-
2405
ᠲᠠᠯᠠ ᠶᠢᠨ ᠨᠠᠭᠤᠷ
2018-03-27 14:55
115
0
ᠴᠣᠭᠴᠠᠯᠠᠬᠤ ᠬᠦᠮᠤᠰ ᠨᠢ ᠡᠳᠡ ᠪᠠᠢᠵᠠᠢ
ᠴᠣᠭᠵᠢᠨ ᠮᠠᠨᠳᠤᠭ᠍ᠰᠡᠨ ᠣᠷᠣᠨ ᠢ
ᠴᠣᠬᠣᠮ ᠡᠵᠡᠳ ᠨᠢ ᠡᠳᠡ ᠪᠠᠢᠵᠠᠢ
ᠴᠣᠯᠭᠢᠨ ᠴᠠᠢᠯᠵᠠᠭᠰᠠᠨ ᠨᠠᠭᠤᠷ ᠤᠨ
ᠪᠠᠶᠠᠷᠯᠠᠵᠤ ᠬᠦᠬᠡᠷᠴᠦ ᠢᠨᠢᠶᠡᠯᠴᠡᠬᠦ ᠶᠤᠮ
ᠪᠠᠳᠠᠭ ᠰᠢᠯᠦᠭ ᠢᠶᠡᠨ ᠤᠩᠰᠢᠭᠠᠳ
ᠪᠠᠬᠠᠷᠬᠠᠮᠠ ᠦᠵᠡᠮᠵᠢ ᠶᠢ ᠰᠣᠨᠢᠷᠬᠠᠬᠤ ᠶᠤᠮ
ᠪᠠᠶᠠᠨ ᠰᠦᠷᠦᠭ ᠢᠶᠡᠨ ᠤᠮᠳᠠᠯᠠᠭᠠᠳ
ᠵᠢᠷᠭᠠᠯᠲᠠᠢ ᠴᠡᠩᠭᠡᠵᠦ ᠨᠠᠭᠠᠳᠥᠨᠠ
ᠵᠣᠯ ᠲᠠᠢ ᠲᠥᠷᠥᠭᠰᠡᠨ ᠪᠠᠭᠠᠴᠥᠥᠯ
ᠵᠢᠭᠠᠯ ᠬᠡᠥᠬᠡᠳ ᠴᠤᠭᠯᠡᠷᠠᠨᠠ
ᠵᠤᠨ ᠤ ᠰᠠᠢᠬᠠᠨ ᠡᠳᠦᠷ
ᠰᠦ ᠨᠢ ᠪᠣᠯᠵᠤ ᠴᠠᠢᠯᠵᠠᠵᠠᠢ
ᠰᠠᠷᠠᠭᠤᠯ ᠲᠡᠨᠢᠭᠡᠷ ᠬᠦᠳᠡᠭᠡ ᠶᠢᠨ ᠢᠶᠡᠨ
ᠮᠡᠯᠮᠡᠢ ᠨᠢ ᠪᠣᠯᠵᠤ ᠲᠤᠨᠤᠯᠵᠠᠵᠠᠢ
ᠮᠠᠩᠨᠤᠭ ᠨᠣᠭᠤᠭᠠᠨ ᠲᠠᠯᠠ ᠶᠢᠨ ᠢᠶᠡᠨ
ᠬᠣᠭᠤᠯᠠᠢ ᠪᠠᠨ ᠨᠣᠷᠭᠠᠭᠠᠳ ᠬᠥᠪᠬᠦ ᠶᠤᠮ
ᠬᠤᠷᠮᠤᠰᠲᠠ ᠶᠢᠨ ᠠᠯᠠᠭ ᠰᠣᠯᠥᠩᠭᠠ
ᠬᠣᠰᠢᠭᠤ ᠪᠠᠨ ᠳᠦᠷᠦᠭᠡᠳ ᠡᠷᠭᠢᠴᠡᠬᠦ ᠶᠤᠮ
ᠬᠤᠨ ᠴᠠᠭᠠᠨ ᠡᠭᠦᠯᠡᠰ
ᠵᠢᠰᠦ ᠶᠢ ᠨᠢ ᠪᠠᠬᠠᠷᠬᠠᠭᠠᠳ ᠱᠤᠮᠪᠠᠬᠤ ᠶᠤᠮ
ᠵᠤᠭᠠᠴᠠᠨ ᠪᠠᠭᠤᠳᠠᠯᠯᠠᠬᠤ ᠨᠤᠭᠤᠰᠤ
ᠵᠤᠯᠠᠢ ᠶᠢ ᠨᠢ ᠦᠨᠦᠰᠦᠭᠡᠳ ᠭᠡᠳᠡᠭᠡᠯᠡᠬᠦ ᠶᠤᠮ
ᠵᠦᠭᠡᠯᠡᠨ ᠰᠡᠪᠢᠯᠵᠡᠬᠦ ᠵᠢᠪᠠᠷ
ᠲᠣᠷᠭᠠᠨ ᠨᠣᠭᠤᠭᠠᠨ ᠵᠡᠭᠡᠰᠦ
ᠲᠤᠭ ᠪᠣᠯᠵᠤ ᠦᠶᠡᠯᠡᠭᠰᠡᠨ
ᠲᠤᠩᠭᠠᠯᠠᠭ ᠭᠦᠨ ᠪᠥᠷᠢᠲᠦ
ᠲᠣᠯᠢ ᠪᠣᠯᠵᠤ ᠮᠡᠯᠲᠡᠢᠭᠰᠡᠨ
ᠵ᠂ ᠦᠨᠡᠨᠪᠥᠶᠠᠨ
ᠲᠠᠯᠠ ᠶᠢᠨ ᠨᠠᠭᠤᠷ
