ᠲᠠᠯ᠎ᠠ ᠶᠢᠨ ᠲᠠᠪᠤᠨ ᠡᠷᠳᠡᠨᠢ — 
       ᠮᠣᠩᠭᠣᠯ ᠲᠡᠮᠡᠭᠡ 
             — ᠳᠣᠯᠣᠳ• ᠨᠠᠮᠵᠢᠯ 
 
   ᠮᠣᠩᠭᠣᠯ ᠲᠡᠮᠡᠭᠡ ᠪᠣᠯ ᠮᠣᠩᠭᠣᠯᠴᠤᠳ᠂      ᠡᠷᠡᠰ ᠲᠠᠰ  ᠪᠡᠷᠬᠡ ᠬᠠᠲᠠᠭᠤ ᠪᠠᠶᠢᠭᠠᠯᠢ ᠶᠢᠨ  ᠪᠠᠶᠢᠳᠠᠯ  ᠭᠠᠩᠳᠠᠮᠠᠯ ᠬᠠᠭᠤᠷᠠᠢ ᠡᠯᠡᠰᠦ ᠮᠠᠩᠬᠠᠨ ᠨᠤᠲᠤᠭ᠂ ᠡᠪᠡᠰᠦ ᠤᠷᠭᠤᠮᠠᠯ ᠲᠠᠴᠢᠷ ᠨᠢᠮᠬᠡᠨ ᠴᠦᠯᠡᠷᠬᠡᠭ ᠭᠠᠵᠠᠷ ᠵᠡᠷᠭᠡ ᠡᠪᠡᠰᠦ ᠪᠡᠯᠴᠢᠭᠡᠷ ᠪᠠᠷᠣᠭᠲᠠᠢ ᠭᠠᠵᠠᠷ ᠤᠨ ᠨᠤᠲᠤᠭ ᠤᠳ ᠳᠤ ᠵᠢᠯ ᠲᠤᠷᠰᠢ ᠶᠢᠨ ᠪᠡᠯᠴᠢᠭᠡᠷ ᠦᠨ ᠬᠠᠷᠢᠭᠤᠯᠭ᠎ᠠ ᠮᠠᠯᠵᠢᠯᠭ᠎ᠠ ᠪᠠᠷ    ᠪᠠᠶᠢᠭᠠᠯᠢ ᠰᠢᠯᠭᠠᠷᠠᠯ ᠬᠢᠭᠡᠳ ᠰᠠᠨᠠᠭᠠᠴᠢᠯᠭᠠᠲᠣ  ᠪᠣᠶᠢᠵᠢᠭᠤᠯᠤᠭᠰᠠᠨ ᠤᠨᠤᠯᠭ᠎ᠠ᠂ ᠠᠴᠢᠶ᠎ᠠ ᠵᠥᠭᠡᠭᠡᠪᠦᠷᠢ ᠳᠤ ᠵᠣᠬᠢᠴᠠᠭᠰᠠᠨ᠂ ᠨᠣᠣᠰᠤ ᠨᠣᠯᠤᠤᠷ᠂ ᠰᠦ᠋᠂ ᠮᠢᠬ᠎ᠠ ᠵᠡᠷᠭᠡ ᠣᠯᠠᠨ ᠵᠦᠢᠯ ᠦᠨ ᠶᠡᠷᠥᠩᠬᠡᠶᠢᠯᠡᠭᠰᠡᠨ ᠭᠠᠷᠣᠯᠲᠠ ᠲᠠᠢ ᠣᠯᠠᠨ ᠡᠳ᠋ᠯᠡᠯ ᠬᠡᠷᠡᠭᠴᠡᠭᠡᠲᠦ ᠰᠢᠯᠢᠳᠡᠭ ᠰᠠᠶᠢᠨ ᠬᠣᠣᠰ ᠪᠦᠬᠦᠲᠦ   ᠤᠨ ᠲᠡᠮᠡᠭᠡ ᠶᠤᠮ  
   ᠮᠣᠩᠭᠣᠯ ᠲᠡᠮᠡᠭᠡᠨ ᠦ ᠰᠢᠨᠵᠢ ᠪᠠᠶᠢᠳᠠᠯ᠄ ᠲᠣᠯᠣᠭᠠᠢ ᠨᠢ ᠳᠤᠮᠳᠠ ᠵᠡᠷᠭᠡ᠂ ᠮᠠᠩᠨᠠᠢ ᠥᠷᠭᠡᠨ᠂ ᠣᠷᠣᠢ ᠲᠤᠬᠤᠨ  ᠳᠠᠭᠠᠨ ᠣᠪᠣᠭ᠎ᠠ ᠦᠰᠦ ᠲᠠᠢ᠂ ᠬᠠᠮᠠᠷ ᠤᠨ ᠬᠢᠩᠭ᠎ᠠ ᠨᠢ ᠰᠢᠯᠤᠭᠤᠪᠲᠤᠷ᠂ ᠬᠣᠩᠰᠢᠭᠤᠷ ᠱᠥᠮᠪᠦᠭᠡᠷ᠂ ᠳᠡᠭᠡᠳᠦ ᠤᠷᠤᠭᠤᠯ ᠨᠢ ᠰᠡᠲᠡᠷᠬᠡᠢ᠂ ᠳᠣᠣᠷᠠᠲᠣ ᠤᠷᠤᠭᠤᠯ ᠨᠢ ᠪᠠᠭ᠎ᠠ ᠵᠡᠷᠭᠡ ᠤᠨᠵᠢᠭᠢᠷ᠂ ᠠᠷᠣᠨᠰᠢ ᠪᠠᠨ ᠳᠡᠯᠳᠡᠭᠡᠷ ᠪᠣᠭᠤᠨᠢᠪᠲᠣᠷ ᠴᠢᠬᠢ ᠲᠠᠢ᠂ ᠬᠦᠵᠦᠭᠦᠦ ᠤᠷᠲᠤᠪᠲᠤᠷ ᠪᠥᠭᠡᠳ ᠭᠡᠳᠡᠷᠭᠡᠨ᠂ ᠵᠣᠭᠳᠣᠷ ᠤᠷᠲᠤ ᠵᠤᠵᠠᠭᠠᠨ ᠂ ᠴᠡᠭᠡᠵᠢ ᠥᠷᠭᠡᠨ ᠲᠡᠨᠢᠭᠦᠨ᠂ ᠨᠢᠷᠣᠭᠤ ᠲᠡᠭᠰᠢ ᠥᠷᠭᠡᠨ᠂ ᠪᠣᠰᠣᠭ᠎ᠠ ᠬᠣᠶᠠᠷ ᠥᠨᠳᠦᠷ ᠪᠦᠬᠦ ᠨᠢ ᠲᠡᠩᠴᠡᠭᠦᠬᠡᠨ ᠵᠠᠶᠢᠲᠠᠢ᠂ ᠶᠡᠬᠡ ᠪᠡᠶ᠎ᠡ ᠤᠷᠲᠤᠯᠢᠭ᠂ ᠬᠣᠨᠳᠤᠯᠠᠢ ᠲᠠᠰᠢᠭᠤ᠂ ᠤᠭ ᠤᠷᠤᠭᠤ ᠪᠠᠨ ᠪᠦᠳᠦᠭᠦᠪᠲᠦᠷ ᠪᠣᠭᠤᠨᠢ ᠰᠡᠭᠦᠯ ᠲᠠᠢ᠂ ᠳᠥᠷᠪᠡᠨ ᠬᠦᠯ ᠤᠨ ᠭᠢᠰᠬᠢᠯᠲᠡ ᠲᠥᠪ ᠬᠦᠴᠦᠯᠢᠭ᠂ ᠡᠪᠦᠳᠦᠭ ᠦᠨ ᠦᠰᠦ ᠥᠳᠬᠡᠨ ᠤᠷᠲᠤ᠂ ᠲᠠᠪᠠᠭ ᠨᠢ ᠪᠦᠳᠦᠭᠦᠨ ᠰᠠᠶᠢᠷ ᠰᠠᠶᠢᠲᠠᠢ᠂ ᠴᠢᠭᠢᠷᠠᠭ ᠪᠡᠶ᠎ᠡ ᠴᠣᠭᠴᠠᠰ ᠲᠠᠢ ᠃  
   ᠵᠢᠰᠦ᠄  ᠲᠡᠮᠡᠭᠡᠨ ᠦ ᠣᠯᠠᠩᠬᠢ ᠨᠢ ᠬᠦᠷᠡᠩ᠂ ᠤᠯᠠᠭᠠᠨ᠂ ᠰᠢᠷᠠᠪᠲᠣᠷ᠂ ᠴᠠᠭᠠᠨ  ᠂ ᠥᠭᠡᠷ᠎ᠡ ᠪᠤᠰᠤᠳ ᠵᠦᠢᠯ ᠦᠨ ᠵᠢᠰᠦᠮ ᠲᠠᠢ ᠨᠢ ᠪᠠᠰᠠ ᠪᠣᠢ  
    ᠄ ᠮᠣᠩᠭᠣᠯ ᠲᠡᠮᠡᠭᠡᠨ ᠦ   ᠶᠡᠬᠡ ᠥᠷᠭᠡᠨ᠂    ᠪᠠᠶᠢᠳᠠᠭ  ᠮᠠᠨ ᠤ ᠤᠯᠤᠰ ᠲᠤ᠂ ᠥᠪᠥᠷ ᠮᠣᠩᠭᠣᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠳᠤ ᠮᠣᠩᠭᠣᠯ ᠲᠡᠮᠡᠭᠡ ᠶᠢ ᠨᠡᠶᠢᠳᠡᠮ ᠮᠠᠯᠵᠢᠵᠣ ᠪᠠᠶᠢᠬᠤ ᠠᠴᠠ ᠭᠠᠳᠠᠨ᠎ᠠ᠂ ᠰᠢᠨᠵᠢᠶᠠᠩ᠂ ᠬᠦᠬᠡᠨᠠᠭᠤᠷ᠂ ᠭᠠᠨᠰᠣ᠂ ᠯᠢᠶᠣᠤᠨᠢᠩ᠂ ᠭᠢᠷᠢᠨ᠂ ᠬᠠᠷᠠᠮᠥ᠋ᠷᠡᠨ ᠵᠡᠷᠭᠡ ᠮᠤᠵᠢ ᠣᠷᠣᠨ ᠳᠦ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶ᠎ᠡ ᠪᠡᠷ ᠮᠠᠯᠵᠢᠵᠣ ᠪᠠᠶᠢᠨ᠎ᠠ᠃ ᠤᠯᠤᠰ ᠤᠨ ᠭᠠᠳᠠᠭᠠᠳᠣ ᠳᠤ ᠮᠣᠩᠭᠣᠯ ᠤᠯᠤᠰ ᠪᠣᠯᠣᠨ ᠣᠷᠣᠰ ᠵᠡᠷᠭᠡ ᠤᠯᠤᠰ ᠣᠷᠣᠨ ᠨᠣᠭᠤᠳ ᠲᠤ ᠮᠠᠯᠵᠢᠵᠣ ᠪᠠᠶᠢᠨ᠎ᠠ᠃  ᠲᠡᠮᠡᠭᠡᠨ ᠤ ᠮᠠᠯᠵᠢᠭᠳᠠᠵᠣ ᠪᠠᠶᠢᠭ᠎ᠠ  ᠣᠷᠣᠨ ᠤ ᠪᠠᠶᠢᠭᠠᠯᠢ ᠶᠢᠨ ᠪᠠᠶᠢᠳᠠᠯ  ᠤᠨ   ᠵᠡᠷᠭᠡ ᠣᠯᠠᠨ ᠵᠦᠢᠯ ᠦᠨ ᠰᠢᠯᠲᠠᠭᠠᠨ ᠪᠣᠯᠵᠤ᠂ ᠪᠡᠶ᠎ᠡ ᠪᠢᠯᠳᠠᠷ ᠤᠨ ᠶᠡᠬᠡ ᠪᠠᠭ᠎ᠠ᠂ ᠵᠢᠰᠦ᠂ ᠨᠣᠣᠰᠤ ᠨᠣᠯᠣᠣᠷ ᠤᠨ ᠭᠠᠷᠣᠯᠲᠠ ᠵᠡᠷᠭᠡ ᠲᠠᠯ᠎ᠠ ᠪᠠᠷ    ᠪᠣᠯᠵᠠᠢ᠃ ᠤᠯᠤᠰ ᠤᠨ ᠳᠣᠲᠣᠭᠠᠳᠣ ᠪᠠᠷ ᠵᠢᠱᠢᠶᠡᠯᠡᠪᠡᠯ᠂ ᠠᠯᠠᠱᠠ ᠲᠡᠮᠡᠭᠡ᠂ ᠰᠦᠨᠢᠳ ᠲᠡᠮᠡᠭᠡ᠂ ᠬᠥᠯᠥᠨ ᠪᠣᠶᠢᠷ ᠲᠡᠮᠡᠭᠡ᠂ ᠰᠢᠨᠵᠢᠶᠠᠩ ᠲᠡᠮᠡᠭᠡ  ᠠᠰ ᠠᠰ ᠤᠨ ᠥᠪᠡᠷᠮᠢᠴᠡ ᠰᠢᠨᠵᠢ   ᠭᠠᠵᠠᠷ ᠣᠷᠣᠨ ᠤ  ᠡᠭᠦᠯᠳᠡᠷ ᠲᠡᠮᠡᠭᠡ ᠨᠤᠭᠦᠳ ᠪᠣᠢ  
   ᠡᠯ᠎ᠡ ᠭᠠᠵᠠᠷ ᠲᠠᠬᠢ  ᠲᠡᠮᠡᠭᠡᠨ ᠦ ᠪᠡᠶ᠎ᠡ ᠪᠢᠯᠳᠠᠷ ᠤᠨ ᠶᠡᠬᠡ ᠪᠠᠭ᠎ᠠ ᠨᠢ    ᠰᠢᠭ᠋ ᠪᠣᠯᠪᠠᠴᠤ᠂ ᠶᠡᠬᠡ ᠲᠥᠯᠥᠪ ᠳᠡᠬᠡᠨ ᠪᠤᠤᠷ᠎ᠠ ᠶᠢᠨ ᠠᠮᠢᠳᠤ ᠶᠢᠨ ᠵᠢᠩ ᠨᠢ 500︱600 ᠺᠢᠯᠤᠭ᠍ᠷᠠᠮ︔ ᠢᠩᠭᠡᠨ ᠦ ᠠᠮᠢᠳᠤ ᠶᠢᠨ ᠵᠢᠩ 400︱500 ᠺᠢᠯᠤᠭ᠍ᠷᠠᠮ ᠣᠷᠴᠢᠮ ᠪᠠᠶᠢᠳᠠᠭ᠃ ᠪᠤᠲᠤᠭᠤ᠂ ᠰᠠᠶ᠋ᠢ ᠪᠤᠲᠤᠭᠤᠯᠤᠭᠰᠠᠨ ᠤ ᠳᠠᠷᠠᠭᠠᠬᠢ ᠨᠢᠯᠬ᠎ᠠ ᠦᠶ᠎ᠡ ᠶᠢᠨ ᠪᠡᠶ᠎ᠡ ᠶᠢᠨ ᠵᠢᠩ ᠨᠢ 35 ᠺᠢᠯᠤᠭ᠍ᠷᠠᠮ ᠣᠷᠴᠢᠮ᠃ 
   ᠮᠣᠩᠭᠣᠯ ᠲᠡᠮᠡᠭᠡᠨ  ᠤ ᠪᠡᠶ᠎ᠡ ᠶᠢᠨ ᠬᠡᠮᠵᠢᠯᠲᠡ ᠶᠢᠨ ᠳᠤᠮᠳᠠᠴᠢᠯᠠᠭᠰᠠᠨ ᠬᠡᠮᠵᠢᠭᠳᠡᠯ ᠄  
   ᠪᠦᠳᠦᠭᠦᠨ ᠪᠤᠤᠷ᠎ᠠ᠄ ᠪᠡᠶ᠎ᠡ ᠶᠢᠨ ᠥᠨᠳᠦᠷ 175.2 ᠰᠡᠨᠲ᠋ᠢᠮᠧᠲ᠋ᠷ᠂ ᠪᠡᠶ᠎ᠡ ᠶᠢᠨ ᠲᠠᠰᠢᠭᠤ ᠤᠷᠲᠤ 153.2 ᠰᠡᠨᠲ᠋ᠢᠮᠧᠲ᠋ᠷ᠂ ᠴᠡᠭᠡᠵᠢᠨ ᠪᠦᠰᠡᠯᠡᠭᠦᠷ 210.7 ᠰᠡᠨᠲ᠋ᠢᠮᠧᠲ᠋ᠷ ︔ ᠪᠦᠳᠦᠭᠦᠨ ᠢᠩᠭᠡ ᠄ ᠪᠡᠶ᠎ᠡ ᠶᠢᠨ ᠥᠨᠳᠦᠷ 168 ᠰᠡᠨᠲ᠋ᠢᠮᠧᠲ᠋ᠷ᠂ ᠪᠡᠶ᠎ᠡ ᠶᠢᠨ ᠲᠠᠰᠢᠭᠤ ᠤᠷᠲᠤ 146.9 ᠰᠡᠨᠲ᠋ᠢᠮᠧᠲ᠋ᠷ᠂ ᠴᠡᠭᠡᠵᠢᠨ ᠪᠦᠰᠡᠯᠡᠭᠦᠷ 198 ᠰᠡᠨᠲ᠋ᠢᠮᠧᠲ᠋ᠷ ︔ ᠪᠦᠳᠦᠭᠦᠨ ᠠᠲᠠ ᠄ ᠪᠡᠶ᠎ᠡ ᠶᠢᠨ ᠥᠨᠳᠦᠷ 179.3 ᠰᠡᠨᠲ᠋ᠢᠮᠧᠲ᠋ᠷ᠂ ᠪᠡᠶ᠎ᠡ ᠶᠢᠨ ᠲᠠᠰᠢᠭᠤ ᠤᠷᠲᠤ 163.8 ᠰᠡᠨᠲ᠋ᠢᠮᠧᠲ᠋ᠷ ᠂ ᠴᠡᠭᠡᠵᠢᠨ ᠪᠦᠰᠡᠯᠡᠭᠦᠷ 208.5 ᠰᠡᠨᠲ᠋ᠢᠮᠧᠲ᠋ᠷ ᠃ 
   ᠤᠨᠤᠯᠭ᠎ᠠ᠂ ᠠᠴᠢᠶ᠎ᠠ ᠵᠥᠭᠡᠭᠡᠪᠦᠷᠢ᠄ ᠮᠣᠩᠭᠣᠯ ᠲᠡᠮᠡᠭᠡ ᠶᠢ ᠤᠨᠤᠯᠭᠠᠨ ᠳᠤ ᠬᠡᠷᠡᠭᠯᠡᠬᠦ ᠳᠦ ᠬᠤᠷᠳᠤᠴᠠ ᠰᠠᠶᠢᠲᠠᠢ ᠪᠥᠭᠡᠳ ᠤᠨᠤᠯᠭ᠎ᠠ ᠪᠠ ᠠᠴᠢᠶ᠎ᠠ ᠵᠥᠭᠡᠭᠡᠪᠦᠷᠢ ᠳᠤ ᠲᠡᠰᠪᠦᠷᠢ ᠳᠠᠭᠠᠭᠠᠴᠠ ᠨᠢ ᠣᠨᠴᠠᠭᠠᠢ ᠰᠠᠶᠢᠨ ᠪᠠᠶᠢᠳᠠᠭ᠃ ᠲᠡᠮᠡᠭᠡ ᠶᠢ ᠤᠨᠤᠵᠣ ᠠᠶᠠᠯᠠᠬᠤ ᠳᠤ ᠬᠤᠷᠳᠤᠴᠠ ᠨᠢ ᠮᠣᠷᠢ ᠲᠠᠢ ᠠᠳᠠᠯᠢᠪᠲᠣᠷ᠂ ᠠᠲᠠᠨ ᠲᠡᠮᠡᠭᠡᠨ ᠳᠦ 150︱200 ᠺᠢᠯᠤᠭ᠍ᠷᠠᠮ ᠶᠠᠭᠤᠮ᠎ᠠ ᠠᠴᠢᠭᠠᠳ ᠡᠳᠦᠷ ᠲᠦ 60︱70
ᠺᠢᠯᠣᠮᠧᠲ᠋ᠷ ᠶᠠᠪᠤᠬᠤ ᠳᠤ ᠠᠵᠢᠭ ᠴᠤ ᠦᠭᠡᠢ ᠶᠠᠪᠤᠵᠣ ᠯᠠ ᠪᠠᠶᠢᠳᠠᠭ᠂ 350︱400 ᠺᠢᠯᠤᠭ᠍ᠷᠠᠮ ᠲᠡᠭᠡᠭᠡᠰᠢ ᠲᠠᠢ ᠲᠡᠷᠭᠡᠨ ᠳᠦ ᠨᠢᠭᠡ ᠠᠲᠠ ᠬᠦᠯᠥᠭᠡᠳ ᠣᠶᠢᠷ᠎ᠠ ᠵᠠᠭᠤᠷ᠎ᠠ ᠶᠢᠨ ᠵᠥᠭᠡᠭᠡᠪᠦᠷᠢ ᠬᠢᠬᠦ ᠳᠦ ᠶᠡᠷᠦ ᠬᠦᠴᠢᠷᠳᠡᠳᠡᠭ ᠦᠭᠡᠢ᠃  
   ᠨᠣᠣᠰᠤ ᠨᠣᠯᠤᠤᠷ ᠤᠨ ᠄ ᠲᠡᠮᠡᠭᠡᠨ ᠦ ᠨᠣᠣᠰᠤ ᠨᠣᠯᠤᠤᠷ︵ᠨᠣᠯᠤᠤᠷ ᠪᠣᠯᠣᠨ ᠬᠢᠯᠭᠠᠰᠤ᠂ ᠰᠣᠷ︶ ᠢ ᠠᠷᠠᠳ ᠤᠨ ᠶᠡᠷᠦ ᠶᠢᠨ ᠬᠡᠯᠡᠯᠭᠡ  ᠪᠡᠷ ᠲᠡᠮᠡᠭᠡᠨ ᠤᠩᠭᠤᠰᠤ ᠭᠡᠵᠦ ᠬᠡᠯᠡᠳᠡᠭ᠃ ᠮᠣᠩᠭᠣᠯ ᠲᠡᠮᠡᠭᠡᠨ ᠦ ᠨᠣᠣᠰᠤ ᠨᠣᠯᠤᠤᠷ ᠤᠨ ᠭᠠᠷᠴᠠ ᠶᠢᠨ ᠬᠡᠮᠵᠢᠶ᠎ᠡ ᠨᠢ ᠨᠡᠶᠢᠳᠡᠮ ᠳᠡᠬᠡᠨ ᠶᠡᠬᠡ ᠰᠠᠶᠢᠨ᠃ ᠠᠯᠠᠱᠠ ᠲᠡᠮᠡᠭᠡᠨ ᠤ ᠨᠣᠣᠰᠤ ᠨᠣᠯᠤᠤᠷ ᠨᠢ ᠬᠠᠷᠢᠴᠠᠩᠭᠤᠢ ᠪᠠᠷ ᠨᠠᠷᠢᠨ᠂ ᠰᠦᠨᠢᠳ ᠲᠡᠮᠡᠭᠡ ᠨᠣᠣᠰᠤ ᠨᠣᠯᠤᠤᠷ ᠤᠨ ᠭᠠᠷᠴᠠ ᠪᠡᠷ ᠶᠡᠬᠡ ᠪᠥᠭᠡᠳ ᠪᠡᠶ᠎ᠡ ᠪᠢᠯᠳᠠᠷ ᠢᠶᠠᠷ ᠪᠠᠰᠠ ᠪᠦᠳᠦᠭᠦᠨ ᠪᠠᠶᠢᠳᠠᠭ᠃ ᠶᠡᠬᠡᠩᠬᠢ ᠮᠣᠩᠭᠣᠯ ᠲᠡᠮᠡᠭᠡᠨ ᠦ ᠨᠣᠣᠰᠤ ᠨᠣᠯᠤᠤᠷ ᠤᠨ ᠭᠠᠷᠴᠠ ᠨᠢ ᠶᠡᠷᠥᠩᠬᠢ ᠳᠡᠬᠡᠨ 5︱8 ᠺᠢᠯᠤᠭ᠍ᠷᠠᠮ ᠣᠷᠴᠢᠮ ᠪᠠᠶᠢᠵᠣ᠂ 10 ᠺᠢᠯᠤᠭ᠍ᠷᠠᠮ ᠡᠴᠡ ᠳᠡᠭᠡᠭᠰᠢ ᠭᠠᠷᠴᠠ ᠲᠠᠢ ᠲᠡᠮᠡᠭᠡ ᠪᠠᠰᠠ ᠨᠡᠯᠢᠶᠡᠳ ᠪᠣᠢ᠃   
   ᠮᠢᠬᠠᠨ ᠭᠠᠷᠣᠯᠲᠠ᠄ ᠮᠣᠩᠭᠣᠯ ᠲᠡᠮᠡᠭᠡᠨ ᠦ ᠮᠢᠬ᠎ᠠ᠂ ᠡᠯᠳᠡᠪ ᠵᠦᠢᠯ ᠦᠨ ᠮᠠᠭᠤᠬᠠᠢ ᠰᠢᠩᠬᠢᠭ ᠦᠨᠥᠷ ᠠᠮᠲᠠ ᠦᠭᠡᠢ᠂ ᠰᠢᠮ᠎ᠡ ᠲᠡᠵᠡᠭᠡᠯ ᠦᠨ ᠠᠭᠤᠯᠠᠭᠳᠠᠴᠠ ᠨᠢ ᠪᠥᠷᠢᠨ᠂ ᠢᠳᠡᠬᠦ ᠳᠦ ᠠᠮᠲᠠᠲᠠᠢ᠂ ᠥᠭᠡᠬᠦ ᠪᠠᠭ᠎ᠠ᠂ ᠬᠠᠷ᠎ᠠ ᠮᠢᠬ᠎ᠠ ᠶᠡᠬᠡᠲᠡᠢ᠂ ᠮᠢᠬᠠᠨ ᠳᠠᠬᠢ ᠤᠭᠤᠷᠠᠭ ᠤᠨ ᠠᠭᠤᠯᠠᠭᠳᠠᠴᠠ ᠨᠢ ᠦᠬᠡᠷ ᠦᠨ ᠮᠢᠬ᠎ᠠ ᠲᠠᠢ ᠣᠶᠢᠷᠠᠯᠴᠠᠭ᠎ᠠ᠃ ᠳᠤᠮᠳᠠ ᠵᠡᠷᠭᠡ ᠶᠢᠨ ᠲᠠᠷᠭᠤ ᠲᠠᠢ ᠠᠲᠠᠨ ᠤ ᠴᠤᠯ ᠮᠢᠬᠠᠨ ᠭᠠᠷᠴᠠ ᠨᠢ ᠳᠤᠮᠳᠠᠴᠢ ᠪᠠᠷ 200 ᠺᠢᠯᠤᠭ᠍ᠷᠠᠮ ᠣᠷᠴᠢᠮ᠂ ᠰᠠᠶᠢᠨ ᠲᠠᠷᠭᠤ ᠲᠠᠢ ᠪᠦᠳᠦᠭᠦᠨ ᠠᠲᠠᠨ ᠠᠴᠠ 400 ᠢᠯᠡᠭᠦᠦ ᠺᠢᠯᠤᠭ᠍ᠷᠠᠮ ᠴᠤᠯ ᠮᠢᠬ᠎ᠠ ᠭᠠᠷᠣᠭᠰᠠᠨ ᠲᠡᠮᠳᠡᠭᠯᠡᠯ ᠪᠠᠰᠠ ᠪᠣᠢ᠃ ᠨᠢᠲᠤᠯᠭ᠎ᠠ ᠶᠢᠨ ᠭᠠᠷᠴᠠ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ 54% ᠠᠴᠠ ᠳᠡᠭᠡᠭᠰᠢ᠃ 
   ᠰᠦᠨ ᠄  ᠲᠡᠮᠡᠭᠡᠨ ᠦ ᠢᠩᠭᠡᠨ ᠰᠦ᠋ ᠥᠳᠭᠡᠨ ᠪᠥᠭᠡᠳ ᠤᠭᠤᠷᠠᠭ᠂ ᠲᠣᠰᠣᠯᠢᠭ᠂ ᠡᠷᠥᠳᠡᠰᠦ ᠪᠣᠳᠠᠰ ᠤᠨ ᠠᠭᠤᠯᠤᠭᠳᠠᠴᠠ ᠨᠢ ᠦᠨᠢᠶᠡᠨ ᠰᠦᠨ ᠡᠴᠡ ᠥᠨᠳᠦᠷ᠂ ᠰᠦᠨ ᠲᠣᠰᠣᠯᠢᠭ ᠤᠨ ᠮᠥᠬᠦᠯᠢᠭ ᠨᠢ ᠵᠢᠵᠢᠭ ᠪᠠᠶᠢᠳᠠᠭ᠃ ᠢᠩᠭᠡᠨ ᠰᠦ᠋ ᠨᠢ ᠬᠦᠮᠦᠨ ᠦ ᠪᠡᠶ᠎ᠡ ᠳᠦ ᠶᠡᠬᠡ ᠵᠣᠬᠢᠮᠵᠢᠲᠠᠢ ᠪᠡᠶ᠎ᠡ ᠲᠡᠩᠬᠡᠵᠢᠭᠦᠯᠬᠦ ᠨᠢᠭᠡᠨ ᠵᠦᠢᠯ ᠦᠨ ᠤᠮᠳᠠᠭᠠᠨ ᠪᠣᠯᠬᠣᠷ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠣᠯᠠᠨ ᠵᠦᠢᠯ ᠦᠨ ᠰᠠᠶᠢᠬᠠᠨ ᠦᠨᠥᠷ ᠠᠮᠲᠠᠲᠣ ᠴᠠᠭᠠᠨ ᠢᠳᠡᠭᠡ ᠬᠢᠵᠣ ᠪᠣᠯᠳᠠᠭ᠃ ᠪᠤᠲᠤᠭᠤᠯᠤᠭᠰᠠᠨ ᠢᠩᠭᠡ ᠶᠢ 8︱11 ᠰᠠᠷ᠎ᠠ ᠣᠷᠴᠢᠮ ᠰᠠᠭᠠᠵᠣ ᠪᠣᠯᠣᠨ᠎ᠠ᠂ ᠨᠢᠭᠡ ᠢᠩᠭᠡᠨ ᠡᠴᠡ ᠡᠳᠦᠷ ᠲᠦ ᠳᠤᠮᠳᠠᠴᠢ ᠪᠠᠷ 1︱1.5 ᠺᠢᠯᠤᠭ᠍ᠷᠠᠮ ᠰᠦ᠋ ᠰᠠᠭᠠᠵᠣ ᠳᠡᠶᠢᠯᠥᠨ᠎ᠡ᠃ 
   ᠦᠷᠡᠵᠢᠯᠲᠡ ᠪᠣᠶᠢᠵᠢᠯᠲᠡ᠄ ᠮᠣᠩᠭᠣᠯ ᠲᠡᠮᠡᠭᠡᠨ ᠦ ᠦᠷᠡᠵᠢᠯᠲᠡ ᠶᠢᠨ ᠨᠣᠷᠮ᠎ᠠ ᠲᠡᠮᠡᠢ ᠦᠨᠳᠦᠷ ᠪᠢᠰᠢ᠂ ᠶᠡᠷᠦ ᠶᠢᠨ ᠵᠢᠯ ᠳᠦ᠂ 40% ᠭᠠᠷᠣᠢ ᠯᠠ ᠪᠠᠶᠢᠳᠠᠭ ᠃ ᠪᠤᠲᠤᠭᠤᠨ ᠤ ᠪᠤᠶᠢᠵᠢᠯᠲᠠ ᠶᠢᠨ ᠨᠣᠷᠮ᠎ᠠ ᠶᠢᠨ ᠦᠨᠳᠦᠷ ᠡᠰᠡᠬᠦ ᠨᠢ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ ᠪᠠᠶᠢᠭᠠᠯᠢ ᠣᠷᠴᠢᠨ ᠤ ᠪᠠᠶᠢᠳᠠᠯ ᠪᠣᠯᠣᠨ ᠠᠷᠠᠴᠢᠯᠠᠭ᠎ᠠ ᠮᠠᠯᠵᠢᠯᠭ᠎ᠠ ᠲᠠᠢ ᠰᠢᠭᠤᠳ ᠬᠣᠯᠪᠣᠭᠳᠠᠯ ᠲᠠᠢ᠂ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ᠂ 90% ᠠᠴᠠ ᠳᠡᠭᠡᠭᠰᠢ ᠪᠠᠶᠢᠳᠠᠭ᠃ 
    ᠲᠡᠮᠡᠭᠡ᠂ ᠰᠦᠷᠦᠭᠴᠢ ᠢᠵᠢᠯᠢᠰᠡᠭ ᠵᠠᠩ ᠴᠢᠨᠠᠷ ᠢᠶᠠᠷ ᠣᠨᠴᠠᠭᠠᠢ ᠰᠠᠶᠢᠨ ᠪᠠᠶᠢᠳᠠᠭ᠂ ᠵᠠᠷᠢᠮ ᠦᠶ᠎ᠡ ᠳᠤ ᠲᠡᠮᠡᠭᠡᠨ ᠰᠦᠷᠦᠭ ᠨᠤᠭᠦᠳ ᠨᠢᠭᠡᠨ ᠭᠠᠵᠠᠷ ᠬᠣᠭᠣᠷᠣᠨᠳᠣ ᠪᠠᠨ ᠨᠡᠶᠢᠯᠡᠨ ᠬᠣᠯᠢᠯᠲᠤᠭᠰᠠᠨ ᠴᠤ᠂ ᠰᠠᠯᠣᠨ ᠶᠠᠪᠤᠬᠤ ᠳᠠᠭᠠᠨ ᠢᠵᠢᠯᠢ ᠪᠡᠷ ᠢᠶᠡᠨ ᠥᠪᠡᠷ ᠥᠪᠡᠷ ᠦᠨ ᠰᠦᠷᠦᠭ ᠢᠶᠡᠨ ᠳᠠᠭᠠᠨ ᠢᠯᠭᠠᠷᠠᠵᠣ ᠶᠠᠪᠤᠳᠠᠭ᠂ ᠪᠤᠤᠷ᠎ᠠ ᠨᠢ ᠬᠤᠷᠢᠶᠠᠭᠰᠠᠨ ᠰᠦᠷᠦᠭ ᠤᠨ ᠢᠶᠡᠨ ᠲᠡᠮᠡᠭᠡᠳ ᠢ ᠵᠢᠯ ᠲᠤᠷᠰᠢᠳᠠ ᠠᠵᠢᠭᠯᠠᠨ ᠠᠩᠬᠠᠷᠴᠤ᠂ ᠰᠠᠯᠵᠣ ᠪᠤᠲᠠᠷᠠᠬᠤ ᠶᠢ ᠰᠡᠷᠡᠮᠵᠢᠯᠡᠨ ᠦᠷᠭᠦᠯᠵᠢ ᠬᠤᠷᠢᠶᠠᠵᠣ᠂ ᠬᠠᠮᠠᠭᠠᠯᠠᠨ ᠶᠠᠪᠤᠳᠠᠭ᠃ 
    ᠲᠡᠮᠡᠭᠡ᠂ ᠪᠤᠰᠤᠳ ᠲᠥᠷᠥᠯ ᠦᠨ ᠮᠠᠯ ᠵᠣᠬᠢᠴᠠᠬᠤ ᠪᠠᠷ ᠪᠠᠷᠣᠭᠲᠠᠶᠢᠬᠠᠨ ᠰᠢᠭ᠋ ᠭᠠᠩᠳᠠᠮᠠᠯ ᠬᠠᠭᠤᠷᠠᠢ ᠲᠠᠴᠢᠷ ᠨᠢᠮᠬᠡᠨ ᠡᠪᠡᠰᠦ ᠪᠡᠯᠴᠢᠭᠡᠷ ᠲᠠᠢ ᠨᠤᠲᠤᠭ ᠣᠷᠣᠨ ᠵᠢᠴᠢ ᠡᠯᠡᠰᠦᠷᠬᠡᠭ᠂ ᠴᠦᠯᠡᠷᠬᠡᠭ ᠭᠠᠵᠠᠷ ᠣᠷᠣᠨ ᠤ ᠬᠠᠲᠠᠭᠤ ᠪᠡᠷᠬᠡ ᠣᠷᠴᠢᠨ ᠠᠬᠤᠢ ᠳᠤ ᠳᠣᠶᠢᠯ ᠤᠨ ᠲᠡᠰᠪᠦᠷᠢ ᠳᠠᠭᠠᠭᠠᠴᠠ ᠲᠠᠢ ᠪᠡᠷ ᠰᠠᠶᠢᠨ ᠵᠣᠬᠢᠴᠠᠨ᠂ ᠪᠠᠶᠢᠭᠠᠯᠢ ᠶᠢᠨ ᠨᠥᠬᠦᠴᠡᠯ ᠬᠡᠳᠦᠢ ᠠᠨᠠᠢ ᠪᠠᠶᠢᠭᠰᠠᠨ ᠴᠤ᠂ ᠵᠢᠯ ᠲᠤᠷᠰᠢᠳᠠ ᠬᠡᠭᠡᠷᠡᠯᠡᠨ ᠬᠣᠯᠠ ᠣᠶᠢᠷ᠎ᠠ ᠶᠢᠨ ᠪᠡᠯᠴᠢᠭᠡᠷ ᠭᠡᠵᠦ ᠢᠯᠭᠠᠯ ᠦᠭᠡᠢ ᠨᠠᠭᠠᠰᠢ ᠴᠠᠭᠠᠰᠢ ᠵᠣᠷᠴᠢᠨ ᠴᠢᠳᠠᠮᠠᠭᠠᠢ ᠰᠠᠶᠢᠬᠠᠨ ᠠᠰᠢᠭᠯᠠᠵᠣ᠂ ᠬᠡᠪ ᠦᠨ ᠪᠠᠶᠢᠳᠠᠯ ᠢᠶᠠᠷ ᠥᠰᠴᠦ ᠲᠥᠯᠵᠢᠨ ᠦᠷᠡᠵᠢᠵᠦ ᠪᠠᠶᠢᠳᠠᠭ᠂ ᠲᠡᠭᠦᠨ ᠢ ᠪᠣᠰᠣᠳ ᠲᠥᠷᠥᠯ ᠦᠨ ᠮᠠᠯ ᠲᠠᠢ ᠨᠢᠭᠡᠨ ᠭᠠᠵᠠᠷ ᠨᠤᠲᠤᠭ ᠲᠤ ᠬᠠᠮᠲᠤ ᠪᠡᠯᠴᠢᠷᠯᠡᠭᠦᠯᠦᠭᠰᠡᠨ ᠴᠤ ᠪᠣᠰᠣᠳ ᠲᠥᠷᠥᠯ ᠦᠨ ᠮᠠᠯ ᠲᠠᠢ ᠡᠪᠡᠰᠦ ᠲᠡᠵᠡᠭᠡᠯ ᠪᠤᠯᠢᠶᠠᠯᠴᠠᠯᠳᠤᠬᠤ ᠦᠭᠡᠢ᠂ ᠬᠠᠷᠢᠨ ᠪᠡᠯᠴᠢᠭᠡᠷ ᠨᠤᠲᠤᠭ ᠲᠠᠬᠢ ᠮᠣᠳᠣᠨ ᠤ ᠨᠠᠪᠴᠢ ᠮᠥᠴᠢᠷ᠂ ᠪᠤᠲᠠ᠂ ᠪᠤᠳᠠᠷᠭᠠᠨ᠎ᠠ᠂ ᠰᠢᠷᠠᠯᠵᠢ᠂ ᠬᠠᠮᠬᠤᠤᠯ᠂ ᠬᠠᠷᠭᠠᠨ᠎ᠠ᠂ ᠬᠠᠯᠭᠠᠢ ᠭᠡᠬᠦ ᠮᠡᠲᠦ ᠶᠢᠨ ᠪᠤᠰᠤᠳ ᠮᠠᠯ ᠳᠡᠮᠡᠢ ᠢᠳᠡᠵᠦ ᠠᠰᠢᠭᠯᠠᠳᠠᠭ ᠦᠭᠡᠢ ᠪᠦᠳᠦᠭᠦᠯᠢᠭ ᠪᠤᠶᠤ ᠮᠣᠳᠤᠯᠢᠭ ᠲᠥᠷᠥᠯ ᠦᠨ ᠤᠷᠭᠤᠮᠠᠯ ᠢ ᠨᠢ ᠭᠣᠯᠣᠬᠤ ᠦᠭᠡᠢ ᠢᠳᠡᠳᠡᠭ᠃ 
    ᠲᠡᠮᠡᠭᠡ ᠪᠣᠯ ᠠᠷᠠᠴᠢᠯᠠᠭ᠎ᠠ ᠮᠠᠯᠵᠢᠯᠭ᠎ᠠ ᠶᠢᠨ ᠪᠡᠯᠡ ᠣᠷᠣᠭᠤᠯᠤᠯᠲᠠ ᠳᠣᠩ ᠪᠠᠭ᠎ᠠ᠂ ᠪᠡᠯᠴᠢᠭᠡᠷ ᠡᠪᠡᠰᠦᠨ ᠳᠦ ᠭᠠᠮᠲᠠᠢ᠂ ᠨᠣᠣᠰᠤ ᠨᠣᠯᠤᠤᠷ᠂ ᠰᠦ᠋᠂ ᠮᠢᠬ᠎ᠠ ᠵᠡᠷᠭᠡ ᠣᠨᠴᠠ ᠰᠢᠯᠢᠳᠡᠭ ᠰᠠᠶᠢᠨ ᠣᠯᠠᠨ ᠵᠦᠢᠯ ᠦᠨ ᠭᠠᠷᠣᠯᠲᠠ ᠲᠠᠢ᠂ ᠮᠠᠯᠵᠢᠬᠤ ᠳᠤ ᠠᠰᠢᠭ ᠣᠯᠵᠠᠪᠤᠷᠢ ᠶᠡᠬᠡᠲᠡᠢ᠂ ᠪᠠᠶᠢᠭᠠᠯᠢ ᠣᠷᠴᠢᠨ ᠠᠬᠤᠢ ᠶᠢᠨ ᠨᠥᠬᠦᠴᠡᠯ ᠮᠠᠭᠤᠲᠠᠢ ᠭᠠᠵᠠᠷ ᠣᠷᠣᠨ ᠳᠤ ᠮᠠᠯᠵᠢᠵᠣ ᠪᠣᠯᠬᠤ ᠵᠡᠷᠭᠡ ᠣᠯᠠᠨ ᠠᠷᠪᠢᠨ ᠳᠠᠪᠠᠭᠤᠯᠢᠭ ᠲᠠᠯ᠎ᠠ ᠲᠠᠢ᠂ ᠳᠡᠯᠡᠬᠡᠢ ᠳᠦ ᠬᠣᠪᠤᠷᠬᠠᠨ ᠰᠢᠯᠢᠳᠡᠭ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠲᠡᠮᠡᠭᠡ ᠪᠣᠯᠬᠣᠷ᠂ ᠬᠣᠶᠢᠰᠢᠳᠠ ᠲᠡᠭᠦᠨ ᠦ ᠡᠳᠡᠭᠡᠷ ᠬᠣᠪᠤᠷ ᠨᠠᠨᠳᠢᠨ ᠳᠠᠪᠠᠭᠤᠯᠢᠭ ᠲᠠᠯ᠎ᠠ ᠶᠢ ᠨᠢ ᠲᠤᠬᠠᠢ ᠶᠢᠨ ᠭᠠᠵᠠᠷ ᠣᠷᠣᠨ ᠤ ᠪᠠᠨ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭ᠎ᠠ  ᠳᠠᠭᠠᠨ ᠵᠣᠬᠢᠴᠠᠭᠤᠯᠤᠨ ᠤᠯᠠᠮ ᠰᠠᠶᠢᠨ ᠢᠶᠠᠷ ᠠᠰᠢᠭᠯᠠᠬᠤ ᠶᠢ ᠠᠩᠬᠠᠷᠤᠯ ᠳᠠᠭᠠᠨ ᠠᠪᠴᠤ᠂ ᠡᠭᠦᠯᠳᠡᠷ ᠦᠨ ᠳᠣᠲᠣᠷ᠎ᠠ ᠨᠢ ᠰᠢᠯᠢᠨ ᠰᠤᠩᠭᠤᠵᠤ ᠪᠣᠶᠢᠵᠢᠭᠤᠯᠤᠨ᠂ ᠲᠡᠭᠦᠨ ᠦ ᠰᠢᠯᠢᠳᠡᠭ ᠰᠠᠶᠢᠨ ᠤᠳᠤᠮᠰᠢᠯ ᠤᠨ ᠰᠢᠨᠵᠢ ᠴᠢᠨᠠᠷ ᠢ ᠨᠢ ᠴᠡᠪᠡᠷ ᠢᠶᠡᠷ ᠨᠢ ᠬᠠᠮᠠᠭᠠᠯᠠᠨ ᠬᠠᠳᠠᠭᠠᠯᠠᠬᠤ ᠶᠢ ᠴᠢᠬᠤᠯᠴᠢᠯᠠᠵᠣ᠂ ᠶᠠᠰᠤ ᠴᠢᠨᠠᠷ ᠢ ᠨᠢ ᠤᠯᠠᠮ ᠰᠠᠶᠢᠵᠢᠷᠠᠭᠤᠯᠤᠨ ᠰᠢᠯᠢᠳᠡᠭᠵᠢᠭᠦᠯᠵᠦ ᠰᠠᠶᠢᠳᠤᠷ ᠠᠰᠢᠭᠯᠠᠪᠠᠯ ᠵᠣᠬᠢᠨ᠎ᠠ᠃