-
8492
ᠲᠠ ᠮᠢᠨᠢ ᠪᠢᠯᠡ ︵ ᠥᠪᠡᠷ ᠦᠨ ᠪᠥᠳᠥᠭᠡᠯ ︶
2015-11-21 13:10
196
0
ᠣᠨᠠᠭᠠᠨ ᠪᠠᠭᠠ ᠶᠢᠨ ᠰᠡᠳᠬᠢᠯ ᠦᠨ ᠲᠠᠮᠢᠷ ᠲᠠ ᠮᠢᠨᠢ ᠪᠢᠯᠡ
ᠣᠬᠢᠯᠠᠭᠠᠳ ᠣᠴᠢᠬᠣ ᠳᠤ ᠨᠢᠯᠪᠣᠰᠣ ᠶᠢ ᠮᠢᠨᠢ ᠠᠷᠴᠢᠳᠠᠭ ᠨᠢ ᠲᠠ ᠮᠢᠨᠢ ᠪᠢᠯᠡ
ᠣᠶᠠᠷᠠᠨ ᠭᠠᠩᠰᠠᠷᠠᠬᠣ ᠳᠤ ᠣᠭᠳᠣᠨ ᠠᠷᠭᠠᠳᠠᠳᠠᠭ ᠨᠢ ᠲᠠ ᠮᠢᠨᠢ ᠪᠢᠯᠡ
ᠣᠶᠢᠴᠢᠵᠦ ᠣᠨᠠᠬᠣ ᠳᠤ ᠳᠥᠰᠢᠭᠡᠳ ᠠᠪᠣᠳᠠᠭ ᠨᠢ ᠲᠠ ᠮᠢᠨᠢ ᠪᠢᠯᠡ
ᠡᠵᠢ ᠮᠢᠨᠢ
ᠦᠭᠡ ᠨᠢ ᠬᠠᠳᠠᠭᠣ ᠴᠦ ᠰᠡᠳᠬᠢᠯ ᠨᠢ ᠵᠥᠭᠡᠯᠡᠨ ᠲᠠ ᠮᠢᠨᠢ ᠪᠢᠯᠡ
ᠦᠳᠡᠨ ᠮᠣᠷᠳᠠᠭᠣᠯᠬᠣ ᠳᠤ ᠨᠢᠭᠣᠴᠠᠬᠠᠨ ᠭᠣᠨᠢᠳᠠᠭ ᠨᠢ ᠲᠠ ᠮᠢᠨᠢ ᠪᠢᠯᠡ
ᠥᠷᠥᠭᠡᠯ ᠪᠣᠰᠣᠳ ᠠᠴᠠ ᠬᠠᠷᠠᠮᠨᠠᠨ ᠬᠠᠶᠢᠷᠠᠯᠠᠳᠠᠭ ᠨᠢ ᠲᠠ ᠮᠢᠨᠢ ᠪᠢᠯᠡ
ᠥᠭᠡᠳᠡ ᠲᠠᠢ ᠶᠠᠪᠣᠬᠣ ᠳᠤ ᠮᠠᠩᠨᠠᠢ ᠲᠡᠨᠢᠳᠡᠭ ᠨᠢ ᠲᠠ ᠮᠢᠨᠢ ᠪᠢᠯᠡ
ᠠᠪᠤ ᠮᠢᠨᠢ
ᠡᠵᠢ ᠶᠢᠨ ᠮᠢᠨᠢ ᠡᠵᠢ ᠡᠨᠡᠷᠢᠯ ᠦᠨ ᠲᠡᠭᠷᠢ ᠲᠠ ᠮᠢᠨᠢ ᠪᠢᠯᠡ
ᠡᠨᠡᠬᠡᠨ ᠬᠣᠷᠸᠠ ᠶᠢᠨ ᠡᠨᠡᠷᠢᠯ ᠦᠨ ᠳᠡᠬᠢᠨᠢ ᠲᠠ ᠮᠢᠨᠢ ᠪᠢᠯᠡ
ᠡᠷᠢᠶᠡᠨ ᠬᠣᠷᠸᠠ ᠳᠦ ᠠᠮᠢᠳᠣ ᠪᠣᠷᠬᠠᠨ ᠨᠢ ᠲᠠ ᠮᠢᠨᠢ ᠪᠢᠯᠡ
ᠡᠭᠡᠯ ᠪᠣᠷᠣᠭᠵᠢᠭᠣᠨ ᠬᠠᠶᠢᠷᠠ ᠶᠢᠨ ᠨᠠᠷᠠᠨ ᠲᠠ ᠮᠢᠨᠢ ᠪᠢᠯᠡ
ᠡᠮᠡᠭᠡ ᠮᠢᠨᠢ
ᠠᠳᠠᠯ ᠠᠮᠢᠳᠣᠷᠠᠯ ᠤᠨ ᠮᠢᠨᠢ ᠬᠣᠭᠣᠷᠠᠰᠢ ᠦᠭᠡᠢ ᠪᠠᠭᠠᠨᠠ ᠨᠢ ᠲᠠ ᠮᠢᠨᠢ ᠪᠢᠯᠡ
ᠠᠷᠣᠭᠰᠢ ᠣᠬᠣᠷᠢᠳᠠᠭ ᠦᠭᠡᠢ ᠡᠬᠦᠷᠢᠳᠡ ᠶᠢᠨ ᠳᠡᠪᠴᠢᠶᠡᠷᠢ ᠲᠠ ᠮᠢᠨᠢ ᠪᠢᠯᠡ
ᠠᠯᠠᠭ ᠦᠷᠡ ᠶᠢᠨ ᠢᠶᠡᠨ ᠠᠮᠢᠨ ᠡᠷᠳᠡᠨᠢ ᠨᠢ ᠲᠠ ᠮᠢᠨᠢ ᠪᠢᠯᠡ
ᠠᠷᠣ ᠭᠡᠷ ᠦᠨ ᠮᠢᠨᠢ ᠥᠨᠢᠳᠡ ᠶᠢᠨ ᠳᠥᠰᠢᠭ ᠲᠠ ᠮᠢᠨᠢ ᠪᠢᠯᠡ
ᠨᠠᠭᠠᠴᠣ ᠮᠢᠨᠢ
ᠬᠠᠮᠣᠭ ᠤᠨ ᠬᠠᠶᠢᠷᠠᠳᠣ ᠭᠡᠷ ᠦᠨ ᠬᠦᠮᠥᠰ ᠲᠦ ᠪᠡᠨ ᠵᠣᠷᠢᠭᠣᠯᠪᠠ ᠃
2015ᠣᠨ ᠣ 11 ᠰᠠᠷᠠ ᠶᠢᠨ 21
