ᠲᠠᠯ᠎ᠠ ᠶᠢᠨ ᠲᠠᠪᠤᠨ ᠡᠷᠳᠡᠨᠢ —   
       ᠮᠣᠩᠭᠣᠯ ᠦᠬᠡᠷ  
              — ᠳᠣᠯᠣᠳ• ᠨᠠᠮᠵᠢᠯ  
  
   ᠮᠣᠩᠭᠣᠯ ᠦᠬᠡᠷ᠂ ᠦᠬᠡᠷ ᠦᠨ ᠡᠭᠦᠯᠳᠡᠷ ᠦᠨ ᠠᠩᠭᠢᠯᠠᠯ ᠳᠤ᠂ ᠮᠢᠬ᠎ᠠ᠂ ᠰᠦ᠋᠂ ᠬᠥᠯᠥᠰᠢ ᠵᠡᠷᠭᠡ ᠣᠯᠠᠨ ᠵᠦᠢᠯ ᠦᠨ ᠶᠡᠷᠥᠩᠬᠡᠶᠢᠯᠡᠭᠰᠡᠨ ᠡᠳ᠋ᠯᠡᠯ ᠬᠡᠷᠡᠭᠯᠡᠭᠡᠲᠦ ᠂ ᠡᠷᠲᠡᠨ ᠦ ᠡᠭᠦᠯᠳᠡᠷ ᠤᠨ ᠬᠡᠪᠴᠢᠶᠡᠨ ᠳᠤ ᠬᠠᠷᠢᠶᠠᠯᠠᠭᠳᠠᠨ᠎ᠠ᠃  
   ᠮᠣᠩᠭᠣᠯ ᠦᠬᠡᠷ ᠪᠣᠯ ᠂ ᠮᠣᠩᠭᠣᠯ ᠤᠨ ᠦᠨᠳᠦᠷᠯᠢᠭ ᠦᠨ ᠣᠷᠴᠢᠨ ᠳᠠᠬᠢ ᠥᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠨᠤᠲᠤᠭ ᠤᠨ ᠠᠳᠠᠯᠢ ᠦᠭᠡᠢ ᠪᠠᠶᠢᠭᠠᠯᠢ ᠶᠢᠨ ᠨᠥᠭᠥᠴᠡᠯ ᠪᠠᠶᠢᠳᠠᠯ ᠪᠣᠯᠣᠨ ᠡᠷᠡᠰ ᠲᠠᠰ ᠬᠤᠪᠢᠷᠢᠯᠲᠠ ᠶᠡᠬᠡ ᠠᠭᠤᠷ ᠠᠮᠢᠰᠬᠤᠯ ᠲᠠᠢ ᠣᠷᠴᠢᠨ ᠠᠬᠤᠢ ᠳᠤ᠂ ᠮᠣᠩᠭᠣᠯᠴᠤᠳ ᠤᠷᠲᠤ ᠤᠳᠠᠭᠠᠨ ᠲᠡᠦᠬᠡᠨ ᠬᠤᠭᠤᠴᠠᠭᠠᠨ ᠳᠤ᠂ ᠵᠢᠯ ᠲᠤᠷᠰᠢᠬᠢ ᠪᠡᠯᠴᠢᠭᠡᠷ ᠦᠨ ᠮᠠᠯᠵᠢᠯᠭ᠎ᠠ ᠪᠠᠷ ᠰᠢᠯᠢᠨ ᠪᠣᠶᠢᠵᠢᠭᠤᠯᠤᠭᠰᠠᠨ ᠮᠢᠬ᠎ᠠ᠂ ᠰᠦ᠋᠂ ᠬᠥᠯᠥᠰᠢ ᠵᠡᠷᠭᠡ ᠣᠯᠠᠨ ᠵᠦᠢᠯ ᠦᠨ ᠡᠳ᠋ᠯᠡᠯ ᠬᠡᠷᠡᠭᠯᠡᠭᠡ ᠶᠢ ᠶᠡᠷᠥᠩᠬᠡᠶᠢᠯᠡᠨ ᠤᠶᠠᠯᠳᠤᠭᠤᠯᠤᠭᠰᠠᠨ᠂ ᠡᠷᠲᠡᠨ ᠦ ᠡᠭᠦᠯᠳᠡᠷ ᠦᠨ ᠦᠬᠡᠷ ᠶᠤᠮ᠃  
   ᠮᠣᠩᠭᠣᠯ ᠦᠬᠡᠷ ᠤᠨ ᠲᠠᠷᠬᠠᠴᠠ ᠨᠢ ᠶᠡᠬᠡ ᠥᠷᠭᠡᠨ ᠪᠥᠭᠡᠳ ᠲᠣᠭ᠎ᠠ ᠲᠣᠯᠣᠭᠠᠢ ᠨᠢ ᠮᠠᠰᠢ ᠠᠷᠪᠢᠨ ᠪᠠᠶᠢᠳᠠᠭ᠃ ᠮᠠᠨ ᠤ ᠤᠯᠤᠰ ᠲᠤ ᠮᠠᠯᠵᠢᠵᠣ ᠪᠠᠶᠢᠬᠤ᠂ 300 ᠭᠠᠷᠣᠢ ᠲᠦᠮᠡᠨ ᠮᠣᠩᠭᠣᠯ ᠦᠬᠡᠷ  ᠤᠨ ᠬᠠᠭᠠᠰ ᠢᠯᠡᠭᠦᠦ ᠨᠢ ᠥᠪᠥᠷ ᠮᠣᠩᠭᠣᠯ ᠳᠤ ᠮᠠᠯᠵᠢᠭᠳᠠᠵᠤ ᠪᠠᠶᠢᠬᠤ ᠠᠴᠠ ᠭᠠᠳᠠᠨ᠎ᠠ᠂ ᠰᠢᠨᠵᠢᠶᠠᠩ᠂ ᠬᠦᠬᠡᠨᠠᠭᠤᠷ᠂ ᠭᠠᠨᠰᠤ᠂ ᠨᠢᠩᠰᠢᠶᠠ᠂ ᠱᠠᠨᠰᠢ᠂ ᠱᠠᠨ ᠰᠢ᠂ ᠾᠸᠪᠸᠢ᠂ ᠱᠠᠨᠳᠦ᠋ᠩ᠂ ᠯᠢᠶᠣᠤᠨᠢᠩ᠂ ᠭᠢᠷᠢᠨ᠂ ᠬᠠᠷᠠᠮᠥ᠋ᠷᠡᠨ ᠵᠡᠷᠭᠡ ᠮᠤᠵᠢ ᠣᠷᠣᠨ ᠳᠤ ᠠᠳᠠᠯᠢ ᠪᠤᠰᠤ ᠲᠣᠭ᠎ᠠ  ᠪᠡᠷ ᠮᠠᠯᠵᠢᠵᠣ ᠪᠠᠶᠢᠨ᠎ᠠ᠃ ᠤᠯᠤᠰ ᠤᠨ ᠭᠠᠳᠠᠭᠠᠳᠣ ᠳᠤ᠂ ᠮᠣᠩᠭᠣᠯ ᠤᠯᠤᠰ ᠲᠤ ᠣᠯᠠᠨ ᠲᠣᠭ᠎ᠠ ᠪᠠᠷ ᠮᠠᠯᠵᠢᠵᠣ ᠪᠠᠶᠢᠨ᠎ᠠ᠂ ᠡᠭᠦᠨᠴᠡ ᠭᠠᠳᠠᠨ᠎ᠠ᠂ ᠪᠤᠷᠢᠶᠠᠳ᠂ ᠬᠠᠯᠢᠮᠠᠭ᠂ ᠠᠯᠲᠠᠢ᠂ ᠲᠤᠸᠠ᠂ ᠬᠠᠰᠠᠭ᠂ ᠭᠢᠷᠭᠢᠰ ᠵᠡᠷᠭᠡ ᠭᠠᠵᠠᠷ ᠣᠷᠣᠨ ᠨᠤᠭᠤᠳ ᠲᠤ ᠪᠠᠰᠠ ᠠᠳᠠᠯᠢ ᠪᠤᠰᠤ ᠲᠣᠭ᠎ᠠ ᠪᠡᠷ ᠮᠠᠯᠵᠢᠵᠣ ᠪᠣᠢ᠃ ᠮᠣᠩᠭᠣᠯ ᠦᠬᠡᠷ ᠤᠨ ᠲᠠᠷᠬᠠᠴᠠ ᠶᠡᠬᠡ ᠥᠷᠭᠡᠨ ᠪᠣᠯᠬᠣᠷ᠂ ᠡᠯ᠎ᠡ ᠭᠠᠵᠠᠷ ᠣᠷᠣᠨ ᠳᠤ ᠮᠠᠰᠢ ᠠᠷᠪᠢᠨ ᠥᠪᠡᠷᠮᠢᠴᠡ ᠰᠢᠨᠵᠢ ᠣᠨᠴᠠᠯᠢᠭ ᠪᠥᠬᠦᠶ ᠭᠠᠵᠠᠷ ᠣᠷᠣᠨ ᠤ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠨᠤᠭᠦᠳ ᠪᠣᠢ ᠪᠣᠯᠣᠭᠰᠠᠨ ᠪᠠᠶᠢᠳᠠᠭ᠂ ᠤᠯᠤᠰ ᠤᠨ ᠳᠣᠲᠣᠭᠠᠳᠣᠬᠢ ᠡᠭᠦᠯᠳᠡᠷ ᠢᠶᠡᠷ ᠵᠢᠱᠢᠶᠡᠯᠡᠬᠦ ᠳᠦ᠂ ᠦᠵᠦᠮᠦᠴᠢᠨ ᠦᠬᠡᠷ᠂ ᠵᠢᠭᠠᠰᠣᠲᠠᠢ ᠦᠬᠡᠷ᠂ ᠪᠠᠷᠭᠤ ᠦᠬᠡᠷ᠂ ᠭᠠᠨᠰᠤ ᠮᠤᠵᠢ ᠶᠢᠨ ᠠᠨ ᠰᠢ ᠦᠬᠡᠷ ᠭᠡᠬᠦ ᠮᠡᠲᠤ᠃ ᠮᠠᠨ ᠤ ᠤᠯᠤᠰ ᠤᠨ ᠡᠯ᠎ᠡ ᠭᠠᠵᠠᠷ ᠤᠳ ᠲᠤ᠂ ᠭᠤᠷᠪᠠᠨ ᠭᠣᠣᠯ ᠤᠨ ᠦᠬᠡᠷ᠂ ᠲᠠᠯ᠎ᠠ ᠨᠤᠲᠤᠭ ᠤᠨ ᠤᠯᠠᠭᠠᠨ ᠦᠬᠡᠷ᠂ ᠬᠣᠷᠴᠢᠨ ᠦᠬᠡᠷ ᠵᠡᠷᠭᠡ ᠣᠯᠠᠨ ᠠᠷᠪᠢᠨ ᠰᠢᠨ᠎ᠡ ᠡᠭᠦᠯᠳᠡᠷ ᠢ ᠪᠣᠶᠢᠵᠢᠭᠤᠯᠬᠤ ᠳᠤ᠂ ᠮᠣᠩᠭᠣᠯ ᠦᠬᠡᠷ ᠢ ᠡᠬᠡ ᠤᠳᠤᠮ ᠢᠶᠠᠷ ᠬᠡᠷᠡᠭᠯᠡᠭᠰᠡᠨ ᠶᠤᠮ᠃   
   ᠪᠡᠶ᠎ᠡ ᠪᠢᠯᠳᠠᠷ᠂ ᠰᠢᠨᠵᠢ ᠪᠠᠶᠢᠳᠠᠯ᠄ ᠪᠡᠶ᠎ᠡ ᠴᠣᠭᠴᠠ ᠴᠢᠭᠢᠷᠠᠭ᠂ ᠪᠡᠶ᠎ᠡ ᠶᠢᠨ ᠶᠡᠬᠡ ᠪᠠᠭ᠎ᠠ ᠨᠢ ᠮᠠᠯᠵᠢᠭᠳᠠᠵᠣ ᠪᠠᠶᠢᠭ᠎ᠠ ᠭᠠᠵᠠᠷ ᠣᠷᠣᠨ ᠤ ᠣᠷᠴᠢᠨ ᠠᠬᠤᠢ ᠶᠢᠨ ᠨᠥᠬᠥᠴᠡᠯ ᠪᠠᠶᠢᠳᠠᠯ ᠤᠨ ᠠᠳᠠᠯᠢ ᠦᠭᠡᠢ ᠠᠴᠠ ᠰᠢᠯᠲᠠᠭᠠᠯᠠᠨ ᠬᠣᠭᠣᠷᠣᠨᠳᠣ ᠪᠠᠨ ᠶᠡᠬᠡ ᠵᠥᠷᠢᠶ᠎ᠡ ᠲᠠᠢ ᠪᠣᠯᠣᠭᠰᠠᠨ ᠪᠠᠶᠢᠳᠠᠭ᠃    ᠶᠡᠬᠡᠩᠬᠢ ᠨᠢ᠂ ᠪᠡᠶ᠎ᠡ ᠪᠡᠷ ᠳᠤᠮᠳᠠ ᠵᠡᠷᠭᠡ᠂ ᠲᠣᠯᠣᠭᠠᠢ ᠶᠢᠨ ᠶᠡᠬᠡ ᠪᠠᠭ᠎ᠠ ᠨᠢ ᠲᠡᠩᠴᠡᠭᠦᠨ᠂     ᠂      ᠵᠢᠭᠠᠬᠠᠨ  ᠰᠢᠭ᠋᠂ ᠣᠯᠠᠩᠬᠢ ᠨᠢ ᠬᠣᠶᠠᠷ ᠡᠪᠡᠷ ᠨᠢ ᠡᠮᠥᠨᠡᠰᠢ ᠪᠡᠨ ᠰᠢᠭ ᠪᠤᠶᠤ ᠳᠣᠲᠣᠭᠰᠢ ᠪᠠᠨ ᠬᠣᠮᠣᠶᠢᠭᠰᠠᠨ ᠬᠣᠮᠪᠣᠩ ᠡᠪᠡᠷ ᠲᠠᠢ ᠂ ᠬᠦᠵᠦᠭᠦᠨ ᠦ ᠤᠷᠲᠤ ᠣᠬᠣᠷ ᠨᠢ ᠲᠡᠩᠴᠡᠭᠦᠨ ᠪᠥᠭᠡᠳ ᠬᠦᠵᠦᠭᠦᠨ ᠳᠡᠬᠡᠨ ᠲᠣᠬᠢᠷᠠᠭᠰᠠᠨ ᠲᠡᠩᠴᠡᠭᠦᠬᠡᠨ ᠤᠮᠤᠷᠤᠤ ᠲᠠᠢ᠂ ᠰᠡᠭᠡᠷ ᠦᠨ ᠬᠡᠰᠡᠭ ᠨᠢ ᠪᠠᠭ᠎ᠠ ᠵᠡᠷᠭᠡ ᠨᠠᠮᠬᠠᠨ ᠰᠢᠭ᠋᠂     ᠲᠡᠨᠢᠭᠦᠨ  ᠬᠠᠪᠢᠷᠭᠠᠨ ᠮᠠᠲᠠᠭᠠᠰᠤ ᠨᠢ ᠶᠡᠬᠡ᠂       ᠣᠬᠣᠷᠪᠲᠣᠷ ᠰᠢᠭ᠋ ᠪᠥᠭᠡᠳ       ᠨᠡᠯᠢᠶᠡᠳ ᠶᠡᠬᠡ      ᠂ ᠳᠥᠷᠪᠡᠨ ᠬᠥᠯ  ᠪᠣᠭᠤᠨᠢᠪᠲᠣᠷ             ᠬᠠᠲᠠᠭᠤ      
   ᠪᠡᠶ᠎ᠡ ᠶᠢᠨ ᠬᠡᠮᠵᠢᠭᠳᠡᠯ᠄ ᠪᠤᠬᠠᠨ  ᠤ ᠪᠡᠶ᠎ᠡ ᠶᠢᠨ ᠥᠨᠳᠥᠷ︵ᠰᠡᠭᠡᠷ ᠦᠨ ᠬᠡᠰᠡᠭ ᠦᠨ ᠥᠨᠳᠥᠷ︶ᠳᠤᠮᠳᠠᠴᠢ ᠪᠠᠷ 120.9 ᠰᠡᠨᠲ᠋ᠢᠮᠧᠲ᠋ᠷ᠂ ᠪᠡᠶ᠎ᠡ ᠶᠢᠨ ᠲᠠᠰᠢᠭᠤ ᠤᠷᠲᠤ ᠳᠤᠮᠳᠠᠴᠢ ᠪᠠᠷ 137.7 ᠰᠡᠨᠲ᠋ᠢᠮᠧᠲ᠋ᠷ᠂ ᠴᠡᠭᠡᠵᠢᠨ ᠪᠦᠰᠡᠯᠡᠭᠦᠷ ᠳᠤᠮᠳᠠᠴᠢ ᠪᠠᠷ 169.5 ᠰᠡᠨᠲ᠋ᠢᠮᠧᠲ᠋ᠷ᠂ ᠠᠮᠢᠳᠤ ᠶᠢᠨ ᠵᠢᠩ 345︱ 386 ᠺᠢᠯᠤᠭ᠍ᠷᠠᠮ︔ ᠦᠨᠢᠶᠡᠨ ᠦ ᠪᠡᠶ᠎ᠡ ᠶᠢᠨ ᠥᠨᠳᠥᠷ︵ᠰᠡᠭᠡᠷ ᠦᠨ ᠬᠡᠰᠡᠭ ᠦᠨ ᠥᠨᠳᠥᠷ︶ᠳᠤᠮᠳᠠᠴᠢ ᠪᠠᠷ 110.8 ᠰᠡᠨᠲ᠋ᠢᠮᠧᠲ᠋ᠷ᠂ ᠪᠡᠶ᠎ᠡ ᠶᠢᠨ ᠲᠠᠰᠢᠭᠤ ᠤᠷᠲᠤ ᠳᠤᠮᠳᠠᠴᠢ ᠪᠠᠷ 127.7 ᠰᠡᠨᠲ᠋ᠢᠮᠧᠲ᠋ᠷ᠂ ᠴᠡᠭᠡᠵᠢᠨ ᠪᠦᠰᠡᠯᠡᠭᠦᠷ ᠳᠤᠮᠳᠠᠴᠢ ᠪᠠᠷ 154.3 ᠰᠡᠨᠲ᠋ᠢᠮᠧᠲ᠋ᠷ᠂ ᠠᠮᠢᠳᠤ ᠶᠢᠨ ᠵᠢᠩ 273︱337 ᠺᠢᠯᠤᠭ᠍ᠷᠠᠮ᠃  
   ᠵᠢᠰᠦ ᠨᠢ᠄ ᠤᠯᠠᠭᠠᠨ᠂ ᠬᠠᠷ᠎ᠠ᠂ ᠬᠦᠷᠡᠩ᠂ ᠬᠤᠸᠠ᠂ ᠬᠥᠬᠡ ᠵᠡᠷᠭᠡ ᠵᠢᠰᠦᠮ ᠲᠠᠢ ᠨᠢ ᠣᠯᠠᠩᠬᠢ ᠲᠣᠭ᠎ᠠ ᠶᠢ ᠡᠵᠡᠯᠡᠬᠦ ᠠᠴᠠ ᠭᠠᠳᠠᠨ᠎ᠠ᠂ ᠴᠥᠭᠡᠨ ᠲᠣᠭᠠᠨ ᠤ ᠬᠢᠨᠢ ᠪᠠᠰᠠ ᠠᠯᠠᠭ᠂ ᠲᠠᠷᠠᠯᠠᠨ ᠪᠤᠶᠤ ᠪᠤᠰᠤᠳ ᠵᠢᠰᠦᠮ ᠲᠠᠢ ᠪᠠᠶᠢᠳᠠᠭ᠃  
   ᠮᠢᠬᠠᠨ ᠭᠠᠷᠣᠯᠲᠠ᠄    ᠮᠢᠬᠠᠨ ᠭᠠᠷᠴᠠ ᠶᠢᠨ ᠬᠡᠮᠵᠢᠶ᠎ᠡ ᠨᠢ ᠲᠡᠭᠦᠨ ᠦ ᠲᠠᠷᠭᠤ ᠬᠦᠴᠦ ᠶᠢᠨ ᠪᠠᠶᠢᠳᠠᠯ ᠲᠠᠢ ᠨᠢᠭᠲᠠ ᠬᠣᠯᠪᠣᠭ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠰᠣᠶᠣᠭᠠᠯᠠᠩ ᠠᠴᠠ ᠳᠡᠭᠡᠭᠰᠢᠬᠢ ᠨᠠᠰᠤᠨ ᠤ ᠳᠤᠮᠳᠠ ᠡᠴᠡ ᠳᠡᠭᠡᠭᠦᠷ ᠰᠢᠭ ᠲᠠᠷᠭᠤ ᠲᠠᠢ ᠬᠡᠳᠦᠨ ᠱᠠᠷ ᠤᠨ ᠮᠢᠬᠠᠨ ᠭᠠᠷᠴᠠ  ᠶᠢ ᠨᠢ ᠬᠡᠮᠵᠢᠬᠦ ᠪᠡᠷ ᠬᠢᠭᠰᠡᠨ ᠨᠢᠭᠡᠨ ᠤᠳᠠᠭᠠᠨ ᠤ ᠨᠢᠲᠤᠯᠭ᠎ᠠ ᠶᠢᠨ ᠬᠡᠮᠵᠢᠯᠲᠡ ᠶᠢᠨ ᠮᠠᠲᠸᠷᠢᠶᠠᠯ ᠢ ᠦᠨᠳᠦᠰᠦᠯᠡᠪᠡᠯ᠂ ᠨᠢᠲᠤᠯᠬᠤ ᠠᠴᠠ ᠡᠮᠥᠨᠡᠬᠢ ᠠᠮᠢᠳᠣ ᠶᠢᠨ ᠵᠢᠩ ᠨᠢ ᠳᠤᠮᠳᠠᠴᠢ ᠪᠠᠷ 462 ᠺᠢᠯᠤᠭ᠍ᠷᠠᠮ᠂ ᠭᠦᠯᠦᠦᠰᠡ ᠶᠢᠨ ᠵᠢᠩ ᠨᠢ 243 ᠺᠢᠯᠤᠭ᠍ᠷᠠᠮ᠂ ᠨᠢᠲᠤᠯᠭ᠎ᠠ ᠶᠢᠨ ᠭᠠᠷᠴᠠ ᠨᠢ᠂ ᠳᠤᠮᠳᠠᠴᠢ ᠪᠠᠷ 56.9 % ᠪᠠᠶᠢᠯ᠎ᠠ ︔ ᠪᠠᠰᠠ ᠨᠢᠭᠡᠨ ᠤᠳᠠᠭᠠᠨ ᠤ ᠬᠡᠮᠵᠢᠯᠲᠡ ᠳᠦ᠂ ᠳᠤᠮᠳᠠ ᠵᠡᠷᠭᠡ ᠶᠢᠨ ᠲᠠᠷᠭᠤ ᠲᠠᠢ 11 ᠱᠠᠷ ᠤᠨ ᠨᠢᠲᠤᠯᠬᠤ ᠠᠴᠠ ᠡᠮᠥᠨᠡᠬᠢ ᠠᠮᠢᠳᠣ ᠶᠢᠨ ᠵᠢᠩ ᠨᠢ ᠳᠤᠮᠳᠠᠴᠢ ᠪᠠᠷ 376.91 ᠺᠢᠯᠤᠭ᠍ᠷᠠᠮ᠂ ᠭᠦᠯᠦᠦᠰᠡ ᠶᠢᠨ ᠵᠢᠩ ᠨᠢ 199.91 ᠺᠢᠯᠤᠭ᠍ᠷᠠᠮ᠂ ᠨᠢᠲᠤᠯᠭ᠎ᠠ ᠶᠢᠨ ᠭᠠᠷᠴᠠ 53.04 %︵47.5︱56.38 %︶᠂ ᠴᠤᠯ ᠮᠢᠬᠠᠨ ᠤ ᠨᠣᠷᠮ᠎ᠠ 44.56 %︵39.3︱48.19 %︶ ᠪᠠᠶᠢᠪᠠ᠃   
      ᠠᠷᠠᠰᠤ ᠨᠢ᠂ ᠬᠥᠷᠥᠰᠥ ᠰᠠᠶᠢᠲᠠᠢ ᠪᠥᠭᠡᠳ ᠵᠤᠵᠠᠭᠠᠨ᠂ ᠪᠥᠬᠡᠯᠢᠭ ᠪᠣᠯᠬᠣᠷ ᠡᠯᠳᠡᠪ ᠵᠦᠢᠯ ᠦᠨ ᠪᠤᠯᠢᠭᠠᠷᠢ ᠵᠡᠷᠭᠡ ᠠᠷᠠᠰᠤ ᠰᠢᠷᠢ ᠶᠢᠨ ᠡᠳ᠋ᠯᠡᠯ ᠬᠢᠵᠦ ᠪᠣᠯᠪᠠᠰᠤᠷᠠᠭᠤᠯᠬᠤ ᠪᠤᠶᠤ ᠰᠤᠷ ᠡᠳ᠋ᠯᠡᠯ ᠬᠢᠬᠦ ᠳᠦ ᠣᠬᠢ ᠰᠠᠶᠢᠨ ᠲᠦᠭᠦᠬᠡᠢ ᠮᠠᠲᠸᠷᠢᠶᠠᠯ ᠢᠶᠡᠷ ᠬᠡᠷᠡᠭᠯᠡᠭᠳᠡᠳᠡᠭ ᠃  
   ᠰᠦᠨ ᠭᠠᠷᠣᠯᠲᠠ᠄ ᠮᠣᠩᠭᠣᠯ ᠦᠨᠢᠶ᠎ᠡ ᠶᠢ ᠵᠢᠯ  ᠳᠦ᠂ ᠰᠦ᠋ ᠰᠠᠭᠠᠯᠢ ᠰᠠᠭᠠᠵᠣ ᠠᠰᠢᠭᠯᠠᠬᠣ ᠬᠤᠭᠤᠴᠠᠭ᠎ᠠ ᠨᠢ᠂  ᠶᠡᠬᠡᠩᠬᠢ ᠭᠠᠵᠠᠷ ᠣᠷᠣᠨ ᠳᠤ᠂ 5 ᠳ᠋ᠤᠭᠠᠷ ᠰᠠᠷ᠎ᠠ  ᠠᠴᠠ 9 ᠳ᠋ᠦ᠋ᠭᠡᠷ ᠰᠠᠷ᠎ᠠ ᠶᠢᠨ ᠳᠤᠮᠳᠠᠴᠢ ᠬᠦᠷᠲᠡᠯ᠎ᠡ ᠶᠡᠬᠡ ᠲᠥᠯᠥᠪ ᠳᠡᠬᠡᠨ ᠂ 120 ᠡᠳᠦᠷ ᠠᠴᠠ ᠳᠡᠭᠡᠭᠰᠢ ᠪᠠᠶᠢᠳᠠᠭ᠃ ᠰᠢᠯᠢ ᠶᠢᠨ ᠭᠣᠣᠯ ᠠᠶᠢᠮᠠᠭ ᠲᠤ ᠬᠢᠭᠰᠡᠨ ᠦᠨᠢᠶᠡᠨ ᠰᠦᠨ ᠭᠠᠷᠴᠠ ᠶᠢᠨ ᠬᠡᠮᠵᠢᠯᠲᠡ ᠶᠢ ᠦᠨᠳᠦᠰᠦᠯᠡᠪᠡᠯ᠂ ᠰᠠᠭᠠᠮᠠᠰᠢᠭᠰᠠᠨ ᠦᠨᠢᠶ᠎ᠡ ᠶᠢ ᠡᠳᠦᠷ ᠲᠦ ᠥᠷᠯᠥᠭᠡ ᠣᠷᠣᠢ ᠬᠣᠶᠠᠷ ᠤᠳᠠᠭ᠎ᠠ᠂ ᠲᠤᠭᠤᠯ  ᠢᠶᠠᠷ ᠬᠥᠬᠦᠭᠦᠯᠥᠨ ᠢᠪᠡᠯᠭᠡᠵᠦ ᠰᠠᠭᠠᠬᠤ ᠳᠤ ᠣᠯᠠᠩᠬᠢ ᠦᠨᠢᠶᠡᠨ ᠦ ᠡᠳᠦᠷ ᠦᠨ ᠰᠦᠨ ᠭᠠᠷᠴᠠ ᠨᠢ 5 ᠺᠢᠯᠤᠭ᠍ᠷᠠᠮ ᠣᠷᠴᠢᠮ ᠪᠠᠶᠢᠵᠣ᠂ ᠬᠠᠮᠣᠭ ᠶᠡᠬᠡ ᠨᠢ ᠡᠳᠦᠷ ᠲᠦ 8 ᠺᠢᠯᠤᠭ᠍ᠷᠠᠮ ᠡᠴᠡ ᠳᠡᠭᠡᠭᠰᠢ ᠭᠠᠷᠴᠣ ᠪᠠᠶᠢᠵᠠᠢ᠃ ᠰᠦ᠋ ᠨᠢ ᠥᠳᠭᠡᠨ᠂ ᠰᠦᠨ ᠦ ᠲᠣᠰᠣᠯᠢᠭ ᠤᠨ ᠬᠡᠮᠵᠢᠶ᠎ᠡ ᠨᠢ᠂ 3︱6 % ᠪᠠᠶᠢᠵᠣ᠂ ᠣᠨᠴᠠᠭᠠᠢ ᠵᠠᠷᠢᠮ ᠨᠢ 9 % ᠬᠦᠷᠥᠭᠰᠡᠨ ᠲᠡᠮᠳᠡᠭᠯᠡᠯ ᠪᠠᠰᠠ ᠪᠣᠢ᠃  
   ᠬᠥᠯᠥᠰᠢᠨ ᠬᠡᠷᠡᠭᠯᠡᠭᠡ᠄     ᠨᠢ ᠬᠡᠳᠦᠶᠢᠪᠡᠷ ᠲᠣᠮᠣ ᠪᠤᠰᠤ ᠪᠣᠯᠪᠠᠴᠣ᠂ ᠲᠡᠭᠡᠭᠡᠪᠦᠷᠢ ᠲᠡᠭᠡᠭᠡᠰᠢ ᠲᠠᠲᠠᠬᠤ ᠪᠠ ᠠᠨᠵᠢᠰᠤ ᠴᠢᠷᠥᠵᠦ ᠭᠠᠵᠠᠷ ᠬᠠᠭᠠᠯᠪᠤᠷᠢᠯᠠᠬᠤ ᠳᠤ᠂ ᠴᠢᠳᠠᠯ ᠬᠦᠴᠦ ᠨᠢ ᠶᠡᠬᠡ ᠪᠥᠭᠡᠳ ᠤᠳᠠᠭᠠᠨ ᠳᠠᠭᠠᠭᠠᠮᠠᠭᠠᠢ ᠳᠠᠭᠠᠭᠠᠴᠠ ᠰᠠᠶᠢᠲᠠᠢ ᠪᠠᠶᠢᠳᠠᠭ᠃ ᠰᠣᠶᠣᠭᠠᠯᠠᠩ ᠠᠴᠠ ᠳᠡᠭᠡᠭᠰᠢ ᠨᠠᠰᠤᠨ ᠤ ᠠᠷᠠᠯ ᠤᠨ ᠱᠠᠷ ᠢ 400 ᠺᠢᠯᠤᠭ᠍ᠷᠠᠮ ᠣᠷᠴᠢᠮ ᠲᠡᠭᠡᠭᠡᠰᠢ ᠲᠠᠢ ᠬᠣᠶᠠᠷ ᠬᠦᠷᠳᠦᠲᠦ ᠮᠣᠳᠣᠨ ᠲᠡᠷᠭᠡᠨ︵ᠵᠢᠷᠣᠭᠠᠴᠢᠨ ᠲᠡᠷᠭᠡ︶ ᠳᠦ ᠬᠥᠯᠥᠭᠡᠳ ᠡᠳᠦᠷ ᠲᠦ 20︱30 ᠺᠢᠯᠣᠮᠧᠲ᠋ᠷ ᠠᠶᠠᠯᠠᠵᠣ᠂ ᠣᠷᠣᠢ ᠳᠠᠭᠠᠨ ᠪᠡᠯᠴᠢᠭᠡᠨ ᠢᠳᠡᠰᠢᠯᠡᠭᠦᠯᠵᠦ︵ᠶᠠᠮᠠᠷᠴᠣ ᠨᠥᠬᠦᠪᠦᠷᠢ ᠲᠡᠵᠡᠭᠡᠯ ᠪᠣᠷᠳᠣᠭ᠎ᠠ ᠥᠭᠬᠦ ᠦᠭᠡᠢ︶᠂ 30︱40 ᠡᠳᠦᠷ ᠦᠷᠭᠦᠯᠵᠢᠯᠡᠨ ᠠᠶᠠᠯᠠᠬᠤ ᠳᠤ ᠠᠵᠢᠭ ᠴᠤ ᠦᠭᠡᠢ ᠶᠠᠪᠤᠵᠣ ᠯᠠ ᠪᠠᠶᠢᠳᠠᠭ᠃   
    ᠂ ᠬᠤᠪᠢᠷᠢᠯᠲᠠ ᠶᠡᠬᠡᠲᠡᠢ ᠪᠠᠶᠢᠭᠠᠯᠢ ᠶᠢᠨ ᠣᠷᠴᠢᠨ ᠠᠬᠤᠢ ᠶᠢᠨ ᠠᠨᠠᠶᠢᠬᠠᠨ ᠰᠢᠭ᠋ ᠨᠥᠬᠦᠴᠡᠯ ᠳᠦ ᠴᠦ ᠲᠡᠰᠪᠤᠷᠢ ᠳᠠᠭᠠᠭᠠᠴᠠ ᠲᠠᠢ ᠪᠠᠷ ᠵᠣᠬᠢᠴᠠᠨ᠂ ᠪᠡᠯᠴᠢᠭᠡᠷ ᠤᠨ ᠬᠠᠷᠢᠭᠤᠯᠭ᠎ᠠ ᠪᠠᠷ ᠬᠠᠬᠢᠷ ᠬᠦᠢᠲᠡᠨ᠂ ᠴᠠᠰᠤ ᠵᠤᠳ ᠪᠠ ᠡᠯᠳᠡᠪ ᠵᠦᠢᠯ ᠦᠨ ᠭᠠᠩ ᠬᠠᠪᠰᠠᠷᠭᠠᠨ ᠵᠡᠷᠭᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠢ ᠠᠵᠢᠭ ᠦᠭᠡᠢ ᠲᠤᠭᠤᠯᠤᠨ᠂ ᠬᠡᠪ ᠦᠨ ᠪᠠᠶᠢᠳᠠᠯ ᠢᠶᠠᠷ ᠥᠰᠦᠨ ᠦᠷᠡᠵᠢᠵᠦ ᠴᠢᠳᠠᠳᠠᠭ ᠭᠠᠶᠢᠬᠠᠮ᠎ᠠ ᠰᠠᠶᠢᠨ ᠵᠣᠬᠢᠴᠠᠬᠤ ᠴᠢᠳᠠᠪᠤᠷᠢ ᠲᠠᠢ᠂ ᠠᠷᠠᠴᠢᠯᠠᠵᠣ ᠮᠠᠯᠵᠢᠬᠤ ᠳᠤ ᠳᠥᠬᠥᠮ᠂ ᠮᠠᠯᠵᠢᠯᠭ᠎ᠠ ᠶᠢᠨ ᠪᠡᠯᠡ ᠣᠷᠣᠭᠤᠯᠤᠯᠲᠠ ᠪᠣᠯᠣᠨ ᠵᠠᠷᠣᠯᠭ᠎ᠠ ᠪᠠᠭ᠎ᠠ᠂ ᠠᠰᠢᠭ ᠣᠯᠵᠠᠪᠤᠷᠢ ᠶᠡᠬᠡ ᠵᠡᠷᠭᠡ ᠣᠯᠠᠨ ᠠᠷᠪᠢᠨ ᠳᠠᠪᠠᠭᠤᠯᠢᠭ ᠲᠠᠯ᠎ᠠ ᠲᠠᠢ ᠪᠠᠶᠢᠳᠠᠭ᠃  
      ᠲᠠᠷᠭᠤ ᠠᠪᠤᠯᠲᠠ ᠨᠢ ᠲᠦᠷᠭᠡᠨ ᠪᠠᠶᠢᠳᠠᠭ᠃ ᠵᠢᠯ ᠳᠡᠬᠡᠨ ᠡᠪᠦᠯ ᠦᠨ ᠰᠡᠭᠦᠯᠴᠢ ᠪᠣᠯᠣᠨ ᠬᠠᠪᠤᠷ ᠤᠨ ᠭᠠᠴᠢᠭ ᠤᠯᠠᠷᠢᠯ ᠲᠤ    ᠤᠨ ᠲᠠᠷᠭᠤ ᠬᠦᠴᠦ ᠨᠢ ᠨᠡᠯᠢᠶᠡᠳ ᠶᠡᠬᠡᠪᠡᠷ ᠪᠠᠭᠤᠷᠠᠳᠠᠭ ᠪᠣᠯᠪᠠᠴᠣ᠂ ᠬᠠᠪᠤᠷ ᠡᠪᠡᠰᠦ ᠨᠣᠭᠣᠭ᠎ᠠ ᠤᠷᠭᠤᠭᠰᠠᠨ ᠤ ᠳᠠᠷᠠᠭ᠎ᠠ ᠲᠤᠩ ᠲᠦᠷᠭᠡᠨ ᠰᠡᠷᠭᠦᠳᠡᠭ᠂ ᠨᠡᠩ ᠴᠤ ᠵᠣᠨ ᠨᠠᠮᠣᠷ ᠤᠨ ᠡᠪᠡᠰᠦ ᠤᠷᠭᠤᠮᠠᠯ ᠰᠠᠬᠤᠯᠢᠭ ᠰᠠᠶᠢᠬᠠᠨ ᠤᠷᠭᠤᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠪᠡᠯᠴᠢᠭᠡᠷ ᠤᠨ ᠬᠠᠷᠢᠭᠤᠯᠭ᠎ᠠ ᠪᠠᠷ ᠲᠠᠷᠭᠤ ᠠᠪᠤᠯᠲᠠ ᠶᠢᠨ ᠨᠡᠮᠡᠭᠳᠡᠯ ᠨᠢ ᠡᠳᠦᠷ ᠲᠦ 0.5 ᠺᠢᠯᠤᠭ᠍ᠷᠠᠮ ᠠᠴᠠ ᠳᠡᠭᠡᠭᠰᠢ ᠪᠠᠶᠢᠳᠠᠭ᠃  
      ᠦᠷᠡᠵᠢᠯᠲᠡ ᠪᠣᠶᠢᠵᠢᠯᠲᠠ ᠶᠢᠨ ᠨᠣᠷᠮ᠎ᠠ ᠨᠢ ᠡᠯ᠎ᠠ ᠮᠠᠯᠵᠢᠭᠳᠠᠵᠣ ᠪᠠᠶᠢᠭ᠎ᠠ ᠭᠠᠵᠠᠷ ᠣᠷᠣᠨ ᠤ ᠪᠠᠶᠢᠭᠠᠯᠢ ᠣᠷᠴᠢᠨ ᠠᠬᠤᠢ ᠪᠣᠯᠣᠨ ᠠᠷᠠᠴᠢᠯᠠᠭ᠎ᠠ ᠮᠠᠯᠵᠢᠯᠭ᠎ᠠ ᠶᠢᠨ ᠨᠥᠬᠦᠴᠡᠯ ᠦᠨ ᠠᠳᠠᠯᠢ ᠦᠭᠡᠢ ᠡᠴᠡ ᠰᠢᠯᠲᠠᠭᠠᠯᠠᠵᠣ ᠬᠣᠭᠣᠷᠣᠨᠳᠣ ᠪᠠᠨ ᠨᠡᠯᠢᠶᠡᠳ ᠵᠥᠷᠢᠶ᠎ᠡ ᠲᠠᠢ ᠪᠤᠯᠤᠭᠰᠠᠨ ᠪᠠᠶᠢᠨ᠎ᠠ᠃ ᠦᠨᠢᠶᠡᠨ ᠦ ᠣᠷᠣᠭ᠎ᠠ ᠣᠷᠣᠬᠤ ᠨᠢ ᠨᠡᠯᠢᠶᠡᠳ ᠢᠯᠡᠷᠡᠬᠡᠢ ᠤᠯᠠᠷᠢᠯ ᠤᠨ ᠰᠢᠨᠵᠢ ᠣᠨᠴᠠᠯᠢᠭ ᠲᠠᠢ᠂ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤ᠂ ᠵᠢᠯ ᠪᠦᠷᠢ ᠶᠢᠨ 4︱11 ᠳ᠋ᠦ᠋ᠭᠡᠷ ᠰᠠᠷ᠎ᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠣᠷᠣᠭ᠎ᠠ ᠣᠷᠣᠬᠤ ᠪᠣᠯᠪᠠᠴᠣ᠂ 6︱9 ᠳ᠋ᠦ᠋ᠭᠡᠷ ᠰᠠᠷ᠎ᠠ ᠶᠢᠨ ᠬᠣᠭᠣᠷᠣᠨᠳᠣ ᠣᠯᠠᠩᠬᠢ ᠨᠢ ᠨᠡᠯᠢᠶᠡᠳ ᠲᠥᠪᠯᠡᠷᠡᠩᠭᠦᠢ ᠪᠡᠷ ᠣᠷᠣᠭ᠎ᠠ ᠣᠷᠣᠳᠠᠭ᠃  
   ᠮᠣᠩᠭᠣᠯ ᠦᠬᠡᠷ ᠂ ᠡᠷᠡᠰ ᠲᠠᠰ ᠬᠤᠪᠢᠷᠢᠯᠲᠠ ᠶᠡᠬᠡ ᠠᠭᠤᠷ ᠠᠮᠢᠰᠬᠤᠯ᠂ ᠡᠯᠳᠡᠪ ᠵᠦᠢᠯ ᠦᠨ ᠭᠠᠩ ᠬᠠᠪᠰᠠᠷᠭᠠᠨ ᠵᠡᠷᠭᠡ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠲᠠᠢ ᠣᠷᠴᠢᠨ ᠠᠬᠤᠢ ᠳᠤ᠂ ᠲᠡᠰᠪᠤᠷᠢ ᠳᠠᠭᠠᠭᠠᠴᠠ ᠲᠠᠢ ᠪᠠᠷ ᠵᠣᠬᠢᠴᠠᠬᠤ ᠴᠢᠳᠠᠪᠤᠷᠢ ᠲᠠᠢ᠂ ᠮᠢᠬ᠎ᠠ᠂ ᠰᠦ᠂ ᠬᠥᠯᠥᠰᠢ ᠵᠡᠷᠭᠡ ᠣᠯᠠᠨ ᠵᠦᠢᠯ ᠦᠨ ᠡᠳ᠋ᠯᠡᠯ ᠬᠡᠷᠡᠭᠯᠡᠭᠡ ᠶᠢ ᠶᠡᠷᠥᠩᠬᠡᠶᠢᠯᠡᠨ ᠤᠶᠠᠯᠳᠤᠭᠤᠯᠤᠭᠰᠠᠨ᠂ ᠤᠳᠤᠮᠰᠢᠯ ᠨᠢ ᠲᠤᠶᠢᠯ ᠤᠨ ᠲᠣᠭᠲᠠᠭᠤᠨ᠂ ᠮᠠᠯᠵᠢᠯᠭ᠎ᠠ ᠶᠢᠨ ᠪᠡᠯᠡ ᠣᠷᠣᠭᠤᠯᠤᠯᠲᠠ ᠪᠣᠯᠣᠨ ᠵᠠᠷᠣᠯᠭ᠎ᠠ ᠪᠠᠭ᠎ᠠ᠂ ᠠᠷᠠᠴᠢᠯᠠᠵᠣ ᠮᠠᠯᠵᠢᠬᠤ ᠳᠤ ᠳᠥᠬᠥᠮ᠂ ᠠᠰᠢᠭ ᠣᠯᠵᠠᠪᠤᠷᠢ ᠶᠡᠬᠡ ᠵᠡᠷᠭᠡ ᠣᠯᠠᠨ ᠠᠷᠪᠢᠨ ᠳᠠᠪᠠᠭᠤᠯᠢᠭ ᠲᠠᠯ᠎ᠠ ᠲᠠᠢ᠂ ᠬᠣᠪᠣᠷᠬᠠᠨ ᠰᠢᠯᠢᠳᠡᠭ ᠰᠠᠶᠢᠨ ᠡᠭᠦᠯᠳᠡᠷ  ᠪᠣᠯᠬᠣᠷ᠂ ᠬᠣᠶᠢᠰᠢᠲᠠ ᠨᠥᠬᠦᠴᠡᠯ ᠪᠣᠯᠣᠮᠵᠢᠲᠠᠢ ᠭᠠᠵᠠᠷ ᠤᠳ ᠲᠤ ᠤᠯᠠᠮ ᠰᠠᠶᠢᠨ ᠬᠠᠮᠠᠭᠠᠯᠠᠨ ᠬᠥᠭᠵᠢᠭᠦᠯᠵᠦ᠂ ᠲᠡᠭᠦᠨ ᠦ ᠳᠠᠪᠠᠭᠤᠯᠢᠭ ᠢ ᠨᠢ ᠤᠯᠠᠮ ᠪᠠᠳᠠᠷᠠᠭᠤᠯᠤᠨ᠂ ᠳᠠᠯᠳᠠ ᠬᠦᠴᠦᠨ ᠵᠦᠢᠯ ᠢ ᠨᠢ ᠢᠯᠡᠭᠦᠬᠡᠨ ᠢᠯᠡᠷᠡᠭᠦᠯᠦᠨ ᠠᠰᠢᠭᠯᠠᠪᠠᠯ ᠵᠣᠬᠢᠨ᠎ᠠ᠃ ᠶᠠᠮᠠᠷ ᠨᠢᠭᠡᠨ ᠬᠠᠷᠠᠯᠲᠠ ᠪᠤᠶᠤ ᠲᠥᠰᠥᠪ ᠲᠥᠯᠥᠪᠯᠡᠭᠡ ᠦᠭᠡᠢ ᠪᠡᠷ ᠪᠤᠰᠤᠳ ᠡᠭᠦᠯᠳᠡᠷ ᠢᠶᠡᠷ ᠡᠷᠯᠢᠰᠡᠵᠢᠭᠦᠯᠥᠨ ᠥᠭᠡᠷᠡᠴᠢᠯᠡᠬᠦ ᠶᠢ ᠬᠣᠷᠢᠭᠯᠠᠵᠣ᠂ ᠮᠣᠩᠭᠣᠯ ᠦᠬᠡᠷ ᠤᠨ ᠤᠳᠤᠮᠰᠢᠯ ᠤᠨ ᠴᠡᠪᠡᠷ ᠴᠢᠨᠠᠷ ᠢ ᠬᠠᠮᠠᠭᠠᠯᠠᠬᠤ ᠶᠢ ᠴᠢᠬᠤᠯᠠᠴᠢᠯᠠᠪᠠᠯ ᠵᠣᠬᠢᠨ᠎ᠠ᠃