-
ᠪᠠᠷᠠᠭᠤᠨ ᠪᠠᠭᠠᠷᠢᠨ
981
ᠠᠭᠣᠣ ᠮᠣᠩᠭᠣᠯ ᠳ᠋ᠠᠭᠠᠨ ᠬᠠᠶᠢᠷᠠᠲᠠᠢ ᠪᠣᠯᠬᠣᠷ
2016-01-01 20:18
275
1
ᠲᠥᠷᠥᠯᠬᠢ ᠬᠡᠯᠡ
ᠲᠥᠷᠥᠭᠰᠡᠨ ᠨᠤᠲᠤᠭ
ᠲᠥᠷᠥᠯ ᠰᠠᠳᠤᠨ
ᠳᠤᠲᠤᠨᠤ ᠨᠠᠶᠢᠵᠠ
ᠲᠡᠷᠡ ᠴᠢᠭ ᠢᠶᠡᠷ ᠢᠶᠡᠨ
ᠮᠢᠨᠤ ᠬᠦᠷᠦᠩᠭᠡ ᠂
ᠨᠠᠮᠠ ᠶᠢ ᠡᠨᠡ ᠳᠡᠯᠡᠬᠡᠢ ᠲᠠᠢ ᠬᠣᠯᠪᠣᠭᠰᠠᠨ
ᠲᠠᠰᠣᠷᠠᠰᠢ ᠦᠭᠡᠢ ᠬᠣᠯᠪᠣᠭᠠᠰᠤ ᠃
ᠲᠠᠯᠠ ᠠᠴᠠ ᠤᠷᠭᠤᠭᠰᠠᠨ ᠴᠡᠴᠡᠭ ᠪᠢ
ᠬᠥᠳᠡᠭᠡ ᠡᠴᠡ ᠵᠢᠷᠭᠢᠭᠰᠡᠨ ᠰᠢᠪᠠᠭᠤ ᠪᠢ
ᠲᠠᠭᠠᠨᠠ ᠶᠢᠨ ᠦᠨᠦᠷ ᠲᠦ ᠳᠠᠰᠣᠭᠰᠠᠨ ᠪᠢ
ᠬᠡᠭᠡᠷᠡ ᠶᠢᠨ ᠰᠠᠯᠬᠢᠨ ᠳᠤ ᠪᠣᠷᠣᠯᠠᠭᠰᠠᠨ ᠪᠢ ᠂
ᠣᠷᠭᠣᠬᠣ ᠨᠠᠷᠠᠨ ᠣ ᠲᠤᠶᠠᠭᠠ
ᠣᠨᠢ ᠢᠯᠪᠢᠨ ᠰᠠᠴᠣᠷᠠᠵᠣ ᠂
ᠣᠨᠢᠶᠠᠷ ᠴᠡᠩᠬᠡᠷᠯᠡᠭᠰᠡᠨ ᠨᠤᠲᠤᠭ
ᠰᠦ ᠶᠢᠨ ᠦᠨᠦᠷ ᠲᠦ ᠰᠡᠷᠢᠵᠦ ᠂
ᠤᠷᠲᠤ ᠶᠢᠨ ᠳᠠᠭᠤᠨ ᠤ ᠡᠭᠡᠰᠢᠭ
ᠰᠣᠨᠣᠷ ᠪᠠᠶᠠᠰᠬᠠᠨ ᠬᠠᠩᠭᠢᠨᠠᠵᠦ ᠂
ᠤᠷᠠᠭᠠ ᠴᠢᠷᠦᠭᠰᠡᠨ ᠠᠪᠤ
ᠠᠳᠤᠭᠤᠨ ᠮᠠᠨᠠᠭᠠᠨ ᠠᠴᠠ ᠪᠤᠴᠠᠭᠰᠠᠨ
ᠦᠷᠯᠦᠭᠡ ᠶᠢᠨ ᠲᠠᠩᠰᠤᠭ ᠦᠵᠡᠮᠵᠢ ᠲᠠᠢ
ᠦᠨᠢᠷ ᠮᠣᠩᠭᠣᠯ ᠨᠤᠲᠤᠭ ᠳᠠᠭᠠᠨ
ᠦᠯᠡᠮᠵᠢ ᠶᠡᠬᠡ ᠬᠠᠶᠢᠷᠠᠲᠠᠢ ᠪᠢᠯᠡ ᠃
ᠨᠠᠷᠠᠨ ᠤ ᠲᠤᠶᠠᠭᠠ ᠰᠢᠷᠭᠠᠯᠲᠤᠨ
ᠠᠭᠣᠯᠠᠰ ᠤᠨ ᠲᠣᠯᠣᠭᠠᠢ ᠰᠣᠨᠵᠢᠷᠠᠵᠦ
ᠨᠠᠷᠢᠨ ᠡᠪᠡᠰᠦᠨ ᠦ ᠦᠵᠦᠭᠦᠷ
ᠰᠠᠯᠬᠢᠨ ᠤ ᠠᠶᠠ ᠪᠠᠷ ᠪᠦᠬᠦᠯᠵᠡᠵᠦ
ᠨᠠᠷᠠᠯᠠᠭ ᠬᠡᠭᠡᠷᠡ ᠶᠢᠨ ᠲᠡᠷᠲᠡᠭᠡ ᠡᠴᠡ
ᠰᠦᠷᠦᠭ ᠬᠣᠨᠢᠳ ᠢᠷᠠᠯᠵᠠᠨ
ᠨᠠᠶᠢᠮᠠᠨ ᠨᠠᠰᠤᠲᠠᠢ ᠵᠢᠭᠠᠯ
ᠲᠤᠭᠤᠯ ᠲᠠᠲᠠᠨ ᠶᠠᠭᠠᠷᠠᠭᠰᠠᠨ
ᠠᠮᠢᠳᠣᠷᠠᠯ ᠤᠨ ᠠᠭᠠᠭ ᠲᠠᠢ ᠨᠤᠲᠤᠭ ᠳᠠᠭᠠᠨ
ᠠᠷᠭᠠ ᠦᠭᠡᠢ ᠬᠠᠶᠢᠷᠠᠲᠠᠢ ᠪᠢᠯᠡ ᠃
ᠠᠭᠤᠯᠠ ᠪᠠᠨ ᠲᠦᠰᠢᠨ
ᠣᠰᠤ ᠢᠶᠠᠨ ᠪᠠᠷᠠᠭᠠᠳᠠᠵᠤ
ᠮᠠᠯ ᠢᠶᠠᠨ ᠮᠠᠯᠵᠢᠨ
ᠮᠢᠬᠠ ᠪᠠᠨ ᠢᠳᠡᠭᠰᠡᠨ ᠂
ᠲᠡᠭᠷᠢ ᠪᠡᠨ ᠰᠢᠲᠦᠨ
ᠳᠡᠯᠡᠬᠡᠢ ᠪᠡᠨ ᠬᠠᠶᠢᠷᠠᠯᠠᠵᠦ
ᠲᠦᠮᠡᠨ ᠢᠶᠡᠨ ᠪᠠᠭᠲᠠᠭᠠᠨ
ᠲᠡᠨᠢᠭᠦᠨ ᠵᠢᠷᠭᠠᠭᠰᠠᠨ ᠂
ᠳᠡᠯᠡᠬᠡᠢ ᠳ᠋ᠥ ᠠᠯᠳᠠᠷᠲᠠᠢ
ᠲᠠᠶᠢᠪᠤᠩ ᠮᠣᠩᠭᠣᠯ ᠣᠳᠣ---
ᠣᠳᠣᠨ ᠭᠠᠷᠠᠭ ᠣᠷᠴᠢᠯᠠᠩ ᠬᠠᠶᠢᠭᠴᠢ
ᠡᠷᠳᠡᠨᠢ ᠶᠢᠨ ᠰᠠᠨᠭ᠌ ᠠᠭᠤᠷᠬᠠᠢ ᠮᠠᠯᠲᠠᠭᠴᠢ
ᠬᠦᠨᠳᠦ ᠲᠡᠮᠦᠷ ᠪᠣᠯᠣᠳ ᠦᠢᠯᠡᠳᠡᠭᠴᠢ
ᠬᠦᠳᠡᠯᠭᠡᠭᠡᠨ ᠮᠧᠬᠠᠨᠢᠭ ᠡᠨᠧᠷᠭᠢ ᠬᠠᠩᠭᠠᠭᠴᠢ
ᠪᠦᠦ ᠬᠡᠯᠡ ᠂
ᠶᠠᠳᠠᠵᠦ
ᠮᠣᠩᠭᠣᠯ ᠦᠰᠦᠭ ᠢᠶᠡᠨ ᠬᠡᠷᠡᠭᠯᠡᠨ
ᠮᠣᠩᠭᠣᠯ ᠰᠤᠷᠭᠠᠭᠤᠯᠢ ᠪᠠᠨ ᠪᠠᠶᠢᠭᠤᠯᠵᠤ ᠂
ᠡᠪᠦᠭᠡᠳ ᠦᠨ ᠨᠤᠲᠤᠭ ᠲᠠᠭᠠᠨ
ᠡᠵᠡᠨ ᠨᠢ ᠪᠣᠯᠵᠤ ᠦᠯᠡᠳᠡᠵᠦ ᠴᠢᠳᠠᠬᠤ ᠦᠭᠡᠢ
ᠦᠪᠡᠷ ᠦᠨ ᠭᠡᠰᠡᠨ ᠡᠷᠬᠡ ᠠᠰᠢᠭ ᠢᠶᠠᠨ
ᠦᠪᠡᠷ ᠢᠶᠡᠨ ᠪᠣᠰᠣᠨ ᠬᠠᠮᠠᠭᠠᠯᠠᠵᠤ ᠴᠢᠳᠠᠬᠣ ᠦᠭᠡᠢ ᠪᠠᠶᠢᠲᠠᠯᠠ ᠂
ᠭᠠᠭᠴᠠ
ᠰᠤᠶᠣᠯ ᠢᠶᠠᠷ ᠢᠶᠠᠨ ᠪᠠᠬᠠᠷᠬᠠᠵᠦ
ᠰᠡᠳᠬᠢᠯ ᠢᠶᠡᠷ ᠢᠶᠡᠨ ᠪᠠᠶᠠᠰᠤᠨ
ᠳᠠᠭᠤᠨ ᠳ᠋ᠠᠭᠠᠨ ᠰᠣᠭᠲᠤᠵᠤ
ᠲᠡᠦᠬᠡᠨ ᠳ᠋ᠡᠭᠡᠨ ᠣᠮᠣᠭᠷᠬᠠᠵᠤ
ᠠᠬᠢᠰᠢ ᠦᠭᠡᠢ ᠠᠯᠮᠠᠶᠢᠷᠠᠵᠦ
ᠴᠢᠷᠮᠠᠶᠢᠯ ᠦᠭᠡᠢ ᠵᠠᠯᠬᠠᠭᠤᠷᠠᠨ ᠂
ᠠᠶᠠᠭᠠ ᠳᠠᠷᠠᠰᠤ ᠠᠮᠰᠠᠨ
ᠨᠠᠶᠢᠷ ᠬᠤᠷᠢᠮ ᠲᠠᠯᠪᠢᠵᠤ
ᠠᠮᠢᠳᠤᠷᠠᠯ ᠤᠨ ᠰᠠᠶᠢᠬᠠᠨ ᠢ ᠡᠳ᠋ᠯᠡᠨ
ᠠᠮᠤᠷ ᠵᠢᠷᠭᠠᠯ ᠢ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠭᠡᠷ ᠁
ᠵᠠᠭᠤᠨ ᠵᠢᠯ ᠦᠨ ᠳᠠᠷᠠᠭᠠ
ᠮᠢᠩᠭᠠᠨ ᠵᠢᠯ ᠦᠨ ᠳᠠᠷᠠᠭᠠ ᠴᠦ
ᠮᠣᠩᠭᠣᠯ ᠮᠢᠨᠢ ᠮᠣᠩᠭᠣᠯ ᠢᠶᠠᠷ ᠢᠶᠠᠨ
ᠮᠦᠩᠬᠡ ᠬᠥᠬᠡ ᠲᠡᠭᠷᠢ ᠲᠠᠢ ᠪᠠᠨ ᠬᠠᠮᠲᠤ ᠣᠷᠣᠰᠢᠭ ᠭᠡᠵᠦ
ᠪᠢ ᠬᠦᠰᠡᠨᠡᠮ ︕
ᠶᠠᠪᠤᠪᠠᠰᠤ ᠬᠦᠷᠦᠶᠦ ᠭᠡᠵᠦ
ᠶᠡᠬᠡ ᠡᠵᠡᠨ ᠴᠢᠩᠭᠢᠰ
ᠢᠲᠡᠭᠡᠭᠦᠯᠵᠦ ᠰᠤᠷᠭᠠᠭᠰᠠᠨ ᠠᠴᠠ ᠂
ᠡᠷᠴᠢ ᠵᠣᠷᠢᠭ ᠢᠶᠠᠨ ᠬᠦᠪᠴᠢᠯᠡᠨ
ᠡᠷᠳᠡᠮ ᠦᠨ ᠰᠠᠩ ᠠᠴᠠ
ᠡᠷᠳᠡᠨᠢ ᠡᠪᠦᠷᠯᠡᠨ ᠪᠣᠴᠠᠬᠤ ᠪᠠᠷ
ᠠᠪᠤ ᠢᠨ ᠬᠠᠶᠢᠷᠠᠲᠠᠢ ᠬᠦᠦ
ᠠᠷᠦ ᠭᠡᠷ ᠢᠶᠡᠨ ᠤᠷᠬᠢᠭᠠᠳ
ᠠᠯᠤᠰ ᠭᠠᠵᠠᠷ ᠢ ᠵᠤᠷᠢᠯᠠ ᠃
︵ ᠰᠣᠨᠣᠰᠬᠤᠯᠠᠷ ᠲᠡᠷᠡ ᠡᠷᠳᠡᠨᠢ ᠨᠢ
ᠨᠤᠲᠤᠭ ᠡᠷᠭᠦᠬᠦ ᠣᠪᠠᠳᠢᠰ ᠲᠠᠢ ᠭᠡᠨᠡ ᠯᠠᠢ ᠁ ︶
ᠪᠣᠷᠵᠢᠭᠢᠨ ᠰᠤᠷᠤᠨᠠ
2016.01.01
ᠪᠡᠭᠡᠵᠢᠩ ᠳᠦ
-
2016-01-01
ᠲᠤᠷᠰᠢᠨ ᠪᠢᠴᠢᠭᠰᠡᠨ ᠤᠤᠭᠠᠨ ᠪᠦᠲᠦᠭᠡᠯ ᠶᠤᠮ ᠂
ᠲᠠ ᠪᠦᠬᠦᠨ ᠣ ᠰᠠᠨᠠᠯ ᠰᠢᠭᠦᠮᠵᠢ ᠶᠢ ᠬᠦᠯᠢᠶᠡᠨ ᠰᠠᠭᠤᠨᠠ ᠃
